Xo̱jo̱n Salmoo̱ 93
93
Néná boá xi re
1¡Néná boá xi tsꞌénbotixómá, kó jè yajá ńjñoo̱ Re!
Néná tsajá ńjñoo̱, kó tsꞌénbokó ngaꞌniuú.
Jè ꞌniú tikón kui nga̱sondiee̱, kó ka̱matíyájiín.
2Ngi̱ndie nínga botíxome Ji tikón ndeskande kó ngasꞌe̱,
Jí boá xi tindyin Ji ngatsjéni̱xtjii̱n.
3Ji Ne, kamáje ndejeèꞌ, kó kandaꞌyaá nga janie ndáfoa tsiee̱,
kó ngaꞌniuú ndáfoaa̱, kandaꞌyaá nga ꞌniú janie.
4Néná ki̱a̱ ndiꞌakꞌajmii̱, tsie ngase ngaꞌniú tjiín,
ta̱bo̱a̱jiín xikó tsꞌén fonie kjín ndáfoaa̱,
ta̱bo̱a̱jiín nga fonie ngaꞌniuú ndáchíkoón.
5Ji Ne, bo̱a̱ kjíꞌí ngayeje ni xi ndokjo̱e̱ Ji.
Kjo̱a̱tsjiee̱, kuí boá xi tsjaá kjo̱a̱tsjakjiꞌi Ndiꞌáa̱,
ngatsjéni̱xtjin ko̱jo ta̱kjiꞌání.
Currently Selected:
Xo̱jo̱n Salmoo̱ 93: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
