2. Mose 31
31
Heilichtum: Beroopunk de Woakjmeista Bezalel un Oholiab
1Un de Har räd too Moses un säd: 2Kjikj, ekj ha Bezalel, däm Sän Uri, Hur sienem Sän, vom Staum Juda, met Nomen jeroopt, 3un ha am met däm Jeist Gottes erfelt, en Weisheit un en Vestaunt un en Kjantnis un en aulem Woakj; 4om Konst too entwekjle, to oabeiden en Golt un en Selwa un en Koppa, 5un em Steen too schnieden toom Ennsaten un em Holt too schnieden, om to oabeiden en aulalei Woakj. 6Un ekj, kjikj, ekj ha am Oholiab, däm Sän Ahisamach, vom Staum Dan, doatoo jejäft; un en daut Hoat eenem jiedren, daut weis Hoates es, ha ekj Weisheit jejäft, daut see aules moaken, waut ekj die befoolen ha: 7Daut Zelt de Bejäajnunk un de Zeichnislod un daut Dakjsel, daut doabowen es, un daut Jereetschoft vom Zelt; 8un däm Desch un aul sien Jereetschoft un de reine Laump un aul sien Jereetschoft un däm Ruakaultoa, 9un däm Brauntopfa-Aultoa un aul sien Jereetschoft, un de Komm un äa Jestal; 10un de Deenstkjleeda un de heilje Kjleeda fa Aaron, däm Priesta, un de Kjleeda fa siene Säns, om dän Priestadeenst uttoeewen; 11un daut Saulweelj un daut woolrikjende Rieekjastoff (Weiruak, seeta Ruak) fa daut Heilichtum: No aulem, waut ekj die befoolen ha, sellen see moaken.
Jebäd aum Sabat un de Jesazestoflen
12Un de Har räd too Moses un säd: 13Un du, räd to de Kjinja Israel un saj: Woarhauft, miene Sabaten sell jie hoolen; dan see sent een Tieekjen tweschen mie un junt bie june Jeschlajchta, doamet jie weeten, daut ekj de Har sie, dee junt heilicht; 14un hoolt däm Sabat, dan hee es junt heilich; wäa am entheilicht, saul jewess stoawen; dan wäa aum Sabat eene Oabeit deit, dee Seel saul ut de Medd äare Velkja utjerot woaren. 15Sas Doag saul maun oabeiden, oba aum säwenden Dach es de Sabatru, heilj däm Harn; wäa emma aum Sabat eene Oabeit deit, dee saul jewess stoawen. 16Un de Kjinja Israel sellen däm Sabat hoolen, om däm Sabat too fieren bie aul äare Jeschlajchta: Een eewja Bunt. 17Hee es een Tieekjen tweschen mie un de Kjinja Israel eewich; dan en sas Doag haft Gott Himmel un de Ieed jemoakt, un aum säwenden Dach haft hee jereift un sikj vepust (utjereift ).
18Un hee jeef däm Moses, aus hee oppem Boajch Sinai met am utjeräd haud, twee Zeichnis Toflen, Toflen von Steen, met däm Finja Gottes beschräwen.
Currently Selected:
2. Mose 31: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
