4. Mose 19
19
Veordnunk fa daut Opfa - De roode Koo un daut Reinjungs-Wota
1Un de Har räd too Moses un to Aaron un säd: 2Dit es de Sazunk vom Jesaz, daut de Har befoolen haft, endäm hee säd: Räd to de Kjinja Israel, daut see die eene roode junge Koo brinjen, onen Fäla, aun däa nuscht Fälahauftet es, opp däa kjeen Joch jekomen es; 3un jie sellen ar Eleasar, däm Priesta, jäwen, un hee saul ar ver däm Loaga rutfieren, un maun saul ar ver am schlachten. 4Un Eleasar, de Priesta, saul von äarem Bloot met sienem Finja nämen un säwen Mol jäajen de väaschte Sied vom Zelt de Bejäajnunk spretzen. 5Un maun saul de junge Koo ver siene Uagen vebrennen; äare Hut un äa Fleesch un äa Bloot met äarem Mest saul maun vebrennen. 6Un de Priesta saul Zeedaholt un Isop un Karmesin nämen un daut medden en däm Braunt vonne junge Koo schmieten. 7Un de Priesta saul siene Kjleeda wauschen un sien Fleesch em Wota boden, un nodäm saul hee em Loaga gonen; un de Priesta woat bat Oppenowent onrein sennen. 8Un dee ar vebrent, saul siene Kjleeda met Wota wauschen un sien Fleesch em Wota boden, un hee woat bat Oppenowent onrein sennen. 9Un een reina Maun saul de Ausch vonne junge Koo saumlen un dee butrem Loaga aun eenem reinem Uat schedden, un dee saul fa de Jemeent de Kjinja Israel oppbewoat woaren fa daut Reinjungswota; dan daut es een Sindopfa. 10Un dee de Ausch vonne junge Koo jesaumelt haft, saul siene Kjleeda wauschen, un hee woat bat Oppenowent onrein sennen. Un daut saul de Kjinja Israel un däm Framden, dee en äare Medd es, too eene eewje Sazunk sennen.
11Wäa eenen Doodjen aunschieet, irjent eenen doodjen Mensch, dee woat säwen Doag onrein sennen. 12Dee selja saul sikj aum dredden Dach doamet [däm Wota] entsindje, un aum säwenden Dach woat hee rein sennen; un wan hee sikj aum dredden Dach nich entsindicht, soo woat hee aum säwenden Dach nich rein sennen. 13Jiedra, dee eenen Doodjen aunschieet, eenem doodjen Mensch, dee jestorwen es, un sikj nich entsindicht, haft de Wonunk Gottes veonreinicht; un dee Seel saul ut Israel utjerot woaren. Wiels daut Reinjungswota nich opp am jespretst wort, es hee onrein; siene Orreinichkjeit es noch aun am.
14Dit es daut Jesaz, wan een Mensch em Zelt stoaft: Jiedra, dee en daut Zelt jeit, un jiedra, dee em Zelt es, woat säwen Doag onrein sennen. 15Un jiedret opne Jefäss, opp däm kjeen faust jebungnet Dakjsel es, woat onrein sennen.
16Un jiedra, dee oppem frieem Flekj eenem met daut Schwieet omjebrochte ooda eenen Jestorwnen ooda de Knoakes von eenem Mensch ooda een Grauf aunschieet, woat säwen Doag onrein sennen. 17Un maun saul fa däm Onreinen vom Stoff däm vebrenden Sindopfa nämen un läwendjet Wota doanopp un en eenem Jefäss doonen; 18un een reina Maun saul Isop nämen un am em Wota ducke, un saul opp däm Zelt spretzen un opp aulem Jereetschoft un opp aule Seelen, dee doa sent, un opp däm, dee de Knoakes ooda däm Omjebrochten ooda däm Jestorwnen ooda daut Grauf aunjereat ha. 19Un zwoa saul de Reina opp däm Onreinen aum dredden Dach un aum säwenden Dach spretzen, un an aum säwenden Dach entsindje; un hee saul siene Kjleeda wauschen un sikj em Wota boden, un Oppenowent woat hee rein sennen.
20Un wan wäa onrein woat, un sikj nich entsindicht, dee Seel saul ut de Medd de Vesaumlunk utjerot woaren; dan hee haft daut Heilichtum Gottes veonreinicht; daut Reinjungswota es nich opp am jespretst worden, hee es onrein. 21Un daut saul an eene eewje Sazunk sennen. Un wäa daut Reinjungswota spretst, saul siene Kjleeda wauschen; un wäa daut Reinjungswota aunschieet, woat bat Oppenowent onrein sennen. 22Un aules, waut de Orreina aunschieet, woat onrein sennen; un wäa am aunschieet, woat bat Oppenowent onrein sennen.
Currently Selected:
4. Mose 19: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
