Xo̱jo̱n Salmoo̱ 47
47
Néná kuí boá xi Ree̱ ngayeje nga̱sondiee̱
Só xi katsꞌénda xota̱ ngo ndiꞌaa̱ Koree̱.
1¡Ti̱ꞌantsꞌénjnú ndsa̱jnú ngayeje jún xota̱ na̱xi̱ńdá!
¡Ti̱ꞌantsjàjnúu̱ Néná nga xchaꞌayàtsjájnú!
2Ngatꞌa̱ Néná xí tikón ndiꞌakꞌajmi jàn achichí ꞌniú yandikón,
Kuí boá ngo re xi je xi tsi̱ꞌe̱ ngayeje nga̱sondiee̱.
3Kuí boá xi sa̱ꞌín nga ñá kotixomáa̱ ngayeje nangii̱,
Kuí boá xi ku̱i̱ꞌíndo ngayeje na̱xi̱ńdaá ngindie ndsa̱kó.
4Kuí boá xi jaꞌájin tꞌanangi xi katsjáná ñá,
ngatꞌa̱ kuí boá kui tꞌanangii̱ xi kjo̱a̱jee̱ Jakoo̱b,
kui nda̱ xi Néná tjó kamaá.
5Néná kijínijíngí ngi̱ndie ndikoón nga ndyi̱kjandayà tsjá xotaa̱,
ko̱jo nga kjifonie tjioo̱.
6¡Ndàjnúu̱ Néná, ndàjnúu̱!
¡Ndàjnúu̱ Rená, ndàjnúu̱!
7Ngatꞌa̱ Néná, Kuí boá xi Ree̱ ngayeje nga̱sondiee̱.
¡Ngatꞌiéjnú kjo̱a̱kjíntakón nga ko̱ndájnúu̱!
8¡Néná boá xi botixómá ngayeje na̱xi̱ńdaá!
¡Néná ki̱a̱ ꞌbíjñasón yáxíríe̱ ndikoón!
9Xota̱ xi tjiín xá ngayeje na̱xi̱ńdaá kjimatikó,
xikoó xota̱ na̱xi̱ńdaá Nee̱ Abraa̱n,
10ngatꞌa̱ tsi̱ꞌe̱ Néná boá ni xi ꞌbíchjaá ni xi ndajín xi tjín nga̱sondiee̱.
Achichí ꞌniú niꞌándikón Néná.
Currently Selected:
Xo̱jo̱n Salmoo̱ 47: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
