Popular Bible Verses from Kɔgya 142

Share

Lɛ́kpali awɔ, mina Unwoti Katɔti, na lɛ́su-ɔ nnini, “Awɔ ndi mina katamikukɔ. Na awɔ kani mɔɔwia na mina ngba ƒui kemmo.

Die-mi lɛku ɔgbankpi bonwu ɔni kemmo na nkya aani ɔtɔntɛne kalɛ na lɛkɛ bɔnwuna. “Na ndubumwi-ɔ lɛnyi na ƒula bekyuli kedee kasalakɔ ɔkɛnku lɛƒɔndia lɛni na ábla-mi ɔsu.”

Si uwi ɔni na enu áƒɛ-mi na lɛ́yila lɛnunsia ni, awɔ agyi ulu ɔni lɛlɔ na eti-mi asiaku. Bekisine bábɛ bákywɛ-mi kakpagyuɛ na mina kɔvinkɔ.

Líwulo keku lɛ́kya mina Unwoti. Na lɛ́talaku mina lɛdi katɔ lívele-nwu ka ɔnu-mi kɔnyana.

Nu-mi bɔkpali, ɔsika nkya ɔgbankpi bonwu kemmo. Die-mi na mina bekisine enu kemmo ama bani nsiaku-mi beekpóku-mi kpakplaa mɛni ɔsika bebo ɔkplu betulo-mi!