4. Mose 1
1
Dee Zol de kjriejesfäje Mana
1Un de Har räd too Moses enne Wieste Sinai em Zelt de Bejäajnunk, aum ieeschten em tweeden Moonat, aum tweeden Joa, no äarem rutgonen ut däm Ägiptenlaunt un säd: 2Nemm de gaunze Somm de Jemeent Israel no äare Jeschlajchta, no äare Vodahiesa, no de Zol de Nomes, aule Menliche no äare Kjap; 3von 20 Joa un doaräwa, jiedren, dee nom Häa (Kjrich) Israel utgonen kaun, dee sell jie mostren no äarem Häa, du un Aaron. 4Un je een Maun fa däm Staum saul bie junt sennen, een Maun, dee daut Haupt von sienem Vodahus es. 5Un dit sent de Nomes de Mana, dee junt biestonen sellen: fa Ruben Elizur, de Sän Schedeur; 6fa Simeon: Schelumiel, de Sän Zuri-Schaddai; 7fa Juda: Nachschon, de Sän Amminadab; 8fa Isachar: Nethaneel, de Sän Zuar; 9fa Sebulon: Eliab, de Sän Helon; 10fa Josef siene Säns: fa Efraim: Elischama, de Sän Ammihud; fa Manasse: Gamliel, de Sän Pedazur; 11fa Benjamin: Abidan, de Sän Gideoni; 12fa Dan: Achiesa, de Sän Ammischaddai; 13fa Aser: Pagiel, de Sän Okran; 14fa Gad: Eljasaf, de Sän Deguel; 15fa Naftali: Achira, de Sän Enan. 16Daut wieren de Beroopne de Jemeent, de Ferschten äare Stamvodasch; see wieren de Heipta de 1000 Israels. 17Un Moses un Aaron neemen dise met Nomen jenande Mana, 18un see vesaumelden de gaunze Jemeent aum ieeschten em tweeden Moonat. Un see leeten sikj en de Jeburtsrejista enndroagen no äare Jeschlajchta, no äare Vodahiesa, no de Zol de Nomes, von 20 Joa un doaräwa, no äare Kjap; 19aus de Har Moses befoolen haud. Un soo mostad hee an enne Wieste Sinai.
20Un daut wieren de Säns Ruben, de Ieeschtjebuarne Israels: äare Jeschlajchta no äare Familjes, no äare Vodahiesa, no de Zol de Nomes, no äare Kjap, aule Menliche von 20 Joa un doaräwa, jiedra, dee toom Häa utjemostat wia, 21äare Jemostade vom Staum Ruben, 46 500.
22Von de Säns Simeon: Äare Jeschlajchta no äare Familjes, no äare Vodahiesa, siene Jemostade no de Zol de Nomes, no äare Kjap, aule Menliche von 20 Joa un doaräwa, jiedra, dee toom Häa utjemostat wia, 23äare Jemostade vom Staum Simeon, 59 300.
24Von de Säns Gad: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 25äare Jemostade vom Staum Gad, 45 650.
26Von de Säns Juda: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 27äare Jemostade vom Staum Juda, 74 600.
28Von de Säns Isachar: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 29äare Jemostade vom Staum Isachar 54 400.
30Von de Säns Sebulon; Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 31äare Jemostade vom Staum Sebulon, 57 400.
32Von Josef siene Säns: Von de Säns Efraim: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 33äare Jemostade vom Staum Efraim, 40 500.
34Von de Säns Manasse: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 35äare Jemostade vom Staum Manasse, 32 200.
36Von de Säns Benjamin: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 37äare Jemostade vom Staum Benjamin, 35 400.
38Von de Säns Dan: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 39äare Jemostade vom Staum Dan, 62 700.
40Von de Säns Aser: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 41äare Jemostade vom Staum Aser, 41 500.
42Von de Säns Naftali: Äare Jeschlajchta no äare Familjes, no äare Vodahiesa, no de Zol de Nomes, von 20 Joa un doaräwa, jiedra, dee toom Häa utjemostat wia, 43äare Jemostade vom Staum Naftali, 53 400.
44Daut sent de Jemostade, dee Moses un Aaron un de Ferschten Israels mostade, de 12 Mana; daut wia een Maun fa sien Vodahus. 45Un daut wieren aule Jemostade de Kjinja Israel, no äare Vodahiesa, von 20 Joa un doaräwa, jiedra, dee toom Häa utjinkj en Israel; 46daut wieren de Jemostade 603 550.
47Oba de Leviten no äare Vodastam worden nich unja an jemostat.
De Utnomen fa de Leviten
48Dan de Har haud too Moses jerät un jesajcht: 49Blooss däm Staum Levi saust du nich mostren un äare Somm nich unjre Kjinja Israel oppnämen, 50sonda bestal du de Leviten äwa de Wonunk vom Zeichnis un äwa aul äa Jereetschoft un äwa aules, waut doatoo jehieet. See sellen de Wonunk un aul äa Jereetschoft droagen, un see sellen dee bedeenen un sikj runtom de Wonunk loagren. 51Un wan de Wonunk reed jemoakt woat toom wiedagonen, sellen de Leviten dee uteneen nämen; un wan de Wonunk sikj loagat, sellen de Leviten ar oppstalen. Oba de Framda [de nich Levit es], dee doatoo kjemt, saul stoawen. 52Un de Kjinja Israel sellen sikj loagren, een jiedra en sienem Loaga un een jiedra bie siene Flag, no äarem Häa. 53Oba de Leviten sellen sikj runtom de Wonunk von Zeichnis loagren, daut nich een Oaja äwa de Jemeent de Kjinja Israel kjemt; un de Leviten sellen däm Deenst, de Wonunk vom Zeichnis, doonen. 54Un de Kjinja Israel deeden no aulem, waut Har Moses befoolen haud; aulsoo deeden see.
Currently Selected:
4. Mose 1: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
