Popular Bible Verses from Spricha 13

Share

Wäa met Weise omjeit, woat weis; oba wäa sikj to de Noaren jesellt, woat schlajcht.

Wäa sien Mul bewoat, schoont siene Seel; wäa siene Leppen opritt, däm woatet toom Unjagank.

Wäa siene Wäd spoat, haust sienen Sän, oba wäa am leew haft, stroft am tiedich jenuach (von kjlien opp).

Lang hanjetrockne Hopninj moakt daut Hoat krank, oba een erfällta Wensch es een Läwensboom.

De Jerajchtichkjeit bewoat däm Vollkomnen oppem Wajch, un Gottloosichkjeit dreit däm Sinda om.

Vemäajen, daut opp onjerajchte Wies jewonnen es, vekjlandat sikj; oba wäa aulmäajlich saumelt, vemieet daut.

Derch Äwamoot jeft daut blooss Striet; däm oba, dee sikj roden lat, Weisheit.

De Gooda veoaft opp Kjinja äare Kjinja, oba de Rikjtum de Sinda es oppbewoat fa däm Jerajchten.

Een weisa Sän hieet opp de Zucht vom Voda, oba een Spata hieet nich opp daut Schellen.

Oamoot un Schaund däm, dee Zucht veacht; oba wäa Zucht beacht, woat jeieet.