Neemiyaa̱ 7
7
Neemiyaa̱ índonda xota̱ xi skoón na̱xi̱ńdáꞌniuú
1Kjiꞌanga je kamándo̱jo xoó, ko̱jo ngije íjñáa̱ nga̱ntjo̱a̱a̱ na̱xi̱ńdáꞌniuú, katseꞌéxaá já xí konda nga̱ntjo̱a̱a̱, ko̱jo xota̱ xi siee̱, ko̱jo xota̱ tji̱e̱e̱ Lebii̱, 2kósꞌe̱ katsjaxáa̱ nda̱ ntsꞌié án xi ꞌmí Ananii̱, tsi̱ꞌe̱ nga kui xi kꞌuijñátjoón xotaa̱ ki̱a̱ na̱xi̱ńdáꞌniú Jerusalee̱n, kó Ananiyaa̱ ka̱ma ngito̱ko̱o̱ ngi̱ndie ꞌniuú kui na̱xi̱ńdáꞌniuú, ngatꞌa̱ kui nda̱a̱ ta̱nisién kixi̱ kamá, kó kamábendikón Néná, ta̱bo̱a̱jiín kjín xota̱, 3kó bi̱ kixiáa̱n: Nga̱ntjo̱a̱a̱ na̱xi̱ńdáꞌniú Jerusalee̱n, ngaskande nga sa̱ꞌínꞌasoo̱ tsꞌueé xchjáxꞌá, kó ndatsi tjín xota̱ xi síndo ngi̱yaa̱, sꞌi̱chjára kui nga̱ntjo̱a̱a̱, kó kꞌuichjáꞌniú. Kó ngi̱jii̱n xota̱ na̱xi̱ńdaá ngachjaꞌájin já xí skondá na̱xi̱ńdáꞌniú Jerusalee̱n, kó nga ngo nga ngo ngakonda ki̱a̱ kje̱n ndiꞌaa̱.
Xota̱ xi kjindibáꞌoyání nangi Babiloniaa̱
(Esn 2:1-70)
4Kó nga kui na̱xi̱ńdáꞌniuú achichí tiyá ko̱jo je kamá, ta̱nga chiboa tsí kamá xota̱ xi ki̱a̱ kisꞌińdoo̱, kó ndiꞌaa̱ nde kji̱e̱ niꞌándayajín. 5Kósꞌe̱ Néná íjñajin ngi̱jin ini̱ma̱na nga ítikó an xota̱ xi yandikoón, ko̱jo xota̱ xi ngito̱ko̱o̱, ko̱jo ngayeje xota̱ na̱xi̱ńdaá, tsi̱ꞌe̱ nga kamáxki̱ xki̱ xtín xota̱ tji̱e̱, ngatꞌa̱ an kasakona xo̱jo̱n nínga kjitꞌa jaꞌeén xota̱ tji̱e̱ xi tjón kijínijíngií, kó bi̱ tsó ni xi kjitꞌa kui xo̱jo̱o̱n:
6Kuí bí xota̱ xi chji̱a̱ni ndí nangi xi botixómá nangi Jundáa̱, kui xi kjindibáni nangi Babilonia̱, kui xotaa̱, nda̱ re Nabukondonosoo̱r kijíjo̱ꞌniú ki̱a̱ nangi Babilonia̱, ta̱nga kijíꞌoyá nginí na̱xi̱ńdáꞌniú Jerusalee̱n, ko̱jo ngi̱ndie xi chji̱a̱ni nangi Jundáa̱, kó nga ngo nga ngo kijí ki̱a̱ na̱xi̱ńdáꞌniú nínga chji̱a̱ni. 7Kuí xota̱ xi̱ꞌbi̱ xi nijan kijíjo̱ Sorobabee̱l:
Jesúaa̱,
ko̱jo Neemiyaa̱,
ko̱jo Asariyaa̱,
ko̱jo Raamiyaa̱,
ko̱jo Naamanii̱,
ko̱jo Marndokeoo̱,
ko̱jo Bilsaa̱n,
ko̱jo Misperee̱t,
ko̱jo Bijbaii̱,
ko̱jo Neuu̱n,
ko̱jo Baanaa̱.
Ko̱jo bi̱ kjiꞌi jáxíꞌín xi chji̱a̱ni xota̱ Israee̱l:
8Xota̱ tji̱e̱e̱ Paroo̱: Jó mi̱ úchán ichítié ko̱jo kan jó kamá.
9Kó xota̱ tji̱e̱e̱ Sefatiyaa̱: Ján úchán ichítié ko̱jo kan jó kamá.
10Xota̱ tji̱e̱e̱ Araa̱: Jun úchán ichítié ko̱jo jó kamá.
11Xota̱ tji̱e̱e̱ Paa̱t-Moaa̱b, xi chji̱a̱ni xota̱ tji̱e̱e̱ Jesúaa̱ ko̱jo Joaa̱b: Jó mi̱ jin úchán tjiꞌún ján kamá.
