Hiob 6
6
Hiob siene Auntwuat: Rajchtfoadjunk von siene Kloagen met däm schwoaren Lieden – De Wensch nom schwinden Doot – De Kloag äwa de Strenjheit vonne Frind
1Un Hiob auntwuad un säd:
2Oo daut mien Kumma doch jewoagen wort, un aul mien Kumma oppe Wichtschol jelacht! 3Dan nu wudd daut schwanda sennen aus daut Saunt aum Mäa; doarom sent miene Wieed onbedocht. 4Dan däm Aulmajchtjen siene Feilasch sent en mie, äa Jeft drenjt mienem Jeist; de Schrakj Gottes stalt sikj de Rieej no jäajen mie opp. 5Schricht een Wiltäsel biem Grauss grose, ooda brelt een Rind bie sienem Fooda? 6Kaun Flauet onen Solt jejäten? Ooda es Jeschmak em Eiwitt? 7Waut miene Seel sikj wäat auntorieren, daut es mie aus ne äakjelje Speise. 8Oo daut sikj doch mien Bedden erfelt, un Gott mie no mienem velangen jeft, 9daut et Gott jefoll, mie too vemolen, daut hee siene Haunt loosmuak un mie venicht! 10Soo wudd noch mien Troost sennen, un ekj wudd mie freien en schoonungsloose Pien, daut ekj de Wieed de Heilje nich veloagen ha. 11Waut es miene Krauft, daut ekj besto, un waut mien Enj, daut ekj jeduldich sennen sull? 12Es Krauft de Steena miene Krauft, ooda es mien Fleesch von Koppa? 13Es daut nich aulsoo, daut kjeene Help en mie, un jiedre Krauft ut mie vedräwe es?
14Däm Vezoagden traft Metleet von siene Frind, sest woat hee de Angst det Aulmajchtjen veloten. 15Miene Breeda ha sikj faulsch erwesse aus een faulenda Stroom, aus daut Bad de wille Streem, dee doahan ranen, 16dee onkloa vom Ies sent, en dee sikj de Schnee vestakjt. 17Too Tiet, wan see oppjewoamt woaren, veschwinjen see; wan daut heet woat, sent see von äare Städ veschwungen. 18Daut schlenjen sikj de Stiej opp äarem Wajch, trakjen enopp vedonste sikj enne Sonn un velieren sikj. 19Daut kjikjen de Karawane Temas han, dee Reiseziej Scheba hopten opp an: 20See woaren beschämt, wiels see opp an vetruen hauden, see kjeemen han un worden toschaunden. 21Dan nu sent jie tonuscht jeworden; jie seenen een Schrakjen un fercht junt. 22Ha jie irjentwaut jesajcht: Jeft mie, un moakt mie een Jeschenkj von junem Vemäajen; 23un moakt mie frie ut de Haunt de Jewault doonende?
24Belieet mie, un ekj well stell sennen; un jeft mie too erkjanen, wuaraun ekj jeert ha. 25Woo wirkjsom sent rajchte Wieed! Oba waut stroft de Dodel, dee von junt kjemt? 26Denkjt jie, met Wieed too strofen? Fa däm Wint sent doch de Wieed von eenem Vetwiewelnden! 27Soogoa de Weis wudd jie äwafaule, un äwa junem Frint eenen Haundel aufschluten. 28Un nu, lot daut junt jefaulen, opp mie hantokjikjen: Junt em Aunjesecht woa ekj nich lieejen. 29Dreit doch om, daut passieet kjeen Onjlekj; jo, dreit noch om, daut haundelt sikj om miene Jerajchtichkjeit! 30Es Orrajcht opp miene Tung? Ooda sull mien Mulbän Fräfelhauftet nich unjascheeden?
Currently Selected:
Hiob 6: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
