Agba 24

– 19 –

1Bekyuli bekpidi lɛlɔ litegyie-ɔ anumi. Na tawia anii aakya-ma kasala kemmo lɛnɔ. 2Ɔsika bekyuli kalɔ bɔvi na bebile-ma ngba na bataakya kekpo ku etemila ani mɔɔkya lɛsɛ ogya kasusu kani na beelie taabla.

– 20 –

3Lɛnunda na beeti taatu ɔtɔ. Na kasusu kabuni lɛlɔ na uunye kpakplaa. 4Na ɔkɛnku lɛnunda lɛlɔ na adubɔkana na eyile lɛtɔ lɛmmɔ ku ala abuni lidu lidu ku akɛla lɛnɔ.

– 21 –

5Ɔnundane ubo ɔyikun utulo ukyuli ɔni mbo ɔlɔkplu. Na ukyuli ɔni mbo lɛlati ni, nwuna ɔyikun uusié ɔgyu teetulo ukyuli ɔni mbo ɔlɔkplu. 6Anwuɔsu tata kekpo si átaƒɔ kasusu na banundane kudɔ. Asa na adubɔdi lɛlɔ ni, ɔ́si kasusu bakyane pii bani na ebo ɔsu.

– 22 –

7Ɔdɔlɔdi ɔɔnu lɛnunda kakaaka. Na si batɔnkune bása beli ni, ɔdɔlɔdi ulakɛ lɛla lɛni na ɔsu.

– 23 –

8Ukyuli ɔni muulie taabla likpidi kasusu ni, lɛsɛ ɔkyane lɛnyi na ɔɔƒɔ́. 9Na ɔdɔlɔdi kɔkwɛ ni, ekpidi sɔɔn na adi. Na ukyuli ɔni muudumi bekyuli taama ni, ɔdi balayɔ-nwu.

– 24 –

10Si ánu ka átakana lɛla lɛdi bɔbla na bukpoku bɔdi ɔsu ni, agyi anii ƒula ɔyikun ɔmmɔ lɛnɔ ɔ́sɔ.

– 25 –

11Nye na aƒɔ bekyuli bani na bátɛku litemi na bádu-ma kukpi kɔtɔ na ulu ɔni naaadia lɛlɔ. Na tenye tanu na badu-ma. 12Tekeli kabla kadi na akya kakwɛ anii átati anii awɔ na ɔlɛka abla-ka. Ɔsika Unwoti ɔgyi ukyuli biala kayi kemmo na ɔɔnu awɔ lɛnɔ. Anwu mɔɔnu ƒula kɔyu lɛlɔ na ɔgyi ka áti kabla kammɔ lɛlɔ litemi. Na ɔdubɔtɛku bekyuli ƒui litemi na lɛla lɛni na bábla lɛlɔ.

– 26 –

13Mina ubi, uwɔ ɔdi lɛla lɛni mbo emini, si ákɛ na adi. Na uwɔ kɔtakɛ lɛnɔ si étuku-ku unyemi ánu ni, kubo emini. 14Lɛni kani na lɛnunda libo ƒula kɔyu emini. Anwuɔsu si ákɛ lɛnunda ni, ƒula ngba emeyi ani ndubo adubo bukeye. Na ala ani na asia anu iye aanu ulu teete ni, aláwɔ ulu.

– 27 –

15Tatábɛ tebi bekyuli babuni badi kaduli ulu aani ukyuli ukpidi. Na tetéyu-ma tatu ekpoku-ma na eti-ma ala lɛnɔ! 16Ɔsika si ina bébuli maatɛ muedi badubɔsɔ bata. Nsu si ɔgbankpi ɔ́siaku bekyuli bekpidi ama ni, ɔɔyila-ma ku udu kɔnakunwi.

– 28 –

17Lɛlɔ litayɔ-ɔ si ánu ka ƒula bekisine bébuli. Na ebiti atada-a na kayi kemmo si bétulo. 18Ɔsika ɔmmɔ udu uláyɔ Unwoti kaƒɔ, na ɔdubɔda-ma kɔtu bɔni ɔya.

– 29 –

19Tekpoku lɛlɔ ulu biala lɛlɔ na alaekpidi bablane lilidia lɛdi lɛlɔ. Na balalane lɛlɔ litegyie-ɔ anumi. 20Ɔsika bekyuli bekpidi beeebo lɛnunsia na ngba bɔni ndubo kemmo, ɔsika bana asogya ɔdubo buni.

– 30 –

21Ubi, yia Unwoti ku ɔga ɔni mɔɔdi-mii lɛlɔ. Na bekyuli bani náta bénye lɛlɔ badine lɛlɔ ni, tadiku-ma kɔkpana. 22Si ɔɔɔdi lɛni ni, awɔ ku-ma ƒui ndubo ɔgbankpi kemmo bɔyu butéduo, na bɛyii udu ƒui.

Banundane Básu Ala Bébu

23Binu ala bamba ani na banundane básɔ básu.

Ɔɔɔdia ka banu ukyuli anumi batɛ litemi na batu litemi geen lɛmmɔ benwini. 24Na ukyuli ɔni masu alaekpidi ɔblane ɔdi ɔnini, “Adi ukyuli ɔni nse siin” ni, bekyuli badubo-ɔ buwida na kadi bekyuli ƒui badubukisi-ɔ. 25Nsu bani mɔɔdú bani litemi neeebo ubo kɔtɔ belikplune na bana ablala ɔsu ni, bana lɛlɔ lɛɛda bekyuli ebiti na kusɛ kusɛ lɛnɔ ɔdubɔsiaku-ma.

26Si bédie litemi lɛdi kenye béte-ɔ ulu lɛlɔ ni, ɔbu na béte-ɔ.

27Nu ka ƒula kabla kélie kalɔ asa na atu ɔtɔ.

28Tanyi ɔkɔ tedie kenye ada ƒula ukyulikpana ɔni nátabla lɛla lɛdi kenye. 29Na tasu anini, “Lɛ́kɛ kasiakɔ na lɛbla lɛla lɛni na bábla-mi dii lɛsia-ma!”

30Dii ni, nkɛ lɛ́vi ɔkɔsɔne ɔdi kemo. 31Lɛ́nu ka liyu lɛ́kwɛ lɛ́ƒɔ-ka ƒui. Livo bamba lɛnɔ limomo na awodu ammɔ lɛnɔ ábwɛ éwi kalɔ. 32Na ka lɛ́nu-ka na lɛ́bla kasusu ni, lɛ́tɛya lɛla lɛdi. 33Na ani ndi ka si álɛɛ ávili na átɛ lɛnɔ ágya anii aanwuna blii ni, 34kɔwaba kɔdubo-ɔ buyu bɔtu aani uyune kalɛ. Na ayaki adubo-ɔ bukpoku aani kekpo ukpone kalɛ.

Currently Selected:

Agba 24: lef

Highlight

Copy

Compare