1. Mose 36

Esau siene Nokomen

1Un dit sent de Jeschlajchta von Esau, daut es Edom. 2Esau neem siene Frues vonne Dajchta Kanaan: Ada, de Dochta Elon, däm Hetita, un Oholibama, de Dochta von Ana, de Dochta Zibeon, vom Hewita, 3un Basmat, de Dochta von Ismael, de Sesta von Nebajoth. 4Un Ada jebua däm Esau Elifa, un Basmat jebua Reghuel. 5Un Oholibama jebua Jeghusch un Jaghlam un Korach. Daut sent Esau siene Säns, dee am em Launt Kanaan jebuaren worden. 6Un Esau neem siene Frues un siene Säns un siene Dajchta un aule Seelen ut sienem Hus, un siene Häaden un aul sien Vee un aul sien Ieejentum, daut hee em Launt Kanaan jewonnen haud, un jinkj en een Launt, von sienem Brooda Jakob wajch. 7Dan äa Hab un Goot wia groot, om bie eenaunda too wonen, un daut Launt woa see sikj opphilden kunn an nich droagen wäajen äare Häaden. 8Un Esau wond opp däm Jebirje Seir. Esau, daut es Edom.

9Un dit sent de Jeschlajchta von Esau, däm Voda von Edom, opp däm Jebirje Seir. 10Dit sent de Nomes vonne Säns Esau: Elifa, de Sän von Ada, de Fru Esau; Reghuel, de Sän Basmat, de Fru Esau. 11Un de Säns von Elifa wieren: Teman, Omar, Zefo un Gaetam un Kena. 12Un Timna wia de Näbenfru von Elifa, däm Sän von Esau, un see jebua am däm Elifa Amalek. Daut sent de Säns Ada, Esau siene Fru. 13Un dit sent de Säns von Reghuel: Nachat un Serach, Schamma un Missa. Daut wieren de Säns Basmat, von Esau siene Fru. 14Un dit sent de Säns Oholibama, de Dochta von Ana, de Dochta Zibeon, de Fru von Esau: See jebua däm Esau; Jeghusch, Jaghlam un Korach. 15Dit sent de Ferschten de Säns Esau: De Säns Elifa, de Ieeschtjebuarna von Esau: De Ferschten Teman, de Ferscht Omar, de Ferscht Zefo, de Ferscht Kena, 16de Ferscht Korach, de Ferscht Gaetam, de Ferscht Amalek. Daut sent de Ferschten vom Elifa em Launt Edom; daut sent de Säns de Ada. 17Un dit sent de Säns Reghuel, vom Sän Esau: De Ferscht Nachat, de Ferscht Serach, de Ferscht Schemma, de Ferscht Missa. Daut sent de Ferschten von Reghuel em Launt Edom; daut sent de Säns Basmat, von de Fru Esau. 18Un dit sent de Säns Oholibama, von Esau siene Fru: De Ferscht Jeghusch, de Ferscht Jaghlam, de Ferscht Korach. Daut sent de Ferschten Oholibama, de Dochta de Ana, de Fru von Esau. 19Daut sent de Säns von Esau un äare Ferschten; daut es Edom.

20Daut sent de Säns von Seir, vom Horita, de Bewona vom Launt: Lotan un Schobal un Zibeon un Ana un Dischon un Ezer un Dischan. 21Daut sent de Ferschten de Horita, vonne Säns Seir, em Launt Edom. 22Un de Säns von Lotan wieren: Hori un Hemam, un de Sesta Lotan: Timna. 23Un dit sent de Säns von Schobal: Alwan un Manachat un Ebal, Schefo un Onam. 24Un dit sent de Säns von Zibeon: Aja un Ana. Daut es de Ana, dee de woame Kjwalen enne Wieste funk, aus hee Zibeon siene Äsel, von sienem Voda, heed. 25Un dit sent de Säns von Ana: Dischon un Oholibama, de Dochta von Ana. 26Un dit sent de Säns Dischon: Hemdan un Eschban un Jitran un Keran. 27Dit sent de Säns von Ezer: Bilhan un Saawan un Ackan. 28Dit sent de Säns von Dischan: Uz un Aran.

29Dit sent de Ferschten de Horita: De Ferscht Lotan, de Ferscht Schobal, de Ferscht Zibeon, de Ferscht Ana, 30de Ferscht Dischon, de Ferscht Ezer, de Ferscht Dischan. Daut sent de Ferschten de Horita, no äare Ferschten em Launt Seir.

31Un dit sent de Kjennichs, dee em Launt Edom rejieet ha, ea een Kjennich äwa de Kjinja Israel rejieed: 32Bela, de Sän von Beor, wort Kjennich en Edom, un de Nomen von siene Staut wia Dinhaba. 33Un Bela storf; un daut wort Jobab Kjennich aun siene Städ, de Sän von Serach, ut Bozra. 34Un Jobab storf; un daut wort Huscham Kjennich aun siene Städ, ut däm Launt de Temanita. 35Un Huscham storf; un daut wort Hadad Kjennich aun siene Städ, de Sän von Bedad, dee Midian schluach oppem Flekj Moab; un de Nomen von siene Staut wia Awit. 36Un Hadad storf; un daut wort Samla, ut Masreka, Kjennich aun siene Städ. 37Un Samla storf; un daut wort Saul, ut Rechobot, aum Stroom, Kjennich aun siene Städ. 38Un Saul storf; un daut wort Baal-Hanan, de Sän Akbor, Kjennich aun siene Städ. 39Un Baal-Hanan, de Sän von Akbor, storf; un daut wort Hadar Kjennich aun siene Städ; un de Nomen von siene Staut wia Paghu, un de Nomen von siene Fru Mehetabeel, de Dochta de Matred, de Dochta Mesahab.

40Un dit sent de Nomes de Ferschten von Esau, no äare Famieljes, no äare Uaten un Nomes: De Ferscht Timna, de Ferscht Alwa, de Ferscht Jetet, 41de Ferscht Oholibama, de Ferscht Ela, de Ferscht Pinon, 42de Ferscht Kena, de Ferscht Teman, de Ferscht Mibzar, 43de Ferscht Magdiel, de Ferscht Iram. Daut sent de Ferschten von Edom no äare Wonstäden, en äarem Ieejendoomslaunt. Daut es Esau, de Voda de Edomieta.

Currently Selected:

1. Mose 36: PBJHF

Highlight

Copy

Compare