Hiob 32
32
De ieeschte Räd von Elihu: Bat nu wia hee Trigjhoolent un Onparteiisch – Oppfodrunk aun Hiob to Veauntwuatunk
1Un jane 3 Mana hieeden opp, däm Hiob too auntwuaden, wiels hee en siene Uagen jerajcht wia. 2Doa flaumd de Oaja Elihus opp, däm Sän Barakeel, däm Busita, vom Jeschlajcht Ram; sien Oaja entflaumd jäajen Hiob, wiels hee sikj selfst mea rajchtfoadijd aus Gott. 3Un sien Oaja entflaumd jäajen siene dree Frind, doarom, daut see kjeene Auntwuat fungen un Hiob vedaumden. 4Oba Elihu luad met Räden opp Hiob, wiels jane ella aun Joaren wieren aus hee. 5Un aus Elihu sach, daut kjeene Auntwuat en däm Mul dee dree Mana wia, doa brend sien Oaja opp.
6Un Elihu, de Sän Barakeels, de Busita, auntwuad un säd: Ekj sie jung aun Joaren, un jie sent Jreisen; doarom ha ekj mie jeschuet un jeenjst, junt mien Weete toweeten loten. 7Ekj säd: Muchten de Doag räden, un de Menj de Joaren Weisheit vekjindjen. 8Un doch es daut de Jeist enne Menschen, un de Odem det Aulmajchtjen, dee an vestendich moakt. 9Nich de Bejoade sent weis, noch vestonen de Oole, waut rajcht es. 10Doarom saj ekj: Hea mie too, uk ekj well mien Weete toweeten loten. 11Kjikj, ekj ha opp june Räd jeluat, ekj hieed opp june Ensecht, bat jie de rechtje Wieed jefungen hauden, 12un ekj recht miene Oppmoakjsomkjeit opp junt; un kjikj, kjeena es unja junt, dee Hiob trajchtwees, dee siene Räd beauntwuat haft. 13Daut jie nich sajen: Wie ha Weisheit jefungen. Gott woat am ut däm Flekj schlonen, nich een Mensch! 14Jo, hee haft jäajen mie kjeene Wieed jerecht, un met june Räd woa ekj am nich wadaräde.
15See sent vewert, see auntwuaden nich mea, de Wieed sent an utjegonen. 16Un ekj sull wachten, wiels see nich räden, wiels see doa stonen, nich mea auntwuaden? 17Uk ekj well mien Deel wadaräden, uk ekj well mien Weeten toweeten loten. 18Dan ekj sie voll Wieed; mien ennalicha Jeist drenjt mie. 19Kjikj, mien Ennalichet es aus (junga) Wien, dee nich opjemoakt es; de niee Schläaj well hee sprenjen (verieten). 20Ekj well räden, daut ekj mie Loft moak, well miene Leppen opmoaken un auntwuaden. 21Daut ekj blooss fa kjeenem Partie näm! Un ekj woa kjeenem Mensch schmeichlen. 22Dan ekj weet nich too schmeichlen: Goa boolt wudd mien Erschaufa mie wajchnämen.
Currently Selected:
Hiob 32: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
