Xo̱jo̱n Salmoo̱ 61
61
Chínní ngayeje ni̱xtjin nga kotíjña̱ an nga̱sondie
Só xi katsꞌénda Ndabii̱.
1¡Ji Ne, ndaꞌyé Ji nga ni̱ma̱ tꞌíxián an,
kó ti̱ꞌinsénní nga kuichjiaá!
2Kjiꞌanga je ngiti̱ chikjo̱a̱jiín ini̱ma̱na,
Ji chjiaá ndeskande nínga fetꞌanii̱ nga̱sondiee̱.
¡Ki̱a̱ tꞌenje̱ní nínga tikón ndi̱jo̱je xi nkꞌa ngase tikón, ta̱bo̱a̱jínnii̱ an!
3Ngatꞌa̱ Jí boá xi tichínní,
Jí boá xi ngo tarié xi ꞌniú tikón, xi konna kjo̱a̱a̱ kondra̱na.
4¡Mejénna nga ngatsjéni̱xtjin kotíjña̱ an ki̱a̱ Ndiꞌandikóo̱n,
ko̱jo nga nda kotíjña̱ an ki̱a̱ ngindie nga̱a̱ nga xchínní!
5Ngatꞌa̱ Ji Ne, jè kandaꞌyé Ji ni xi kixiyatjoón nga sa̱ꞌinkjatjosón an,
Jí boá xi katseꞌée̱ tꞌanangi xota̱ na̱xi̱ńdá xí bendikón Jaꞌée̱n.
6Jí boá xi ko̱e̱ꞌé ngasée̱ kjín nó xí kꞌuijñá nga̱sondie nda̱ ree̱,
kó tsie ka̱maa̱ nga kꞌuijñá, kjín xota̱ tji̱e̱ kjo̱a̱ꞌa nga kꞌuijñá.
7Kó ngatsjéni̱xtjin nga kꞌuijñá ki̱a̱ ngindyi̱ko̱n Néná.
Tꞌíjñinde Ji kjo̱a̱ni̱ma̱takón ko̱jo kjo̱a̱kixi̱ tsi̱ꞌe̱ nga xchoón.
8Bo̱a̱ tsꞌén siée̱ salmo̱ Jaꞌée̱n ngatsjéni̱xtjin,
kó ndyiojón ndyiojón sa̱ꞌinkjatjosoón ni xi kixiyatjoón nga sa̱ꞌin an.
Currently Selected:
Xo̱jo̱n Salmoo̱ 61: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
