Hiob 37
37
1Jo, doaräwa zettat mien Hoat un bäbt opp von siene Städ. 2Hieet, hieet daut Jetees siene Stemm un daut Grolle, daut ut sienem Mul utjeit! 3Hee schekjt daut ut - unja däm gaunzen Himmel, un sien Blitz bat no de Enj de Ieed. 4No däm Blitz brelt eene Stemm; hee donnat met siene erhoowne Stemm, un helt däm Blitz nich trigj, wan siene Stemm jehieet woat. 5Gott donnat wundaboa met siene Stemm; hee deit groote Dinj, dee wie nich bejriepen. 6Dan toom Schnee sajcht hee: Faul oppe Ieed! Un toom Räajen, soo es de Plauzräajen doa en siene Macht. 7Hee vesäajelt de Haunt von eenem jiedren Mensch, doamet aule Menschen sien Woakj kjanen lieren. 8Un daut Wilt jeit en sien Vestäakj un blift en siene Heelen. 9Ut de Siedkoma kjemt Storm, un vom Nuadwint Kold. 10Derch däm Odem Gottes entsteit Ies, un de wiede Wotasch trakjen sikj toop. 11Uk met Wota belot hee de Wolkjen, vebreet, wiet ut siene Blitzwolkje. 12Un unja siene Leidinj dreien see sikj omhäa no äare Woakjen, no aulem, waut hee an jeboot, äwa däm gaunzen Ieedkjreis han, 13buta daut, daut hee an aus Zuchtwäd, ooda siene Ieed, ooda toom bewiesen siene Jnod - sikj trafen lat.
14Nemm daut to Ua, Hiob; sto un bekjikj de Wunda Gottes! 15Weetst du, woo Gott an belot, un däm Blitz en siene Wolkjen dachen lat? 16Vesteist du daut schwäwe de Wolkjen, de Wundadoten, dee vollkomen es aun Weeten? 17Du, däm siene Kjleeda heet woaren, wan daut Launt vom Sieden häa schwool woat, 18kaust du, aus hee, de Himmelswolkjen utbreeden, faust aus een jegotna Spieejel?
19Doo ons to weeten, waut wie am sajen sellen! Wie kjennen vere Diestanis nuscht väabrinjen. 20Saul am jemald woaren daut ekj räden well? Wan wäa to am sajcht, hee woat jewess veschlungen woaren. 21Un nu sitt maun daut Licht nich, daut aum Himmel dacht; oba een Wint foat doahäa un moakt dautselje rein. 22Ut däm Nuaden kjemt Golt: - Om Gott es furchtboare Pracht; 23däm Aulmajchtjen, däm erräkj wie nich, däm Grooten aun Krauft; un daut Rajcht un de vollkomne Jerajchtichkjeit bicht hee nich. 24Doarom ferchten am de Menschen; hee kjikjt kjeene aun, dee von Hoaten weis sent.
Currently Selected:
Hiob 37: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
