4. Mose 29
29
Opfa aum Fast de Posaunenschaul, aum Veseenungsdach un aum Loofzelt-Fast (Loofboodenfast)
1Un em säwenden Moonat, aum ieeschten em Moonat, sell jie eene heilje Vesaumlunk hoolen; kjeene Deenstoabeit sell jie doonen; dan daut es een Dach de Posaunenschaul. 2Un jie sellen een Brauntopfa opfren toom leeftoljen Jeroch däm Harn; eenen jungen Boll, eenen Bock, säwen eenjoasche Lama, onen Fäla; 3un äa Speisopfa, fienet Mäl, jemischt met Eelj; dree tieendel toom jungen Boll, twee tieendel toom Bock, 4un een tieendel too jiedrem Laum, to de säwen Lama; 5un eenen Kosenbock aus Sindopfa, om Veseenunk fa junt to doonen; 6butrem Moonatlichem Brauntopfa un sienem Speisopfa un däm bestendjen Brauntopfa un sienem Speisopfa un äare Drinkjopfa, no äare Väaschreft, toom leeftoljen Jeroch, een Fiaopfa däm Harn.
7Un aum 10-den aun disem säwenden Moonat sell jie eene heilje Vesaumlunk hoolen, un jie sellen june Seelen deemutje; kjeene Oabeit sell jie doonen. 8Un jie sellen däm Harn een Brauntopfa brinjen aus leeftoljen Jeroch: Eenen jungen Boll, eenen Bock, säwen eenjoasche Lama; onen Fäla sellen dee junt sennen; 9un äa Speisopfa, fienet Mäl, jemischt met Eelj; dree tieendel toom Boll, twee tieendel to eenem Bock, 10un een tieendel fa jiedret Laum, to de säwen Lama; 11un een Kosenbock aus Sindopfa, butrem Sindopfa de Veseenunk un däm bestendjen Brauntopfa un sienem Speisopfa un äare Drinkjopfa.
12Un aum feften Dach em säwenden Moonat sell jie eene heilje Vesaumlunk hoolen; kjeene Deenstoabeit sell jie doonen, un jie sellen däm Harn een Fast säwen Doag fieren. 13Un jie sellen een Brauntopfa brinjen, een Fiaopfa leeftoljen Jeroch däm Harn; 13 junge Bolles, twee Bakj, 14 eenjoasche Lama; onen Fäla sellen see sennen; 14un äa Speisopfa, fienet Mäl, jemischt met Eelj; dree tieendel too jiedrem Boll, fa de 13 Bolles, twee tieendel fa jiedrem Bock, fa de twee Bakj, 15un een tieendel fa jiedrem Laum, fa de 14 Lama; 16un eenen Kosenbock aus Sindopfa; butrem bestendjen Brauntopfa, sienem Speisopfa un sienem Drinkjopfa.
17Un aum tweeden Dach 12 junge Bolles, twee Bakj, 14 eenjoasche Lama onen Fäla; 18un äa Speisopfa un äa Drinkjopfa, to de Bolles, to de Bakj un to de Lama, no äare Zol, no de Väaschreft; 19un eenen Kosenbock aus Sindopfa; buta bestendje Brauntopfa un siene Speisopfa un äare Drinkjopfa.
20Un aum dredden Dach 11 Bolles, twee Bakj, 14 eenjoasche Lama, onen Fäla; 21un äa Speisopfa un äare Drinkjopfa, to de Bolles, to de Bakj un to de Lama, no äare Zol, no de Väaschreft; 22un eenen Kosebock aus Sindopfa; butrem bestendjen Brauntopfa un sienem Speisopfa un sienem Drinkjopfa.
23Un aum vieeden Dach 10 Bolles, twee Bakj, 14 eenjoasche Lama, onen Fäla; 24äa Speisopfa un äare Drinkjopfa, to de Bolles, to de Bakj un to de Lama, no äare Zol, no de Väaschreft; 25un eenen Kosenbock aus Sindopfa; buta däm bestendjen Brauntopfa, sienem Speisopfa un sienem Drinkjopfa.
26Un aum feften Dach 9 Bolles, twee Bakj, 14 eenjoasche Lama, onen Fäla; 27un äa Speisopfa un äa Drinkjopfa, to de Bolles, to de Bakj un to de Lama, no äare Zol, no de Väaschreft; 28un een Bock aus Sindopfa; butre bestendje Brauntopfa un sienem Speisopfa un sienem Drinkjopfa.
29Un aum sasten Dach 8 Bolles, twee Bakj, 14 Eenjoasche Lama, onen Fäla; 30un äa Speisopfa un äare Drinkjopfa, to de Bolles, to de Bakj un to de Lama, no äare Zol, no de Väaschreft; 31un eenen Kosebock aus Sindopfa; butrem bestendjen Brauntopfa, sienem Speisopfa un sienem Drinkjopfa.
32Un aum säwenden Dach säwen Bolles, twee Bakj, 14 eenjoasche Lama, onen Fäla; 33un äa Speisopfa un äa Drinkjopfa, to de Bolles, to de Bakj un to de Lama, no äare Zol, no äare Väaschreft; 34un eenen Kosebock aus Sindopfa; butrem bestendjen Brauntopfa, sienem Speisopfa un sienem Drinkjopfa.
35Aum achten Dach sell jie eene Fast Vesaumlunk hoolen; kjeene Deenstoabeit sell jie doonen. 36Un jie sellen een Brauntopfa brinjen, een Fiaopfa leeftoljen Jeroch däm Harn: Eenen Boll, eenen Bock, säwen eenjoasche Lama, onen Fäla; 37äa Speisopfa un äa Drinkjopfa, to de Bolles, to de Bakj un to de Lama, no äare Zol, no de Väaschreften; 38un eenen Kosebock aus Sindopfa; butre bestendje Brauntopfa un sienem Speisopfa un sienem Drinkjopfa.
39Daut sell jie bie june Faste däm Harn opfren, buta jun Vespräakjen un june frieweljen Gowen aun Brauntopfa un aun Speisopfa un Drinkjopfa un aun Dankopfa.
Currently Selected:
4. Mose 29: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
