Spricha 20
20
1De Wien es een Spata, stoakjet Jedrenkj een Jedruzh; un jiedra, dee sikj doamet berauscht, woat nich weis.
2De Kjennichsschrakj es aus daut Gnorre von eenem jungen Leiw; wäa sikj sienem Oaja hanjeft, vewert sien Läwen.
3Daut es däm Maun eene Iea, vom Striet auftoloten; wäa een Noa es, lat sikj doa nenn.
4Met däm Hoafstaunfank well de Fula nich plieejen; too Arnttiet woat hee wellen, un nuscht es doa.
5Deepet Wota es de Rotschluss em Hoat vom Maun, oba een veständja Maun schapt am ut.
6De mieeschte Menschen roopen een jiedra sien Goodet ut; oba eenen toovelotjen Maun, wäa woat am finje?
7Wäa en siene Vollkomenheit jerajcht waundelt, jlekjseelich sent siene Kjinja no am!
8Een Kjennich, dee oppem Jerechtstroon sett, vestreit aulet Beese met siene Uagen.
9Wäa doaf sajen: Ekj ha mien Hoat jereinicht, ekj sie rein jeworden von miene Sinden?
10Tweeatlei Jewicht Steena, tweeatlei Mot, dee sent beid däm Harn een Aufschu.
11Aul een Jung jeft sikj derch siene Haundlunk too erkjanen, auf sien Doonen rein, un auf daut opprechtich es.
12Daut hierende Ua un daut seenende Uag, de Har haft dee beid jemoakt.
13Leew nich däm Schlop, doamet du nich Oarm woascht; doo diene Uagen op, soo woascht du jenuach Broot ha. 14Schlajcht, schlajcht! Sajcht dee, dee waut kjeepen well; un wan hee wajch jeit, dan riemt hee sikj.
15Daut jeft väl Golt un Korale; oba een kostboaret Jefäss sent Leppen de Erkjantnis.
16Nemm am daut Kjleet, dan hee es fa eenem aundren Birj jeworden; un om de Framde äa haulwen - nemm von am Auntolinj.
17Daut Broot de Faulschheit es eenem Maun seet, oba nohäa woat sien Mul voll Graunt.
18Pläne komen derch Beroden tostaund, un met weis Äwalajunk fia Kjrich.
19Wäa aus Pludara omhäajeit, dakjt Jeheemnisen op; un met däm, dee siene Leppen opmoakt, lot die nich en.
20Wäa sienen Voda ooda siene Mutta flieekjt, däm siene Laump woat utjelascht en deepe Diestanis.
21Een Oawgoot, daut haustich aum Aunfank erlangt woat, däm sien Enj woat nich jesäajent sennen.
22Saj nich: Ekj well Beeset vejelten. Vetru oppem Harn, soo woat hee die raden.
23Tweeatlei Jewichtsteena sent däm Harn een Groll, un faulsche Wichtschol sent nich goot.
24Vom Harn sent däm Maun siene Schräd aufhenich; un de Mensch, woo saul hee sienen Wajch vestonen?
25Een Faulstrank fa däm Mensch es daut, toschwind to räden: Jeheilicht! Un nom Vespräakjen äwalajen.
26Een weisa Kjennich vestreit de Gottloose un fieet daut Draschraut äwa an häa.
27De Jeist de Menschen es eene Laump Gottes, derchforscht aule Komasch em Lief.
28Goodet un Woarheit bewoaren däm Kjennich, un derch Goodet stett hee sienen Troon.
29De Riem de junge Mana es äare Krauft, un grauet Hoa de Schmuck de Oole.
30Wundstrime reinjen vom Beesen, un Schläaj reinjen de Komasch vom Lief.
Currently Selected:
Spricha 20: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
