Xo̱jo̱n Salmoo̱ 8
8
Kjo̱a̱jee̱ Néná ko̱jo kjo̱a̱yandikoón xotaa̱
Só xi katsꞌénda Ndabii̱.
1¡Ji Ne, ji xi Ndi̱a̱jne̱ ma Ji,
achichí kjo̱a̱je tjiín Jaꞌée̱n#8:1 Jaꞌée̱n: Ngi̱yaa̱ én xí niꞌánkjién ki̱a̱ xo̱jo̱n eén Néná, jaꞌeén ndikón ngase ta̱bo̱a̱jiín kjiꞌanga ndokjo̱a̱a̱ ko̱jo tsi kjiꞌanga ꞌbítꞌajaꞌén ngo xota̱; ngatꞌa̱ kuí boá xi xota̱a̱ má. Kuíni nga, kjiꞌanga niꞌánchikonñé, nga niꞌánkaxoma, ko̱jo nga ya jaꞌeén Néná, kuí nii̱ xi bokó nga nda ndokjo̱a̱ kjo̱a̱a̱ kui, nga ndokjo̱a̱a̱, ko̱jo nga kuí má xi ya. Cf. Xsl 103:1; 113:1; 135:1,3; 138:2. Tsitsíjìi̱n ki̱a̱23:3 ngayeje són nga̱sondiee̱!
¡Jí boá xi nkꞌa ngase ikꞌíjñí ji kjo̱a̱jèe̱ nga̱soón ndiꞌakꞌajmii̱!#8:1 Kjo̱a̱jèe̱Mejeén bo̱a̱ tsꞌén kiniꞌánkꞌatioya kui ndieè ngatꞌa̱ yàjín má mí ni xi tsó nga ja̱koxi̱. Xo̱jo̱n eén Néná xi én ngriengo̱ kiniꞌánkꞌatioyaa̱ (LXX) bi̱ tsó: Só xi sie jákjíndí xi̱xi̱i̱, kui jákjíndí xi sꞌe̱ boki ngasee̱, kuí boá xi ikꞌíjñíi̱ kjo̱a̱niꞌántsjàa̱, Kó bo̱a̱ tsꞌén niꞌánkjaꞌátsjien kui salmoo̱ ki̱a̱: Mat 21:16.
2Tsꞌoa jákjíndií ko̱jo ndíndaa̱, ikꞌíjñí ji kjo̱a̱niꞌántsjaà,
xikoó ngo ni xi ꞌbíchjaá kondra̱ tse̱,
tsi̱ꞌe̱ nga ko̱ókjo tsꞌoa kui, ko̱jo kui xi mongase nga sa̱ꞌíngojoo̱.
3Kjiꞌanga kotsijen ndá ndáa̱ nkꞌajmii̱,
ko̱jo saá, ko̱jo ńñoo, kui ni xi ji ndse̱ ji katsꞌénda,
4bi̱ xian an: ꞌYání bo̱a̱ xota̱ nga̱sondiee̱,
tsi̱ꞌe̱ nga kjo̱a̱ꞌátsjieen Ji. ꞌYání bo̱a̱ xota̱ tji̱e̱e̱ Andaa̱n tsi̱ꞌe̱ nga xꞌi̱e̱xki̱ ji kui.
5Ngi̱chií má ngindie kiniꞌín ji xikoó ngo ne,
kó katseꞌée̱ kjo̱a̱je, ko̱jo kjo̱a̱yandikón,
6kuí boá xi katseꞌée̱ nga kui ko̱tíxomaa̱ ni xi kiniꞌínde ji
ngayeje nii̱ xi ikꞌínde ji ngi̱ndie se, xikoó:
7cho̱tsa̱nga̱a̱ ko̱jo cho̱yojoo̱,
ko̱jo ngayeje cho̱ xi tjín ngi̱jin kꞌijñaá,
8ko̱jo cho̱ xi tjiín tsja̱nga̱a̱ xi tjín nkꞌa jàn, ko̱jo cho̱ xi tjín ngi̱jin ndaá,
ko̱jo ngayeje cho̱ xi tsꞌéntíyà xi tjín nínga ꞌniú na̱nga̱a̱ ndáchíkoón.
9¡Ji Ne, ji xi Ndi̱a̱jne̱ ma Ji,
achichí kjo̱a̱je tjiín Jaꞌée̱n ngayeje són nga̱sondiee̱!
Currently Selected:
Xo̱jo̱n Salmoo̱ 8: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
