Hiob 35
35
De dredde Räd von Elihu: Es daut waut Menschen doonen von Bediedunk – Wäa nich Gottesforcht haft, däm woat Gott nich erhieren
1Un Elihu jinkj wieda un säd:
2Helst du daut fa rajcht? Du hast jesajcht: Miene Jerajchtichkjeit es jrata aus Gott siene. 3Dan du frajchst, waut see die nuzt; waut jewenn ekj mea, aus wan ekj jesindicht haud?
4Ekj well die met Wieed wadaräde un diene Frind met die. 5Kjikj nom Himmel un besee, un kjikj de Wolkjen aun, - see sent hecha aus du. 6Wan du sindichst, waut deist du am aun? Un vemeascht du diene Äwaträdungen, waut kaust du am doonen? 7Wan du jerajcht best, waut jeffst du am, ooda waut kjricht hee ut diene Haunt? 8Fa eenen Maun aus du jelt diene Jesazloosichkjeit waut, un fa een Menschenkjint diene Jerajchtichkjeit.
9Wäajen de väle Bedrekjungen schricht maun; maun roopt om Help wäajen däm Oarm de Grooten. 10Oba maun sajcht nich: Wua es Gott, mien Erschaufa, dee Jesank jeft enne Nacht, 11dee ons mea belieet aus de Tieren oppe Ieed, un ons weisa moakt aus de Väajel unjrem Himmel? 12Dan schricht maun, wäajen däm Huachmoot de Beese, oba hee auntwuat nich. 13Gott hieet blooss nich opp Iedlet, un de Aulmajchtja kjikjt daut nich aun. 14Wan du uk sajchst, du sitst am nich - Rajchtsach es ver am; soo hop opp am. 15Un nu, wan sien Oaja nich jestroft haft, sull hee nich von däm Äwamoot weeten? 16Un soo moakt Hiob emsonst sien Mul op, saumelt Wieed onen Erkjantnis.
Currently Selected:
Hiob 35: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
