Hiob 39
39
1Weetst du de Jeburtstiet de Steenbakj? Beobachst du daut jebuaren de Herschkjäj? 2Talst du de Monen, dee see erfellen, un weetst du äare Jeburtstiet? 3See kjrelle sikj, loten äare Junge derchbräakjen, woaren äare Weedoag loos. 4Äare Kjinja woaren stoakj, waussen em Frieen opp; see gonen ut un komen nich no an trigj.
5Wäa haft däm Wiltäsel frie gonen loten, un wäa jeleest de Jefangenschoft de Wiltäsels, 6de Stapen ha ekj too äa Hus jemoakt, un daut Soltlaunt to siene Woninj? 7Hee lacht äwa daut Jetimmel de Staut, daut Jeschrecht de Hoads hieet hee nich. 8Waut hee oppe Boaj finjt, es siene Weid, un no aulem Jreens sieekjt hee.
9Woat de willa Oss die deenen wellen, ooda woat hee aun diene Kjrebb äwanachten? 10Woascht du däm willen Oss met däm Strank aun de Foasch binjen, ooda woat hee hinja die häa de Dolgrunt äajden? 11Woascht du am true, wiels siene Krauft groot es, un am diene Oabeit äwaloten? 12Woascht du die opp am veloten, daut hee dien Sot nohus brinjt, un daut hee daut Jeträajd en diene Schien nenn brinjt?
13De Straushan weifelt froo met äare Flichten: Sent daut Storjchshan Flichten un Fadren? 14Dan see äwalat äare Eia de Ieed un woamt an opp däm Stoff; 15un see vejat, daut een Foot dee vedrekjen, un daut Tieren oppem Flekj dee veklunjen kjennen. 16See behaundelt äare Kjinja hoat, aus jehieren see ar nich; äare Mieej es emsonst, daut kjemmat ar nich. 17Dan Gott leet ar de Weisheit vejäten, un kjeen Vestaunt deeld hee ar too. 18Too de Tiet, wan see ne Hecht flicht, lacht see äwa daut Pieet un sienem Ritta.
19Jefst du däm Pieet de Krauft, bekjleedst du sien Hauls met walljem Kaumhoa? 20Moakst du daut sprinjent aus eene Heischrakj? Sien prachtjet Schnuwe es schrakjlich. 21Daut schoaft de Ieed un freit sikj äwa de Krauft, trakjt ut, daut Kjrichsjescherr entjäajen. 22Daut lacht äwa de Angst un erschrakjt nich, un kjemt vom Schwieet nich om. 23Opp am kjlinjt de Boagenhaulta, de blanka Spies un Steetstang. 24Met Onwada un Oaja jajcht hee doahan un lat sikj nich hoolen, wan de Posaun blost. 25Biem Posaunenschaul roopt daut: Huj! Un von Wiet toobt de Schlacht, däm Donnre de Häafiera un daut Flekj jeschräjcht.
26Flicht de Hofkje derch dien Vestaunt nohecht, breed siene Flichten jäajen däm Sieden ut? 27Ooda häft sikj de Odla opp dienem Befäl, un but doa bowen sien Nast? 28Enne Steena wont un vewielt hee, opp Steenspetze un de Boajchspetzen. 29Von doa ut spuat hee no Noarinj, siene Uagen kjikjen wiet. 30Un siene Junge schlurpsen Bloot, un woa dootjeschloagne sent, doa es hee.
Currently Selected:
Hiob 39: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
