Xo̱jo̱n Salmoo̱ 108
108
Si̱ꞌánjne̱, tsi ji xi ko̱si̱ke̱jejne̱
Só xi katsꞌénda Ndabii̱.
1¡Ji Ne, ini̱ma̱na jè ꞌniú tikón!
Si̱eé só ko̱jo salmo̱, kó kuí boá kui nii̱ xi kjo̱a̱jena ka̱ma.
2¡Ngatjaꞌaá arpaa̱ ko̱jo salterioo̱,
ngatꞌa̱ án boá xi sa̱ꞌínkjaꞌàa̱ nga ndibáꞌásie̱én!
3Ji Ne, án boá xi tsjaa ndokꞌóchji̱ì ngi̱jii̱n xota̱ na̱xi̱ńdaá,
kó án boá xi si̱eé salmo̱ ngi̱jii̱n na̱xi̱ńdaá.
4Achichí tsie kjo̱a̱ni̱ma̱takón xi tjiín Jí, nga ngaskande nkꞌajmii̱ fochó,
kó ni xi ja̱koxi̱i̱, ngaskande nínga sikjo tꞌanangii̱ ko̱jo nkꞌajmii̱ fochó.
5Ji Ne, Jí boá xi nkꞌa ngasenii̱ nga̱soón nkꞌajmii̱ tindyin Ji,
kó ngayeje són nga̱sondiee̱ nga sꞌikitsieni kjo̱a̱jèe̱.
6Tsi̱ꞌe̱ nga ka̱mandé xota̱ xi tjoó Jí,
¡ti̱ꞌin ji nga ngaꞌniúu̱ xí kꞌo̱xiéꞌájne̱, kó ti̱ꞌinsénní!
7Néná ndeskande ki̱a̱ Ndiꞌandikoón, bi̱ katsó:
¡Kjiꞌanga An sa̱ꞌin An, sa̱ꞌinkjaꞌasóo̱n nangi Sikee̱n,
kó kꞌochi̱bo̱a̱ An nangi soón Sukoo̱t!
8Tꞌanangii̱ nangi Ngalaa̱nd Án tsa̱ꞌa̱n,
ko̱jo nínga síndo xota̱ tji̱e̱e̱ Manasee̱,
nangi nínga síndo xota̱ tji̱e̱e̱ Efraii̱n kuí boá xi niꞌbíꞌátokona,
kó nangi Jundáa̱ kuí boá xi ki̱cha̱na, xi kixi̱ botíxomanii̱.
9Nangi Moaa̱b, kuí boá xi ni nínga moniejón An yojona,
kó ki̱a̱ nangi Endoo̱n sa̱ꞌinkjaꞌyá An,
kó ki̱a̱ nangii̱ xota̱ Filisteaa̱ ꞌniú kjandayà An nga je katsꞌen An.
10ꞌYá xí mejeén kjo̱jona nínga tikón na̱xi̱ńdáꞌniú xí xó tjíchjáꞌyánii̱.
ꞌYá xí mejeén ko̱kóna ndi̱yà xi fíni nangi Endoo̱n.
11A Jijín bo̱a̱ Ji Ne, Ji xi kiniꞌínchꞌíjne̱.
Ji Ne, a ngiti̱ kꞌuínje̱jínjne̱ nga ko̱e̱je̱ jájúnjne̱.
12¡Tasíke̱jejne̱ tsi̱ꞌe̱ nga si̱ꞌanjne̱ kondra̱jne̱,
ngatꞌa̱ ta̱kjo̱a̱ndaní bo̱a̱ kjo̱a̱bosíko̱joo̱ xota̱ nga̱sondiee̱!
13¡Ko̱jo Néná boá nga si̱ꞌanjne̱ nga ku̱i̱xkánjne̱!
Kuí boá xi tsja̱nié kondra̱jne̱.
Currently Selected:
Xo̱jo̱n Salmoo̱ 108: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
