Kɔgya 142
142
1Líwulo keku lɛ́kya mina Unwoti.
Na lɛ́talaku mina lɛdi katɔ lívele-nwu ka ɔnu-mi kɔnyana.
2Lɛ́ka mina etemila ƒui lɛ́tina-nwu.
Na lɛ́da ala ani muukpóku-mi ƒui lɛ́va-nwu anumi.
3Si uwi ɔni na enu áƒɛ-mi na lɛ́yila lɛnunsia ni,
awɔ agyi ulu ɔni lɛlɔ na eti-mi asiaku.
Bekisine bábɛ bákywɛ-mi kakpagyuɛ na mina kɔvinkɔ.
4Si lɛ́nu lɛ́mana ni, mɔɔnu ka ukyuli ɔdi uuubo
na ute-mi kebunku kadi.
Ɔmmɔ ɔsu ńtakɛ katamikukɔ kadi.
Na ukyuli ɔdi lɛnɔ ɔɔɔdaku mina ngba lɛda.
5Lɛ́kpali awɔ, mina Unwoti Katɔti, na lɛ́su-ɔ nnini,
“Awɔ ndi mina katamikukɔ.
Na awɔ kani mɔɔwia na mina ngba ƒui kemmo.
6Nu-mi bɔkpali, ɔsika nkya ɔgbankpi bonwu kemmo.
Die-mi na mina bekisine enu kemmo
ama bani nsiaku-mi beekpóku-mi kpakplaa mɛni
ɔsika bebo ɔkplu betulo-mi!
7Die-mi lɛku ɔgbankpi bonwu ɔni kemmo na nkya
aani ɔtɔntɛne kalɛ na lɛkɛ bɔnwuna.
“Na ndubumwi-ɔ lɛnyi na ƒula bekyuli kedee kasalakɔ
ɔkɛnku lɛƒɔndia lɛni na ábla-mi ɔsu.”
Currently Selected:
Kɔgya 142: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
