Hiob 17
17
De Uasoak fa Gott sien mankfoten – Daut Räden de Frind woat aus onvestendich aufjewäsen oppe Hopninj vom Grauf
1Mien Jeist es vetäat, miene Doag erlasche, de Jräwa sent fa mie. 2Sent nich Spata om mie häa, un mott nich mien Uag luaren opp äare Beleidjunk? 3Sat die en, birj fa mie bie die selfst! Wäa es daut sest, dee en miene Haunt ennschlonen woat? 4Dan äare Hoaten hast du de Ensecht veschloten; doarom woascht du an nich de Äwahaunt jäwen. 5Wan eena de Frind toom Raup aunbeet, soo woaren siene Kjinja äare Uagen veschmachten. 6Un hee haft mie hanjestalt toom Sprechwuat de Velkja, un ekj sie toom Aunspiee em Aunjesecht. 7Un mien Uag es onkloa jeworden von Kumma, un aus de Schauten sent aule miene Jläda. 8De Opprechtje woaren doaräwa ontofräd sennen, un de Schultloosa woat oppjebrocht woaren äwa däm Gottloosen. 9Doch de Jerajchta woat aun siene Wäaj fausthoolen, un dee aune Henj reina woat aun Krauft toonämen. 10Oba jie aula, komt blooss wada noda! Un eenen Weisen woa ekj nich unja junt finjen. 11Miene Doag sent vebie, veräten sent miene Pläne, daut Ieejentum von mienem Hoat. 12De Nacht moaken see toom Dach, daut Licht saul dichta sennen aus de Diestanis. 13Wan ekj hop, soo es de Scheol mien Hus, enne Diestanis moak ekj mien Loaga. 14Too Vewäsunk roop ekj: Du best mien Voda! Too de Warm: Miene Mutta un miene Sesta! 15Aulsoo woa es dan miene Hopninj? Jo, miene Hopninj, wäa woat dee seenen? 16See foat rauf no de Räajel vom Scheol, wan wie metenaunda em Stoff Ru haben.
Currently Selected:
Hiob 17: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
