Jesaja 35
35
Israel woat wada trigjkomen no aul daut Lieden
1De Wieste un daut drieeje Launt woaren sikj freien, un de Stap woat sikj freien un opblieejen aus eene Lelje. 2See woat en vollem Blieechsel stonen un sikj freien, jo, freien un jublen; de Harlichkjeit vom Libanon es ar jejäft, de Pracht vom Karmel un Scharon: See woaren de Harlichkjeit Gottes seenen, de Pracht von onsem Gott. 3Stoakjt de schlaupe Henj un moakt de wankende Kjnee faust! 4Sajcht to dän, dee em Hoat vezoagt sent: Siet stoakj, fercht junt nich! Kjikj, jun Gott kjemt, Rach kjemt, de Vejeltunk Gottes! Hee selfst kjemt un woat junt raden.
5Dan woaren de blinje Uagen opjedonen un de Uaren de Doowe opjemoakt woaren; 6dan woat de Loma hupsen aus een Hersch, un de Tung de Stomme woat jublen. Dan doa komen Wota enne Wieste väa, un Streem en de Stapen; 7un hee woat de Gloothett toom Bach (Läch), un daut drieeje Launt too Wotakjwalen; aun de Wonstäd de Schakale, woa see loagren, woat Grauss biem Rua un Schelp sennen. 8Un doa woat eene Gauss un een Wajch sennen, un hee woat de heilja Wajch jenant woaren; kjeen Orreina woat doaräwa gonen, sonda hee woat fa an sennen. Wäa opp däm Wajch waundelt – selfst Eenfeltje woaren nich erregonen. 9Doa woat kjeen Leiw sennen, un kjeen rietendet Tia woat doabowen gonen noch doa jefungen woaren; un de Erleeste woaren doabowen gonen. 10Un de frie jemoakte Gottes woaren trigjkomen un no Zion met Jubel komen, un eewje Freid woat äwa äarem Haupt sennen; see woaren Jlekj un Freid erlangen, un Trua un Seften woaren doavon ranen.
Currently Selected:
Jesaja 35: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
