Popular Bible Verses from Jesaja 35

Share

Un de frie jemoakte Gottes woaren trigjkomen un no Zion met Jubel komen, un eewje Freid woat äwa äarem Haupt sennen; see woaren Jlekj un Freid erlangen, un Trua un Seften woaren doavon ranen.

Stoakjt de schlaupe Henj un moakt de wankende Kjnee faust! Sajcht to dän, dee em Hoat vezoagt sent: Siet stoakj, fercht junt nich! Kjikj, jun Gott kjemt, Rach kjemt, de Vejeltunk Gottes! Hee selfst kjemt un woat junt raden.

Un doa woat eene Gauss un een Wajch sennen, un hee woat de heilja Wajch jenant woaren; kjeen Orreina woat doaräwa gonen, sonda hee woat fa an sennen. Wäa opp däm Wajch waundelt – selfst Eenfeltje woaren nich erregonen.

Dan woaren de blinje Uagen opjedonen un de Uaren de Doowe opjemoakt woaren

dan woat de Loma hupsen aus een Hersch, un de Tung de Stomme woat jublen. Dan doa komen Wota enne Wieste väa, un Streem en de Stapen