4. Mose 33
33
Israel äa Loagaplauz wäarent vieetich Joa enne Wieste
1Dit sent de Reise de Kjinja Israel, dee ut däm Ägiptenlaunt rutjegonen sent met äarem Häa, unjre Haunt Moses un Aaron. 2Un Moses schreew äarem Utgank opp, no äare Reis, nom Befäl Gottes; un dit es äare Reis, no äarem Utgank: 3See jinjen von Raemses em ieeschten Moonat auf, aum 15-den Dach vom ieeschten Moonat. Aum aundren Dach nom Passa jinjen de Kjinja Israel met eene erhoowne Haunt rut, ver de Uagen aule Ägipta, 4aus dee Ägipta dee begrowen, dee de Har unja an jeschloagen haud, aule Ieeschtjebuarne; un de Har haud aun äare Jetta Jerecht jeeeft.
5Un de Kjinja Israel jinjen von Raemses auf un loagaden sikj en Sukkot. 6Un see jinjen von Sukkot auf un loagaden sikj en Etam, daut aum Wiesteraunt licht. 7Un see jinjen von Etam wajch un dreiden sikj no Pi-Hachirot, daut Baal-Zefon jäajenäwa licht, un loagaden sikj ver Migdol. 8Un see jinjen von Hachirot wajch un jinjen medden derch daut Mäa no de Wieste, un see jinjen dree Doagesreisen enne Wieste Etam un loagaden sikj en Mara. 9Un see jinjen von Mara wajch un kaumen no Elim; un en Elim wieren 12 Wotakjwalen un 70 Paulmbeem; un see loagaden sikj doa selfst. 10Un see jinjen von Elim wajch un loagaden sikj aum Schelpmäa. 11Un see jinjen vom Schelpmäa wajch un loagaden sikj enne Wieste Sin. 12Un see jinjen vonne Wieste Sin wajch un loagaden sikj en Dofka. 13Un see jinjen von Dofka wajch un loagaden sikj en Alusch. 14Un see jinjen von Alusch wajch un loagaden sikj en Refidim; un daut Volkj haud doa kjeen Wota toom drinkjen. 15Un see jinjen von Refidim wajch un loagaden sikj enne Wieste Sinai. 16Un see jinjen ut de Wieste Sinai un loagaden sikj en Kibrot-Hattaawa [Lostjräwa]. 17Un see jinjen von Kibrot-Hattaawa wajch un loagaden sikj en Hazerot. 18Un see jinjen von Hazerot wajch un loagaden sikj en Ritma. 19Un see jinjen von Ritma wajch un loagaden sikj en Rimmon-Perez. 20Un see jinjen von Rimmon-Perez wajch un loagaden sikj en Libna. 21Un see jinjen von Libna wajch un loagaden sikj en Rissa. 22Un see jinjen von Rissa wajch un loagaden sikj en Kehelata. 23Un see jinjen von Kehelata wajch un loagaden sikj aum Boajch Schefer. 24Un see jinjen vom Boajch Schefer wajch un loagaden sikj en Harada. 25Un see jinjen von Harada wajch un loagaden sikj en Makhelot. 26Un see jinjen von Makhelot wajch un loagaden sikj en Tahat. 27Un see jinjen von Tahat wajch un loagaden sikj en Terach. 28Un see jinjen von Terach wajch un loagaden sikj en Mitka. 29Un see jinjen von Mitka wajch un loagaden sikj en Haschmona. 30Un see jinjen von Haschmona wajch un loagaden sikj en Moserot. 31Un see jinjen von Moserot wajch un loagaden sikj en Bne-Jaakan. 32Un see jinjen von Bne-Jaakan wajch un loagaden sikj en Hor-Gidgad. 33Un see jinjen von Hor-Gidgad wajch un loagaden sikj en Jotbata. 34Un see jinjen von Jotbata wajch un loagaden sikj en Abrona. 35Un see jinjen von Abrona wajch un loagaden sikj en Ezjon-Geber. 36Un see jinjen von Ezjon-Geber wajch un loagaden sikj enne Wieste Zin, daut es Kades. 37Un see jinjen von Kades wajch un loagaden sikj aum Boajch Hor, aum Laundesraunt von Edom.
38Un Aaron, de Priesta, jinkj oppem Boajch Hor nom Befäl Gottes; un hee storf doa selfst aum 40-sten Joa nom Utgank de Kjinja Israel ut däm Ägiptenlaunt, aum feften Moonat, aum ieeschten em Moonat. 39Un Aaron wia 123 Joa oolt, aus hee oppem Boajch Hor storf.
40Un de Kanaanita, de Kjennich von Arad, dee em Sieden em Launt Kanaan wont, hieed vom komen de Kjinja Israel. 41Un see jinjen vom Boajch Hor wajch un loagaden sikj en Zalmona. 42Un see jinjen von Zalmona wajch un loagaden sikj en Punon. 43Un see jinjen von Punon wajch un loagaden sikj en Obot. 44Un see jinjen von Obot wajch un loagaden sikj en Ije-Abarim, aune Jrens von Moab. 45Un see jinjen von Ije-Abarim wajch un loagaden sikj en Dibon-Gad. 46Un see jinjen von Dibon-Gad wajch un loagaden sikj en Almon-Diblataim. 47Un see jinjen von Almon-Diblataim wajch un loagaden sikj aum Boajch Abarim ver Nebo. 48Un see jinjen vom Boajch Abarim wajch un loagaden sikj enne Läacht Moab, aum Jordan, Jericho jäajenäwa. 49Un see loagaden sikj aum Jordan von Bat-Jesimot bat Abel-Sittim enne Läacht Moab.
50Un de Har räd too Moses enne Läacht Moab, aum Jordan, Jericho jäajenäwa, un säd: 51Räd to de Kjinja Israel un saj to an: Wan jie äwa däm Jordan en daut Launt Kanaan gonen, 52soo sell jie aule Laundesbewona ver junt rutjoagen un aul äare Biltstendasch twei moaken; un aul äare jegotne Bilda sell jie vebräakjen, un aul äare Hechten sell jie vetiljen; 53un jie sellen daut Launt ennämen un doa wonen, dan junt ha ekj daut Launt jejäft, daut et jun Ieejentum es. 54Un jie sellen daut Launt derch een Loss aus Ieejentum kjrieen, no june Jeschlajchta: dan dee Väl sent sell jie äa Oawgoot vemieren, un dee Weinje sell jie äa Oawgoot vekjlandren; wuahan daut Loss eenem fält, daut saul am jehieren; no june Staum Vodasch sell jie oawen. 55Oba wan jie de Laundesbewona nich ver junt rutjoagen, soo woaren deejanje, dee jie von an äwaloten, too Hachel en june Uagen un to Stachlen en june Sieden woaren, un see woaren junt em Launt bedrenjen, en däm jie wonen. 56Un daut woat passieren; soo aus ekj docht, an to doonen, woa ekj junt doonen.
Currently Selected:
4. Mose 33: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
