Xo̱jo̱n Salmoo̱ 26
26
Ngatsjéni̱xtjin nga kixi̱ ka̱ma an ngindyikin ji
Só xi katsꞌénda Ndabii̱.
1Ji Ne, kixi̱ ti̱ꞌinsénní, ngatꞌa̱ kixi̱ tsoꞌbá an,
kó nde jó nde jánjín ꞌbijñáa̱ ini̱ma̱na nga Ji kamáꞌniákoo̱n.
2Chítꞌeni Ne, kó chjátꞌeyekínní,
chítꞌe ji ni xi tsꞌenkjó án, ko̱jo ni xi tjíjin ini̱ma̱na.
3Ngatꞌa̱ ngatsjéni̱xtjin nga tsꞌenkjó án kjo̱a̱ni̱ma̱takóo̱n,
kuíni nga kjo̱a̱kixi̱i̱ boá xi fitji̱ngi an.
4Ki̱a̱jín tsꞌenkamajo̱ an xota̱ xi ndisoo̱,
ti̱nde ki̱a̱jín tsoꞌbájo̱ an xota̱ xi jókje̱e̱n.
5¡Achichí chꞌóna kjiꞌanga matikó xota̱ xi chꞌo ndyi̱tsꞌèn,
kó jmíni̱xtjin ki̱a̱ kꞌuíndotꞌana xota̱ xi ꞌniú ndajiín!
6Koniejón an ndsa̱ án, tsi̱ꞌe̱ nga ngiti̱ jmí jé kꞌuiéjínna,
kó bo̱a̱ tsꞌén nga ka̱ma kjótsoꞌbá an ki̱a̱ tꞌa ṉchandikóo̱n, Ji Ne,
7tsi̱ꞌe̱ nga ko̱nda̱ꞌyaá nda̱na nga tsjaa ndokꞌóchji̱ì,
ko̱jo tsi̱ꞌe̱ nga xiyà an ngayeje ni xi fíndikónná xi kiniꞌín ji.
8Ji Ne, achichí tsjána Ndiꞌa nínga tindyin Ji,
ko̱jo ki̱a̱ ngi̱ndie nínga tikón kjo̱a̱jèe̱.
9Ngata̱ ki̱a̱jín ngi̱jii̱n xota̱ jeé niꞌínkꞌínní,
ko̱jo tsi ki̱a̱ ngi̱jii̱n xota̱ xi ndyi̱tsꞌènkꞌién ini̱ma̱a̱,
10kui xota̱ xi je ngi̱ya tsja tikón ni xi ndajiín,
kó tsja xi kixi̱i̱ tjikítsie maá to̱n xi katsꞌén nga tsꞌenṉcha̱.
11Ta̱nga an ki Ne, to̱kó kixi̱ kotíjña̱ an.
¡ꞌNa̱xiéꞌéní kó ngatamani̱ma̱a̱ an!
12Tꞌanangi xi ꞌniú tikón boá, nínga síndosón ndsa̱ko án,
kuíni nga nínga matikó xota̱ na̱xi̱ńdáa̱, ki̱a̱ ndatsꞌèn kuichjiá an kjo̱a̱a̱ Ji.
Currently Selected:
Xo̱jo̱n Salmoo̱ 26: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
