Kɔgya 146
146
1Bɛya na bumwi Unwoti.
O Unwoti, ndubɔkpali-ɔ
limwi ku mina kɔyu ƒui!
2Uwi ɔni na mmu nli ngba mɛni ku mina ɔlɔna ni,
ndubumwi Unwoti Katɔti.
3Biteti anu bitasia bagadine lɛlɔ iye bayawine bebi badi lɛlɔ,
ɔsika ɔdi ulakana-mi bubunku.
4Si ɔdi ɔ́yula ni, ɔ́sa únwini lɛla likpine
na bɔva na badubo-nwu.
Na nwuna kasusu ku kakwɛ kawɔlɔkɔ kadi mmɔ.
5Lɛlɔ lɛdubɔyɔ ukyuli ɔni néti nwuna anu
ɔ́sia Yakob Unwoti Katɔti lɛlɔ ka ubunku-nwu,
ɔsika úti Unwoti ɔ́bla nwuna Katɔti.
6Anwu nédie kalɔ kammɔ ƒui ku ɛpu
ku ala ani ƒui nkya-nya kemmo,
na ɔɔdi nwuna litemi lɛlɔ uwi biala.
7Anwu mɔɔtɛ litemi teete bekyuli
bani na beekpóku.
Na bani na kɔka kɔɔda ni,
uute-ma adila.
Na bani na bákya-ma ɔtɔ lɛnɔ ni,
uudie-ma na baakɛ́ bɔnwuna.
8Unwoti Katɔti uubimi banumbwɛne anumi.
Na bani na bekyuli béboku-ma kalɔ ni,
ɔɔkɔliku-ma katɔ,
na ɔɔyɔ́ bekyuli bani na bese siin.
9Ɔɔnu baƒɔ lɛlɔ, na uudie bekpinebi ku bekpinele.
Nsu balalane ama ni,
Unwoti Katɔti uubile bana ablala ku kɔkwɛ ƒui.
10Unwoti Katɔti ɔdubo lɛga bɔdi uwi ƒui.
O Sion, ƒula Unwoti ɔdubɔdi lɛga na kaba bekyuli ƒui lɛlɔ.
Bɛya na bumwi Unwoti.
Currently Selected:
Kɔgya 146: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
