Spricha 13
13
1Een weisa Sän hieet opp de Zucht vom Voda, oba een Spata hieet nich opp daut Schellen.
2Von de Frucht ut sienem Mul at een Maun Goodet, oba de Seel de Truloose es jewaultdoonend.
3Wäa sien Mul bewoat, schoont siene Seel; wäa siene Leppen opritt, däm woatet toom Unjagank.
4Däm Fulen siene Seel jankat, un nuscht es doa; oba de Seel de Pienje woat sea jesäajent.
5De Jerajchta haust Läajesräden, oba de Gottloosa haundelt schentlich un spottisch.
6De Jerajchtichkjeit bewoat däm Vollkomnen oppem Wajch, un Gottloosichkjeit dreit däm Sinda om.
7Doa es eena, dee sikj rikj hanstalt un haft goa nuscht, un eena, dee sikj oam hanstalt un haft väl Vemäajen.
8Leesjelt fa daut Läwen von eenem Maun es sien Rikjtum, oba de Oama hieet kjeen Dreiwen.
9Daut Licht de Jerajchte brent froo, oba de Laump de Gottloose woat utjelascht.
10Derch Äwamoot jeft daut blooss Striet; däm oba, dee sikj roden lat, Weisheit.
11Vemäajen, daut opp onjerajchte Wies jewonnen es, vekjlandat sikj; oba wäa aulmäajlich saumelt, vemieet daut.
12Lang hanjetrockne Hopninj moakt daut Hoat krank, oba een erfällta Wensch es een Läwensboom.
13Wäa daut Wuat veacht, woat von am tonicht jemoakt; oba wäa daut Jeboot fercht, däm woat vejelt woaren.
14De Belierunk de Weise es eene Läwenskjwal, om däm Faulstrank vom Doot too entgonen.
15Goode Ensecht veschauft Gonst, oba de Truloose äa Wajch es hoat.
16Jiedra Kluaka haundelt met Erkjantnis; oba een Noa vebreet Noaheit.
17Een gottloosa Bootschofta felt em Onjlekj, oba een trua Jeschekjta es Jesuntheit.
18Oamoot un Schaund däm, dee Zucht veacht; oba wäa Zucht beacht, woat jeieet.
19Een erfelldet Velangen es de Seel seet, un däm Noa es daut een Groll, vom Beesen wajchtogonen.
20Wäa met Weise omjeit, woat weis; oba wäa sikj to de Noaren jesellt, woat schlajcht.
21Daut Beese vefolcht de Sinda, oba däm Jerajchten woat maun met Goodem vejelten.
22De Gooda veoaft opp Kjinja äare Kjinja, oba de Rikjtum de Sinda es oppbewoat fa däm Jerajchten.
23De Niebroak de Oame jeft väl Speise, oba maunch eena jeit too Grunt derch Orrajcht.
24Wäa siene Wäd spoat, haust sienen Sän, oba wäa am leew haft, stroft am tiedich jenuach (von kjlien opp).
25De Jerajchta at bat siene Seel saut es, oba de Lief de Gottloose mot lieden.
Currently Selected:
Spricha 13: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
