Xo̱jo̱n Salmoo̱ 56
56
ꞌNiáko̱n an ni xi kiꞌmíyetjén Ji
Ndabii̱ katsꞌénda kui soó kjiꞌanga xota̱ Filisteaa̱ katsoboá ki̱a̱ nangi Ngaa̱nd.
1¡Ji Ne, ngatamani̱ma̱a̱ an!
Ngatꞌa̱ xota̱ nga̱sondiee̱ mejeén skji̱ni̱e̱na.
Kjánjo̱na, kó ngatsjéni̱xtjin nga tsꞌènkjáꞌationa kjo̱a̱ni̱ma̱.
2Nga ngo ni̱xtjii̱n nga ndyi̱tsjániéna kondra̱na,
kó achichí má xi nkꞌakon maa̱ yojoo̱ nga ndyi̱kjánjo̱na.
3Ni̱xtjin nga tsakjon má an,
Jí boá xi kjimaꞌniákoo̱n, Ji Ne.
4Néná boá xi tsꞌéntsjaà, kjo̱a̱a̱ eén,
Néná boá xi kjimaꞌniátakón an, kó ngiti̱ tsakjonjín an.
Mí ni xi ka̱ma sa̱ꞌínjo̱na xota̱ nga̱sondiee̱.
5Nga ngo ni̱xtjii̱n nga ndyi̱bosíkjo énna,
kó ta̱soboá ndyi̱tsꞌènkjó nga ni xi ndajín mejeén sa̱ꞌínjo̱na.
6Ndyi̱ꞌbitíkó yojoo̱, ko̱jo ndyi̱kondaꞌmana,
kó ndyi̱kotsijee̱n ni xi tsꞌen an,
achichí mejeén nga sa̱ꞌínkꞌién ini̱ma̱na.
7Ji Ne, a ka̱márií kjo̱tjongii̱ yojoo̱ kjo̱a̱a̱ ni xi ndajín xi tsꞌén.
¡Ji Ne, nga si̱ꞌinxchín Jí, ti̱ꞌinkjie Ji kui xota̱ na̱xi̱ńdaá!
8Jè tjixkíi̱ xikó kjiꞌi ndi̱yà je tsanga an,
ki̱a̱ tindyie Ji ndándyíkón án ki̱a̱ ngi̱yaa̱ chi̱tsée̱n,
a jèjín ki̱a̱ kjitꞌa ki̱a̱ Chꞌo̱ Xo̱jo̱o̱n kui nii̱.
9Ni̱xtjin nga kuichjiaá nga ko̱si̱ke̱jení,
ko̱ngandikón kondra̱na.
Jè be an kui nii̱, ngatꞌa̱ Néná boá tikón kjo̱a̱nda tsa̱ꞌa̱n.
10Néná boá xi tsꞌéntsjaà, kjo̱a̱a̱ eén,
ta̱ngatꞌanii̱ eén nga tsꞌéntsjaà Néná.
11Néná boá xi kjimaꞌniáko̱n an, kó stsakjonjín an.
Mí ni xi ka̱maa̱ sa̱ꞌínjo̱na xota̱ nga̱sondiee̱.
12Ji Ne, foaꞌátsjienna ni xi kixiyatjoón nga sa̱ꞌinkjatjosón an,
kó kꞌuichjíñaá nga tsjaa̱ kjo̱a̱tjó nga sa̱ꞌintsjaà.
13Ngatꞌa̱ Jí boá kaꞌnaxiéꞌé Ji ini̱ma̱na ngi̱ya tsja kjo̱a̱bo̱yaa̱,
kó akasíke̱jení nga tsꞌákajín an,
tsi̱ꞌe̱ nga ki̱a̱ kotíjña̱ an ngindyikin Ji ki̱a̱ nínga tikón ndiꞌií kjo̱a̱mindyioo̱n.
Currently Selected:
Xo̱jo̱n Salmoo̱ 56: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
