Kɔgya 143
143
1Unwoti Katɔti, ka ese siin
na asia ƒula litemi kama ɔsu ni,
se atu na enu mina bɔkpali ku mina buvele.
Na aya na linu lɛla lɛdi lɛsiku-ɔ kudɔ.
2Na tatɛku ami ƒula kabla ɔblane litemi.
Ɔsika ukyuli ɔyawine biala na uli ngba
na kalɔ kamɛni lɛlɔ uuuse siin na ƒula anumi.
3Mina ukisine ɔbi ɔsiaku-mi na uukpóku-mi.
Úbo-mi ɔ́va kalɔ na ɔ́di-mi lɛlɔ.
Na úti-mi ɔ́kya lɛdisa kemmo
aani ukyuli ɔni nékpi kukuuku.
4Ɔmmɔ ɔsu enu adaku-mi bɔƒɛ
na nsɔ liiibo lɛnunsia lɛdi.
5Lɛ́kali lɛ́nu uwi ɔni návi na líduo lɛlɔ kemmo
lísie ɔgyu na lɛ́nu akɔla
ala budie taatina ani na ƒula enu ábla.
6Lɛ́kɔliku mina enu katɔ mɔɔkpali-ɔ
aani kalɔ kani lɛlɔ na ntu bɔ́kwii bɔ́sa ƒui.
7Unwoti, nu-mi bɔkpali. Mina lɛnunsia lɛ́sa.
Na téti lɛlɔ tabɛla-mi,
si ɔɔɔdi lɛni ni,
ndubo bukpi aani bamanvine bani ntɔ kalɛ.
8Teenyimene-mi ɔtanta biala ka aayɔ́-mi uwi ndi uwi.
Ɔsika ƒula lɛlɔ kani na mina anu asia.
Tina-mi mina kasiakɔ,
ɔsika awɔ kani na mɔɔkpali ku mina kɔyu ƒui.
9Die-mi lɛku mina bekisine enu kemmo O Unwoti.
Ɔsika awɔ na líkeli ḿbatamiku.
10Tina-mi kalɛ na lɛbla ƒula lɛƒɔyɔ,
ɔsika awɔ ndi mina Katɔti.
Na aya na ƒula lɛƒɔndia lɛtɔnku-mi
na lɛsia ngba ulu geen ɔmmɔ lɛlɔ.
11O Unwoti, die-mi lɛku mina lɛbibo kemmo
ɔkɛnku ƒula lɛnyi kedee lɛlɔ
ku ƒula ɔyikun ɔsu na lɛkɛ ngba bɔƒɔ.
12Ɔkɛnku kalɛ na aayɔ́-mi uwi biala ɔsu ni,
yila mina bekisine ƒui udu.
Ɔsika ƒula kabla ɔblane na ndi.
Currently Selected:
Kɔgya 143: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
