Psalm 103
103
1Von David. Preis däm Harn, miene Seel, un aul mien Ennaliche sienen heiljen Nomen!
2Veharlich däm Harn, miene Seel, un vejat nich aul siene Wooldoten!
3Dee vezeit die aule diene Sinden, dee doa aule diene Krankheiten heelt; 4dee dien Läwen erleest von de Kul, dee die met Jnod un Erboarmen kjreent; 5dee met Goodem dien Ella saut moakt; diene Jugent moakt sikj nie aus dee vom Odla.
6De Har eeft Jerajchtichkjeit {Ps.11,7} un schauft Rajcht aulem, dee unjadrekjt woaren.
7Hee gauf siene Wäaj däm Moses to weeten, de Kjinja Israel siene Doten.
8Boarmhoatich un jnädich es de Har langsom toom Oaja un groot aun Jnod; 9hee woat nich emma strofen un nich eewich nodroagen.
10Hee haft ons nich no onse Sinden jedonen, un nich no onse Ojjerajchtichkjeit vejelt.
11Dan soo huach dee Himmel äwa de Ieed es (sent), es siene Jnod jewaultich äwa dee, dee am ferchten; 12soo wiet de Oosten es vom Wasten, haft hee von ons onse Äwaträdungen wajchjenomen.
13Aus een Voda sikj äwa de Kjinja erboarmt, soo erboarmt sikj de Har äwa dee, dee am ferchten.
14Dan hee kjant ons Jebilt, hee denkjt doaraun, (es een jedenkj), daut wie Stoff sent.
15De Mensch - aus Grauss sent siene Doag; aus de Bloom oppe Stap, aulsoo bläjt hee.
16Dan een Wint foat doaräwa, un see es nich mea, un äare Städ kjant an nich mea.
17Oba de Jnod Gottes es von Eewichkjeit too Eewichkjeit äwa dee, dee am ferchten, un siene Jerajchtichkjeit oppe Kjinja äare Kjinja han; 18fa dee, dee sienen Bunt hoolen, un siene Jebooten jedenkjen, om dee to doonen.
19De Har haft sienen Troon em Himmel faustjestalt, un sien Rikj harscht äwa aules.
20Loft däm Harn, jie siene Enjel, jie Jewaultje aun Krauft, sien Wuat doonende, jehuarsom de Stemm von sienem Wuat!
21Loft däm Harn, aul siene Häaschoa, jie siene Deena, sienen Wellen Doonende!
22Loft däm Harn, aul siene Woakjen, aun aule Uaten siene harschoft! Low däm Harn, miene Seel!
Currently Selected:
Psalm 103: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
