Popular Bible Verses from Xo̱jo̱n Salmoo̱ 91

Share

Bi̱ xiáa̱n Néná: ¡Jí boá xi xikoó ngi̱ndie nínga botíjña̱ an, Jí boá xi ngaꞌniúna, Jí boá xi ꞌniátakoón!

Kui xota̱ xi tikón nga Néná xí tikón ndiꞌakꞌajmii̱ tsꞌénkoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Kjiꞌanga ku̱i̱chji̱a̱na, An sa̱ꞌinsée̱n, kó ki̱a̱ kotíjña̱jo An kjiꞌanga nda̱ ka̱maa̱, kó Án boá xi sa̱ꞌindé Án, kó tsjáa̱ kjo̱a̱je kui.

Ngatꞌa̱ Néná sa̱ngíyá ndítsjiee̱ tiña nínga tindyin ji, tsi̱ꞌe̱ nga skoón ngayeje ndi̱yà nínga ku̱i̱ńtje̱ ji.

Tsja̱nga̱a̱ ko̱óꞌmánii̱, kó ngindie nga̱a̱ ka̱ma ku̱i̱ndyin ji, kjo̱a̱kixi̱i̱ Kui, xikónií ngo ni xi ꞌbíchjaá ni xi ndajiín xi skoón jí.

Ngatꞌa̱ Néná boá xi ikꞌíjñí ji nga kui xi skoón, ko̱jo nga kui Néná xí tikón ndiꞌakꞌajmii̱, xi xikoó tsi ngi̱ndie nínga tindyin ji kjima, kuíní nga nde ngojín ni xi ndajín xi kji̱ndi̱bánieé, ti̱nde ngojín chiꞌin xi kjo̱chó ngi̱ndie nínga tindyin ji.

Kuí boá xi kꞌo̱xiéꞌaá kjo̱a̱a̱ kui chja̱ya̱ xi ꞌbíjñá xi tsoboá cho̱o̱, ko̱jo kjo̱a̱a̱ kui chiꞌin xi tsꞌenkꞌiénná.

Ka̱má tsi xtji̱e̱e̱n nínga skóo̱n, ku̱i̱xo̱ ngo mi̱ xota̱ xi kju̱i̱e̱són, ko̱jo tsi nínga kixi̱i̱, ku̱i̱xo̱ tie mi̱ ngase xota̱ xi kju̱i̱e̱són, ta̱nga ji kjo̱chótꞌajiín kui nii̱.

Ka̱májín ko̱nda̱kin jí ni xi ndakon xi ma nga jñoó, ti̱nde ka̱májín ko̱nda̱kin jí yá yojó xi fítji̱e̱n nga ni̱xtjii̱n. Ti̱nde ka̱májín ko̱nda̱kin jí chiꞌin xi ꞌbé nga ni̱xtji̱e̱e̱n, ti̱nde ka̱májín ko̱nda̱kin jí kjo̱a̱bo̱ya xi nga ma ndisꞌueé tsꞌenkjiéná.