12Xota̱ tji̱e̱e̱ Elaa̱n: Ngo mi̱ jó úchán ichítié ko̱jo nijón kamá.
13Xota̱ tji̱e̱e̱ Satuu̱: Jin úchán yichán ún kamá.
14Xota̱ tji̱e̱e̱ Sakaii̱: Yito úchán ichítié ko̱jo tie kamá.
15Xota̱ tji̱e̱e̱ Binuii̱: Jun úchán ko̱jo yichán jin kamá.
16Xota̱ tji̱e̱e̱ Bebai̱: Jun úchán ko̱jo kan jin kamá.
17Kó xota̱ tji̱e̱e̱ Asngaa̱nd: Jó mi̱ jun úchán ko̱jo kan jó kamá.
18Xota̱ tji̱e̱e̱ Andonikaa̱n: Jun úchán ichítié ko̱jo kan yito kamá.
19Xota̱ tji̱e̱e̱ Bijbaii̱: Jó mi̱ ichítié ko̱jo tjiꞌún jó kamá.
20Xota̱ tji̱e̱e̱ Andii̱n: Jun úchán ichítié ko̱jo ún kamá,
21xota̱ tji̱e̱e̱ Atee̱r, ko̱jo xota̱ tji̱e̱e̱ Esekiyaa̱: Ichítié ko̱jo yichán jin kamá.
22Xota̱ tji̱e̱e̱ Asuu̱n: Ján úchán kan jin kamá.
23Xota̱ tji̱e̱e̱ Besaii̱: Ján úchán ko̱jo kan nijón kamá.
24Kó xota̱ tji̱e̱e̱ Arii̱f: Úchán ko̱jo tiejó kamá,
25xota̱ xi chji̱a̱ni na̱xi̱ńdáꞌniú Ngabaóo̱n: Ichítié ko̱jo yichán ún kamá.
26Xota̱ xi chji̱a̱ni na̱xi̱ńdáꞌniú Belee̱n, ko̱jo na̱xi̱ńdáꞌniú Netofaa̱: Úchán ichítié ko̱jo kantjiꞌún ján kamá.
27Xota̱ xi chji̱a̱ni na̱xi̱ńdáꞌniú Anatoo̱t: Úchán ko̱jo kan jin kamá.
28Xota̱ xi chji̱a̱ni na̱xi̱ńdáꞌniú Bee̱t-Asmabee̱t: Yichán jó kamá.
29Xota̱ xi chji̱a̱ni na̱xi̱ńdáꞌniú Kiriaa̱t-Jearii̱n, ko̱jo na̱xi̱ńdáꞌniú Kafiraa̱, ko̱jo na̱xi̱ńdáꞌniú Beeroo̱t: Yito úchán ko̱jo yichán ján kamá.
30Xota̱ xi chji̱a̱ni na̱xi̱ńdáꞌniú Ramaa̱, ko̱jo na̱xi̱ńdáꞌniú Ngebaa̱: Jun úchán ko̱jo kan ngo kamá.
31Xota̱ xi chji̱a̱ni na̱xi̱ńdáꞌniú Mikmaa̱: Úchán ko̱jo kan jó kamá.
32Xota̱ xi chji̱a̱ni na̱xi̱ńdáꞌniú Betee̱l, ko̱jo na̱xi̱ńdáꞌniú Aii̱: Úchán ko̱jo kan ján kamá.
33Xota̱ xi chji̱a̱ni na̱xi̱ńdáꞌniú Neboo̱ xi ingoo̱: Ichítié ko̱jo jó kamá.
34Xota̱ xi chji̱a̱ni na̱xi̱ńdáꞌniú Elaa̱n xi ingoo̱: Ngo mi̱ jó úchán ichítié ko̱jo nijón kamá.
35Xota̱ xi chji̱a̱ni na̱xi̱ńdáꞌniú Arii̱n: Ján úchán ko̱jo kan kamá.
36Xota̱ xi chji̱a̱ni na̱xi̱ńdáꞌniú Jerikoo̱: Ján úchán yichán ún kamá.
37Xota̱ xi chji̱a̱ni na̱xi̱ńdáꞌniú Loo̱nd, ko̱jo na̱xi̱ńdáꞌniú Andii̱, ko̱jo na̱xi̱ńdáꞌniú Onoo̱: Yito úchán ko̱jo kan ngo kamá.
38Xota̱ xi chji̱a̱ni na̱xi̱ńdáꞌniú Senaa̱: Ján mi̱ nijan úchán ko̱jo kantié kamá.
39Kó já chináꞌmii̱ kuí bí xi̱ꞌbi̱ xi kjindibáꞌoyá nginí:
Xota̱ tji̱e̱e̱ Jendayiaa̱, kui xi chji̱a̱ni xota̱ ndiꞌaa̱ Jesuaa̱: Nijan úchán ichítié ko̱jo kan ján kamá.
40Xota̱ tji̱e̱e̱ Imee̱r: Ngo mi̱ ichítié ko̱jo jó kamá.
