Xo̱jo̱n Salmoo̱ 92
92
¡Achichí nda nganiꞌántsjaá Néná!
Só xi nda ni̱xtjin nga niꞌánkjaꞌyá.
1¡Ji Ne, achichí nda kjiꞌi nga Ji sa̱ꞌintsjaà,
ko̱jo nga siée̱ salmo̱ Jaꞌée̱n,
ji Ne xi tindyin ji ndiꞌakꞌajmii̱!
2Ko̱jo nga xiyà an, kjo̱a̱a̱ kjo̱a̱ni̱ma̱takón xi tjiín nga ta̱jño̱ó,
ko̱jo kjo̱a̱a̱ kjo̱a̱ꞌniátakón xi tjiín nga jñoó.
3Nga si̱ꞌankjanie ńjnì xí tie naxá tjiín, ko̱jo salterioo̱,
ko̱jo nga ko̱nda̱ꞌyá inda inda xikótsꞌèn fonie arpaa̱.
4Ji Ne, nga ja̱koxi̱ achichí kjo̱a̱tsja katseꞌéní kjo̱a̱a̱ ni xi je kiniꞌín Ji,
ko̱jo kjo̱a̱a̱ ngayeje ni xi je katsꞌénda ndse̱ Ji, kó ngaskande kjandayà tsjá má an.
5¡A xi̱xi̱ yiꞌi ni xi kiniꞌínde Ji, Ji Ne!
Achichí kjo̱a̱kjíntakón tjiín,
6nga ngaskande xota̱ xi chi̱nii̱ bejín,
ti̱nde xota̱ xi kitikjo̱a̱a̱ makjínjiín kui nii̱.
7Kjiꞌanga xota̱ xi ꞌniú ndajiín, makjín nga tokjà xikoó xka̱a̱,
ko̱jo xikoó tsi tjoo̱ naxó, kuí xota̱ xi ni xi ndajín ndyi̱tsꞌe̱én,
ta̱nga ta̱ tsi̱ꞌe̱ nga si̱ꞌankjie tsí ngatsjéni̱xtjin.
8Ta̱nga Ji Ne xi tindyin Ji ndiꞌakꞌajmii̱, ngatsjéni̱xtjin nga Ji xi si̱ꞌantsjaa.
9Ngatꞌa̱ kondra̱a̱, je kꞌi̱e̱ tjíndo, ji Ne,
kó si̱ꞌankjie ngayejee̱, si̱ꞌantsojoboa ngayeje xi ni xi ꞌniú ndajín ndyi̱tsꞌe̱én.
10Ta̱nga Jí boá xi tsie ngase ngaꞌniú ko̱e̱ꞌéní, xikoó cho̱ búfaloo̱,
kó ko̱na̱ngínjin Ji isti̱ tja̱tsi̱e̱ tokó án,
11kó ndyikón án sku̱i̱e̱, xikótsꞌèn si̱ꞌanchaja kondra̱na.
Kó tji̱bo̱a̱nijón án ku̱i̱ntꞌie̱é kui xota̱ xi ndajiín, xi kondra̱ tsa̱ꞌa̱n kisꞌińdoni.
12Xota̱ xi kixi̱i̱, nda ko̱e̱je̱e̱, xikó maá yáxka̱jèn xí tjixoó,
kó ka̱maxchá, xikó maá yákón xi tjín na̱xi̱ Líbanoo̱.
13Ki̱a̱ kꞌuítji̱e̱ ki̱a̱ Ndiꞌaa̱ Néná,
kó ki̱a̱ ko̱a̱ja̱a̱ naxó ki̱a̱ ndi̱tsee̱n Néná.
14Kó ndatsi je xchá ka̱ma, ti̱ kuí xí kꞌuieé ngaꞌniú ko̱jo ko̱a̱ja̱a̱ to.
15Tsi̱ꞌe̱ nga ko̱kó nga kixi̱ boá Néná,
kui xi Ndi̱jo̱jena, kó ta̱soboá ni xi kixi̱ boá xi tjiín Kui.
Currently Selected:
Xo̱jo̱n Salmoo̱ 92: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
