Kɔgya 144
144
1Muute Unwoti kusɛ kusɛ.
Anwu ndi mina Lɛtakpɛ.
Ɔsika anwu mɔɔtina-mi kalɛ na liti mina enu likpo kekpo.
Na anwu mɔɔyá na mina animi aata na mina ekpola lɛlɔ.
2Awɔ ndi mina lɛtakpɛ ku katamikukɔ
kesii kani mɔɔkɛ́ bɔƒɔ.
Ƒula lɛlɔ na mina anu asia,
ɔsika adi mina ɔgyumanane
ɔni muuboku mina bekisine eli kalɔ
teete-mi na mɔɔdi-ma lɛlɔ.
3O Unwoti, bi na abu bekyuli bayawine bɔdi bute-ɔ
ɔsu na bɔ́ƒɔ-ɔ kuye lɛni?
Na bi ɔsu na eeti-bu lɛlɔ kasusu uwi ndi uwi lɛni?
4Buse aani ɔƒɛƒɛɛ.
Na bula emeyi ese aani ɔƒɛ ɔyuli
ɔni mɔɔyii taakya kani na ɔ́sa.
5O Unwoti, bwɛ kayaa na ebeduo-bu lɛlɔ mɛni.
Na etuku abi ammɔ na uyɔ utaalɛ-nya kemmo.
6Na aya na kayaa kataabwɛ ogya
na ugyingya ƒula bekisine bammɔ ƒui.
Bo ƒula atula lɛ-ma na ayila-ma udu.
7Die ƒula kɔnu si katɔ na ada-mi edie-ma akɔ,
na lɛlɛ ketu bonwu kani náka-mi kákya mɛni kemmo
na kadi bamba bekyuli bamɛni enu akɔ.
8Ɔkɔ ala sɔɔn na bagyi bɔsu
na bana ablala ƒui ɔkɔ na adi.
9Ndubɔtu ɔnu ɔwɔdi lite-ɔ
na mina ɔbentaa lɛlɔ liti limwi
10awɔ ɔni mɔɔyá baga baadi kekpo lɛlɔ.
Awɔ muukpó teete ƒula kabla ɔblane Dawid
na aaƒɔ́-nwu na nwuna bekisine ekpola aladi-nwu lɛlɔ.
11Die-mi lɛku kadi bamba bekyuli
bani mɔɔnyi ɔkɔ uwi biala
ku ala bɔkpali muedi mɛni akɔ.
12Ya na bula bebi bakɔdi babla
aani egyii ani mbo ɔkplu.
Na bula belekubi beteekeye aani atabi
ani na béti bátu ɔga lɛgbanya
na bákwaa-nya na eekeye kalɛ.
13Ya na bula linwu liyi ku edula lidu lidu
na bula baƒonu lɛnɔ bawɔ na bemomo mpim mpim.
14Na bebuo bani mɔɔtuma teete-bu bataawɔ pii
na betebile kaƒɔ na aya kukpi kusie kama.
Na taya keku iye kɔnu kenye kɔdi kɔlɛ bula lɛblɔnu lɛlɔ!
15Na bekyuli bani na bana Unwoti ndi Katɔti ni,
lɛlɔ lɛdubɔyɔ-ma,
ɔsika ama na kusɛ kusɛ ɔmɛni udu ɔɔsiaku.
Currently Selected:
Kɔgya 144: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
