Hiob 18
18
De tweede Räd von Bildad: Onwellich äwa Hiob sien frajchet räden - De Gottloose äa Unjagank dee nich väatobieejen jeit
1Un Bildad, de Schuchita, auntwuad un säd:
2Wanea well jie de Wieed een Enj moaken? Woat Vestendich, un doano well wie räden! 3Wuarom woa wie däm Vee jlikj jeacht, sent domm en june Uagen? 4Du, dee sikj selfst veritt en sienem Oaja, saul om dient haulwen de Ieed veloten woaren, un eenen Fels von siene Städ wajchrieten? 5Doch daut Licht de Gottloose woat erlasche, un de Flaum von sienem Fia woat nich dachen. 6Daut Licht woat diesta en sienem Zelt, un siene Laump jeit äwa am ut. 7De Schräd von siene Krauft woaren ennjeenjt woaren, un sien Plon woat am rauf steeten. 8Dan derch siene ieejne Feet woat hee em Nat jedräwen, un opp Flajchtwoakj woat hee omhäa gonen. 9De Faulstrank woat siene Haken hoolen, de Schlenj am jriepen. 10Sien Drot es enne Ieed vestoaken, un siene Faul opp däm Stich. 11Rundomm enjst am Schrakj un joagen am opp Schrett un Trett. 12Siene Krauft woat vetäat woaren derch Hunga, un daut Vedoawen steit reed aun siene Sied. 13De Ieeschtjebuarna vom Doot woat de Jläda von sienem Lief fräten, siene Jläda woat hee fräten. 14Siene Hopninj woat wajchjeräten woaren ut sienem Zelt, un daut woat am wajchjoagen nodäm Kjennich de Schrakjen. 15Waut nich sient es, woat en sienem Zelt wonen, opp siene Wonstäd woat Schwäwel jestreit woaren. 16Unjen woaren siene Wartlen vedrieejen, un bowen woaren siene Asta vewalkje. 17Sien Jedajchnis veschwinjt von de Ieed, un opp däm Launt haft hee kjeenen Nomen. 18Maun woat am ut daut Licht en de Diestanis steeten, un am ut de Welt vejoagen. 19Hee woat kjeenen Sän un kjeen Nokomen ha unja sienem Volkj, noch een Wajchranenda woat en sienem Wonuat sennen. 20Äwa sienem Dach wundren sikj dee em Wasten wonen, un dee em Oosten fot Schuda. 21Jo, soo sent de Woninjen de Onjerajchten, un soo es dee äare Städ, dee Gott nich kjant.
Currently Selected:
Hiob 18: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
