Yesaia 57
57
1Bekyuli beenye taanu
na beetiku bekyuli babuni taatádu
ɔni na balasu lɛla lɛdi.
2Nsu si ina bekyuli siin bamɛni békpi ni,
baatɛ kekpine mmɔ buɛɛ
na bana keyi kaayɔ́
na kalɛ na bénu Unwoti
litemi ɔsu.
3“Nsu amii ni, bilenu litemi munu munu.
Bɛkɛ bekebone ku baƒiɔkpane lɛlɔ bɛɛkɔ́ taayu.
Na ɔƒaani ni, bise atu na binu!
4Ɔma lɛlɔ na bɛɛkya lɛma na bɛɛpii-nwu?
Bɛnu kalɛ na bina ekpidi
ése-mii lisusu na bɛ́dɔlɔ.
5Lɛyalɛ ala ku lɛlɔ kudɔ bɔtɛ
na baƒiɔ bani na bɛɛkpá
mmɔ anumi
na egyii enengudi ammɔ kalɔ.
Na biiti bina bebi taakpa
na akpabi ani na bɛ́tu bínyene ɔkwalɛ
na atakpɛ ani nƒa mmɔ kalɔ.
6Bɛɛkali ka kaƒɔ kadubɔyɔ-mi
ka bɛ́ƒuna ka bitaakpa atabi suɛlɛ suɛlɛ
ani na bɛ́sala bɛlɛ esu mmɔ
aani baƒiɔ ku bina lɛla biala,
na biiti akpala ku ntɛ ku antabi etela teetéte-nya?
7Biiti bina akpala teesienku
abi ani nákuku eli taatákpa teete bina baƒiɔ.
Na mmɔ na bɛɛvá atɛla
teesie lɛlɔ kudɔ ɔnana ku uleku kalɛ.
8Na bina kɔduli kesi kesii ni,
bɛ́ta baƒiɔ bammɔ udu bɛ́sia kɔyakun
ku bina kɔtɛnkɔ bonwu bonwu
kɔni bɛ́lɛ mmɔ ƒui lɛlɔ.
Na bíni ami, na bíti lɛlɔ
bíte ama.
Na bɛɛkɔ́ taatátɛ ku bina bayɔne bammɔ
na bidie lɛlɔ kasɔngya ƒui,
na bɛɛɛdaku-ni útédu uwi ɔni na údu-mii ɔkwɛ.
9Bɛɛkpí taawɛɛ ligyulo ƒɛƒɛɛ
lidu lidu
na biisié taatákpa Molek baƒiɔ.
Na bɛɛtala batu na ɔlɔgyu
na beesié taatálɔ ku bekpine ayu muedi
teeye ala teenu.
10Bíitu lɛlɔ kalɛ na bɛdubɔkana,
nsu bítanu tɔ bítati bɛnii
kɔsia kuuubo ɔmɛni ƒui kemmo na bɛda bɛya.
Nwuna lɛlɔ kani binye,
na bíkeli bɛkɛ bɛsia-ma kama na kesi kesii,
ka bana ala akya-mii kayi kemmo kpakplaa ɔsu.
11“Bi ndi baƒiɔ bani kama na bɛsiaku,
na ama na bɛɛyia teetulo ami
ɔsu na bɛ́yiƒala-mi ku mina ala ani na lɛ́bla,
na bɛsɔ binyimo adi na bina kayi kemmo?
Munuu ɔni na líbile kenye mɔɔnu-mii kpoo
ɔsu na mina lɛlɔ liƒu lɛsɔ liiibo-mii lɛlɔ kemmo?
12Bɛɛkali ka bɛdaku lɛla lɛbuni lɛdi bɔbla taagya,
nsu ndubo-mii keyi budie ku bina ablala
na bɛnu bina kenyekɔ bɛti.
13Na si uwi ɔni na lɛla lɛdi lítulo-mii
na bɛɛwia ubunkune ni,
na bɛkpali bina baƒiɔ lidu lidu
lɛni nkya-mii na bebunku-mi.
Nsu bitayiƒala ka ɔƒɛƒɛɛ ndubo
ubébo-ma ugyingya mmɔ.
Na ɔƒɛƒɛɛ ɔni mɔɔlɛ́ enwu kemmo
kani ndubo-ma udu bɔyila.
Na si bíbo-mi kudɔ ka lɛgyumana-mii ni,
kalɔ kamɛni ku mina kɔbi kedee kɔmmɔ ƒui
kɔdubunwini bina ɔdi uteesie uwi ƒui.”
14Na Unwoti ɔdubɔsu ɔnini,
“Bɛbwɛ lilu ƒui bise kaduɛ bite mina kadi bekyuli
na babasia-nwu lɛlɔ!”
15Bula Katɔti ɔni nse kedee
uli katɔ kakaaka ƒui úsela
uwi ƒui,
na anwu mɔɔsu ɔnini,
“Ina ka katɔ kakaaka kesii kani nse kedee na nli ni,
nkya-mii akɔ mɛni ka libunku
bani ƒui néboku lɛlɔ kalɔ
na béti bana anu ƒui
básia-mi lɛlɔ
na baanu-mi anumi.
16Mina kadi bekyuli, lɛɛɛdubo kɔnyi buti
bɔsɔ bulie butaadu-mii
kɔtɔ kani.
Ɔ́bla bi ɔ́bla dɛ ni,
ami nédie-mii líboku kayawi.
Anwuɔsu lɛɛɛdubo bɔya na
enu aƒɛ-mii
na bɛyila lɛnunsia ƒui.
17Bina ɔdivo náya na líti kɔnyi lɛ́kya-mii
na lɛ́ni-mii kɔtu na lɛ́bɛla-mii
mina lɛlɔ na bɛsɔ bilanu-mi.
Nsu ɔmɛni ƒui ni, bɛmu bibo
atu ɔkplu
na binye bina alaekpidi bɔbla lɛlɔ ku ɔƒɛni.
18Ngyi-mii kalɛ na bise!
Nsu ndubo-mi ɔlɛ ɔmmɔ bɔbwi ƒui
na lɛtɔnku-mii na lɛya na kaƒɔ kayɔ-mii
ku bani ƒui muuwulo kɔnyana.
19Na lɛya na bese kalɔ
beteedie lɛnu teemwi-mi.
Na mɔɔsu kpakplaa nnii
wɛ na ɔdi ulie iye wɛ na uuulie ni,
ami Unwoti ndubɔbwi ɔdi biala
na ɔkɛ keyi buɛɛ.
20Bekyuli bekpidi bese aani ɛpu
ɔni mɔɔnwanɛ lɛlɔ na ɔɔtala nwuna kalɔ eku
ku aba uwi biala.
21Nsu ami Unwoti líse kenye nnii
ukyuli ukpidi biala ɔdi ɔɔɔdubo bulie
ku keyi buɛɛ.”
Currently Selected:
Yesaia 57: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
