Etemila 11
11
Kogyoklo Bɔbla Kɔdia
1Taabla lɛƒɔndia
na adubɔkɛ ƒula lɛyuƒɔla limeyi lɛdi.
2Le lɛla lɛni na ákɛ
te nkyuli maatɛ ku maane ƒaa,
ɔsika aaagyi limeyi lɛni na
ayaki adi
adububo ebeyu-ɔ atu.
3Si ɔnantu ava bonwu bonwu
asia kayaa ni,
aana ɔnantu.
Na kesii biala na kugyii kɔ́ƒɛ kúsie ni,
mmɔ kani na kɔɔtɛ.
4Si áyia ɔƒɛƒɛɛ ɔni muukpó ni,
alakana edula bɔkya,
lɛni kani na si ánu ɔnantu ava
na alakana edula bɔƒɛ.
5Kalɛ na ukyuli ɔɔɔgyi kesii kani na ɔƒɛƒɛɛ uukpó teesie
iye kalɛ na kaƒɔ keenwíni ubi na uleku kaƒɔ kemmo ni,
lɛni kani na ukyuli ɔdi ulakana Katɔti kalɔ bunu
kalɛ na ɔɔbla ala. Anwu nábla ala ƒui.
6Nye kabla lɛlɔ kpakplaa
na akya edula lɛdigye ku useyi uwi
ka aaagyi ani geen ndubo bɔdia
iye si ana ƒui madia.
7Lɛla lɛdi liládia bɔnu
teetulo ɔtanta ɔƒɛ ɔni nátu ɔdubo.
8Ina dɛ na élie ábi lɛlɔ ni,
ya na lɛlɔ lɛyɔ-ɔ na ƒula ngba emeyi ƒui kemmo.
Ɔsika ɔƒɛ ɔdubo ubasa ɔkya-a
na asɔ akya lɛdisa lɛmmɔ kemmo na uwi utu.
Na kalɔ bunu bɔdi buuubo ɔmɛni kemmo.
Bɔlɛ Úte Bakloƒu
9Lɛlɔ lɛyɔ-ɔ na ƒula lɛkloƒu uwi
na enu ngba emini.
Na teni lɛbuni biala na ánu
iye ƒula kayi kaayɔ́ tete lɛlɔ.
Nsu tayiƒala ka Katɔti ɔdubɔtɛku-ɔ litemi
na lɛla biala lɛni na ábla lɛlɔ.
10Taya na kasusu kekpoku-ɔ na ulu biala lɛlɔ
na akya lɛlɔ ɔlɛ,
ɔsika lɛkloƒu uwi ala abuni ammɔ
adubo abavi ɔƒɛni kani.
Currently Selected:
Etemila 11: lef
Highlight
Copy
Compare
Share
Want to have your highlights saved across all your devices? Sign up or sign in
© 1995, 2014 Ghana Institute of Linguistics, Literacy and Bible Translation in cooperation with Wycliffe Bible Translators, Inc.
