2. Mose 26
26
Heilichtum: Teppich [Dakjen] to de Wonunk
1Un de Wonunk saust du ut 10 Teppiche moaken; von witte Boomwoll un blauen un rooden Purpur un Karmesin, met Cherubim en Konstjewäwt saust du an moaken. 2De Lenjd von eenem Teppich 28 Ellen, un vea Ellen de Breed von eenem Teppich: Een Mot fa aule Teppiche. 3Fief Teppiche sellen toop jemoakt woaren, eena aum aundren, un nochmol fief Teppiche toop jemoakt, eena aum aundren. 4Un moak Eesen von blauen Purpur aun däm Enj von eenem jiedren Teppich, doa woa see sellen toopjemoakt woaren; un aulsoo saust du daut moaken aun däm Enj vom latsten Teppich, soo sellen de aundre toopjemoakt woaren. 550 Eesen saust du aun däm eenen Teppich moaken, un 50 Eesen saust du aum Enj vom Teppich moaken, dee bie de aundre Sied toom toopmoaken es, de Eese sellen eene de aundre jäajenäwa sennen. 6Un moak 50 goldne Klaumasch, un moak de Teppiche met de Klaumasch toop, eenen aun däm aundren, soo daut de Wonunk een Gaunzet es.
7Un du saust Teppiche von Kosenhoa moaken toom Zelt äwa de Wonunk; 11 von dise Teppiche saust du moaken. 8De Lenjd von eenem Teppich 30 Ellen, un vea Ellen de Breed von eenem Teppich: Een Mot fa de 11 Teppiche. 9Un moak fief Teppiche oppoat toop un sas Teppiche oppoat, un däm sasten Teppich aune väaschte Sied vom Zelt laj dobbelt. 10Un moak 50 Eese aum Enj von eenem Teppich, däm butaschten, doa woa dee toopjemoakt woaren, un 50 Eese aun däm Enj vom Teppich, woa de aundre toopjemoakt woaren. 11Un moak 50 Klaumasch von Koppa, un brinj de Klaumasch en de Eese un moak daut Zelt toop, soo daut et een Gaunzet es. 12Un daut Äwahenjende, daut too väl aun de Teppiche vom Zelt, de Haulwa Teppich, dee too väl es, saul äwa de hinjaschte Sied de Wonunk henjen. 13Eene Elle von dise un eene Elle von jane Sied, von däm, waut too lank aun de Teppiche vom Zelt es, saul äwa de Sieden de Wonunk henjen, von dise un jane Sied, ar to bedakjen.
14Un moak fa daut Zelt eene Dakj von root jeforwne Bockfals un eene Dakj von Dacksfal bowen äwa.
Heilichtum: Bräda un Räajel
15Un de Bräda fa de Wonunk saust du von Akozjeholt moaken, stonent; 1610 Ellen de Lenj von eenem Brat, un eene un eene haulwe Elle de Breed von eenem Brat; 17twee Taupes aun eenem Brat, eent däm aundren jäajenäwa vebungen: Aulsoo saust du aule Bräda de Wonunk moaken. 18Un moak de Bräda fa de Wonunk: 20 Bräda aune Meddachsied, siedlich; 19un 40 Feet von Selwa saust du unja de 20 Bräda moaken: twee Feet unja een Brat fa siene twee Taupes, un wada twee Feet unja een Brat fa siene twee Taupes; 20un aun de aundre Sied de Wonunk, aune Nuadsied, 20 Bräda, 21un äare 40 Feet von Selwa; twee Feet unja een Brat, un wada twee Feet unja een Brat; 22un aun de hinjaschte Sied de Wonunk jäajen Wasten saust du sas Bräda moaken; 23un twee Bräda saust du fa de Akjen de Wonunk aun de hinjaschte Sied moaken; 24un see sellen dobbelt sennen von unjen aun, un sellen bat Bowen toop sennen un toopjemoakt met eenem Rinkj; aulsoo saul daut met an beid sennen, aun beid Akjen sellen see sennen. 25Un soo sellen daut acht Bräda sennen, un äare Feet von Selwa, 16 Feet: twee Feet unja eenem Brat, un wada twee Feet unja eenem Brat.
26Un du saust Räajel von Akozjeholt moaken: fief fa de Bräda aun eene Sied de Wonunk, 27un fief Rijel fa de Bräda aun de aundre Sied de Wonunk, un fief Rijel fa de Bräda aun de hinjaschte Sied de Wonunk jäajen Wasten; 28un däm meddelsten Rijel enne Medd de Bräda derchgonent von eenem Enj toom aundren. 29Un de Bräda saust du met Golt äwatrakjen; un äare Rinj, dee de Rijel hoolen, saust du von Golt moaken un de Rijel met Golt äwatrakjen. 30Un soo recht de Wonunk opp, no äare Väaschreft, aus see die oppem Boajch jewäsen worden es.
Heilichtum: Väahank [Gardien]
31Un du saust eenen Väahank von blauen un rooden Purpur moaken un Karmesin un fien jewäwden witte Boomwoll; en konst jewäwden Oabeit saul maun am moaken, met eenem Cherubim. 32Un henj am opp vea Stendasch von Akozjeholt, äwatrocken met Golt, äare Hoakes von Golt, opp vea Feet von Selwa; 33un henj däm Väahank opp unja de Klaumasch; un brinj doahan, hinjrem Väahank, de Zeichnislod. Un de Väahank saul junt eene Tranwaunt (Aufdeelunk) moaken tweschen däm Heiljen un däm Aulaheilichsten. 34Un laj daut Dakjsel oppe Zeichnislod em Aulaheilichsten.
35Un stal däm Desch butrem Väahank un däm Laumpenhoola jäajen däm Desch aune Sied de Wonunk jäajen Sieden; un däm Desch saust du aune Nuadsied stalen. 36Un moak fa däm Engank em Zelt eenen Väahank von blauen un rooden Purpur un Karmesin un fien jewäwden witte Boomwoll, en bunt jewäwden Oabeit. 37Un moak fa däm Väahank fief Stendasch von Akozjeholt un äwatrakj dee met Golt, äare Hoakes von Golt, un jeet fa an fief Feet von Koppa.
Currently Selected:
2. Mose 26: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
