4. Mose 2
2
Loaga Ordninj
1Un de Har räd too Moses un to Aaron un säd: 2De Kjinja Israel sellen sikj loagren, een jiedra bie siene Flag, bie de Tieekjen von äare Vodahiesa; däm Zelt de Bejäajnunk jäajenäwa sellen see sikj runtom loagren. 3Un zwoa dee jäajen Oosten, dee jäajen Sonnenoppgank loagren; bie de Flag vom Loaga Juda, no äare Häasch; un de Ferscht de Säns Juda, Nachschon, Amminadab sien Sän; 4un sien Häa un siene Jemostade, 74 600. 5Un dee bie am loagaden; de Staum Isachar; un de Ferscht de Säns Isachar, Nethaneel, Zuar sien Sän; 6un sien Häa un siene Jemostade, 54 400. 7De Staum Sebulon; un de Ferscht de Säns Sebulon, Eliab, Helon sien Sän; 8un sien Häa un siene Jemostade, 57 400. 9Aule Jemostade vom Loaga Juda; 186400, no äare Häasch; see sellen aus ieeschte loosgonen.
10Jäajen Sieden de Flag vom Loaga Ruben, un de Ferscht de Säns Ruben, Elizur, Schedeur sien Sän; 11un sien Häa un siene Jemostade, 46 500. 12Un dee bie am loagaden; de Staum Simeon; un de Ferscht de Säns Simeon, Schelumiel, Zurischaddai sien Sän; 13un sien Häa un äare Jemostade, 59 300. 14Un de Staum Gad; un de Ferscht de Säns Gad, Eljasaf, Reguel sien Sän; 15un sien Häa un äare Jemostade, 45 650. 16Aule Jemostade vom Loaga Ruben; 151 450 no äarem Häa; un aus de tweede sellen see loosgonen.
17Un dan saul daut Zelt de Bejäajnunk gonen, daut Loaga de Leviten - enne Medd vom Loaga; soo aus see loagren, soo sellen see loosgonen, een jiedra aun siene Städ, unja äare Flag.
18De Flag vom Loaga Efraim, no äarem Häa, jäajen Wasten; un de Ferscht de Säns Efraim, Elischama, Ammihud sien Sän; 19un sien Häa un äare Jemostade, 40 500. 20Un bie am de Staum Manasse; un de Ferscht de Säns Manasse, Gamliel, Pedazur sien Sän; 21un sien Häa un äare Jemostade, 32 200. 22Un de Staum Benjamin; un de Ferscht de Säns Benjamin, Abidan, Gideoni sien Sän; 23un sien Häa un äare Jemostade, 35 400. 24Aule Jemostade vom Loaga Efraim; 108 100, no äarem Häa; un aus de dredde sellen see loosgonen.
25De Flag vom Loaga Dan jäajen Nuaden, no äarem Häa; un de Ferscht de Säns Dan, Achiesa, Ammischaddai sien Sän; 26un sien Häa un äare Jemostade, 62 700. 27Un dee bie am loagaden; de Staum Aser; un de Ferscht de Säns Aser, Pagiel, Okran sien Sän; 28un sien Häa un äare Jemostade, 41 500. 29Un de Staum Naftali; un de Ferscht de Säns Naftali, Achira, Enan sien Sän; 30un sien Häa un äare Jemostade, 53 400. 31Aule Jemostade vom Loaga Dan; 157 600; see sellen aus latste met äare Flag loosgonen.
32Daut sent de Jemostade de Kjinja Israel no äare Vodahiesa. Aule Jemostade de Loagasch, no äarem Häa, wieren 603 550. 33Oba de Leviten wieren nich unja de Kjinja Israel jemostat, soo aus de Har Moses befoolen haud. 34Un de Kjinja Israel deeden no aulem, waut de Har Moses befoolen haud; soo loagaden see sikj no äare Flag, un soo jinjen see loos, een jiedra no sienem Jeschlajcht, no sienem Vodahus.
Currently Selected:
4. Mose 2: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.