Xo̱jo̱n Salmoo̱ 91
91
Néná boá xi kónná
1Kui xota̱ xi tikón nga Néná xí tikón ndiꞌakꞌajmii̱ tsꞌénkoón,
ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.
2Bi̱ xiáa̱n Néná:
¡Jí boá xi xikoó ngi̱ndie nínga botíjña̱ an,
Jí boá xi ngaꞌniúna, Jí boá xi ꞌniátakoón!
3Kuí boá xi kꞌo̱xiéꞌaá kjo̱a̱a̱ kui chja̱ya̱ xi ꞌbíjñá xi tsoboá cho̱o̱,
ko̱jo kjo̱a̱a̱ kui chiꞌin xi tsꞌenkꞌiénná.
4Tsja̱nga̱a̱ ko̱óꞌmánii̱, kó ngindie nga̱a̱ ka̱ma ku̱i̱ndyin ji,
kjo̱a̱kixi̱i̱ Kui, xikónií ngo ni xi ꞌbíchjaá ni xi ndajiín xi skoón jí.
5Ka̱májín ko̱nda̱kin jí ni xi ndakon xi ma nga jñoó,
ti̱nde ka̱májín ko̱nda̱kin jí yá yojó xi fítji̱e̱n nga ni̱xtjii̱n.
6Ti̱nde ka̱májín ko̱nda̱kin jí chiꞌin xi ꞌbé nga ni̱xtji̱e̱e̱n,
ti̱nde ka̱májín ko̱nda̱kin jí kjo̱a̱bo̱ya xi nga ma ndisꞌueé tsꞌenkjiéná.
7Ka̱má tsi xtji̱e̱e̱n nínga skóo̱n, ku̱i̱xo̱ ngo mi̱ xota̱ xi kju̱i̱e̱són,
ko̱jo tsi nínga kixi̱i̱, ku̱i̱xo̱ tie mi̱ ngase xota̱ xi kju̱i̱e̱són,
ta̱nga ji kjo̱chótꞌajiín kui nii̱.
8Nga ja̱koxi̱ ndyikin má ji xi sku̱i̱e̱,
kótsꞌèn nga xota̱ xi ꞌniú ndajiín ko̱e̱ꞌéchjií.
9Ngatꞌa̱ Néná boá xi ikꞌíjñí ji nga kui xi skoón,
ko̱jo nga kui Néná xí tikón ndiꞌakꞌajmii̱,
xi xikoó tsi ngi̱ndie nínga tindyin ji kjima,
10kuíní nga nde ngojín ni xi ndajín xi kji̱ndi̱bánieé,
ti̱nde ngojín chiꞌin xi kjo̱chó ngi̱ndie nínga tindyin ji.
11Ngatꞌa̱ Néná sa̱ngíyá ndítsjiee̱ tiña nínga tindyin ji,
tsi̱ꞌe̱ nga skoón ngayeje ndi̱yà nínga ku̱i̱ńtje̱ ji.
12Ngi̱ya tsja kui ndítsjiee̱ ko̱e̱je̱joo̱,
tsi̱ꞌe̱ nga jmí ndi̱jo̱ sti̱ngíjín ndsa̱ki ji.
13Ko̱jna̱ní ji xandi̱je̱e̱ ko̱jo ye̱e̱,
kó si̱ꞌankjítie ji ndií xandi̱je̱e̱, ko̱jo cho̱ chꞌokjiꞌii̱.
14Bi̱ tsó Néná:
Ta̱ngatꞌanii̱ nga tjoó An, kuíni nga An kꞌoxiéꞌá An,
kó nkꞌa kꞌuijñá An, ta̱ngatꞌanii̱ nga je kamábe Jaꞌénna.
15Kjiꞌanga ku̱i̱chji̱a̱na, An sa̱ꞌinsée̱n,
kó ki̱a̱ kotíjña̱jo An kjiꞌanga nda̱ ka̱maa̱,
kó Án boá xi sa̱ꞌindé Án, kó tsjáa̱ kjo̱a̱je kui.
16Achichí kjín nó tsjàa̱ nga kꞌuijñá nga̱sondie,
kó Án xí sa̱ꞌin An nga sku̱i̱e̱ kjo̱a̱ꞌnaxiéꞌána.
Currently Selected:
Xo̱jo̱n Salmoo̱ 91: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