41Xota̱ tji̱e̱e̱ Pasuu̱r: Ngo mi̱ jó úchán ko̱jo yichán yito kamá.
42Xota̱ tji̱e̱e̱ Arii̱n: Ngo mi̱ tjiꞌún jó kamá.
43Xota̱ xi asíko̱jo já chináꞌmii̱, kuí bí xi̱ꞌbi̱: Xota̱ tji̱e̱e̱ Lebii̱, kui xi ndií Josuee̱, ko̱jo ndií Kandmiee̱l, ko̱jo ndií Ondabiyaa̱: Ichítié ko̱jo kan nijón kamá.
44Xota̱ xi siee̱, kui xi ndií Asaa̱f: Úchán ko̱jo yichán jin kamá.
45Xota̱ xi askoo̱n nga̱ntjo̱a̱a̱ kuí bí xi̱ꞌbi̱: Xota̱ tji̱e̱e̱ Saluu̱n, ko̱jo xota̱ tji̱e̱e̱ Atee̱r, ko̱jo xota̱ tji̱e̱e̱ Talmoo̱n, ko̱jo xota̱ tji̱e̱e̱ Akuu̱b, ko̱jo xota̱ tji̱e̱e̱ Atitaa̱, ko̱jo xota̱ tji̱e̱e̱ Sobaii̱: Úchán ko̱jo kantjiꞌún ján kamá.
46Xota̱ xi katsꞌénxá ki̱a̱ Ndiꞌaa̱ Néná, kuí bí xi̱ꞌbi̱:
Xota̱ tji̱e̱e̱ Siaa̱, ko̱jo xota̱ tji̱e̱e̱ Asufaa̱, ko̱jo xota̱ tji̱e̱e̱ Tabaoo̱t,
47ko̱jo xota̱ tji̱e̱e̱ Keroo̱, ko̱jo xota̱ tji̱e̱e̱ Siaa̱, ko̱jo xota̱ tji̱e̱e̱ Pandoo̱n,
48ko̱jo xota̱ tji̱e̱e̱ Lebanaa̱, ko̱jo xota̱ tji̱e̱e̱ Angabaa̱, ko̱jo xota̱ tji̱e̱e̱ Salmaii̱,
49ko̱jo xota̱ tji̱e̱e̱ Anaa̱n, ko̱jo xota̱ tji̱e̱e̱ Ngindee̱l, ko̱jo xota̱ tji̱e̱e̱ Ngaa̱r,
50ko̱jo xota̱ tji̱e̱e̱ Reayiaa̱, ko̱jo xota̱ tji̱e̱e̱ Resii̱n, ko̱jo xota̱ tji̱e̱e̱ Nekondaa̱,
51ko̱jo xota̱ tji̱e̱e̱ Ngasaa̱n, ko̱jo xota̱ tji̱e̱e̱ Usaa̱, ko̱jo xota̱ tji̱e̱e̱ Paseaa̱,
52ko̱jo xota̱ tji̱e̱e̱ Besaii̱, ko̱jo xota̱ tji̱e̱e̱ Meunii̱n, ko̱jo xota̱ tji̱e̱e̱ Nefisesii̱n,
53ko̱jo xota̱ tji̱e̱e̱ Bakbuu̱k, ko̱jo xota̱ tji̱e̱e̱ Akufaa̱, ko̱jo xota̱ tji̱e̱e̱ Aruu̱r,
54ko̱jo xota̱ tji̱e̱e̱ Basluu̱t, ko̱jo xota̱ tji̱e̱e̱ Meindaa̱, ko̱jo xota̱ tji̱e̱e̱ Arsaa̱,
55ko̱jo xota̱ tji̱e̱e̱ Barkoo̱, ko̱jo xota̱ tji̱e̱e̱ Sísaraa̱, ko̱jo xota̱ tji̱e̱e̱ Temaa̱,
56ko̱jo xota̱ tji̱e̱e̱ Nesiyaa̱, ko̱jo xota̱ tji̱e̱e̱ Atifaa̱.
57Xota̱ tji̱e̱e̱ mosoo̱ Salomoo̱ kuí boá xi̱ꞌbi̱:
Xota̱ tji̱e̱e̱ Sotaii̱, ko̱jo xota̱ tji̱e̱e̱ Soferee̱t, ko̱jo xota̱ tji̱e̱e̱ Perindaa̱,
58ko̱jo xota̱ tji̱e̱e̱ Jaalaa̱, ko̱jo xota̱ tji̱e̱e̱ Ndarkoo̱n, ko̱jo xota̱ tji̱e̱e̱ Ngindee̱l,
59ko̱jo xota̱ tji̱e̱e̱ Sefatiyaa̱, ko̱jo xota̱ tji̱e̱e̱ Atii̱l, ko̱jo xota̱ tji̱e̱e̱ Pokeree̱t-Asebaii̱n, ko̱jo xota̱ tji̱e̱e̱ Amoo̱n.
60Ngayeje xota̱ xi katsꞌénxá ki̱a̱ Ndiꞌaa̱ Néná, ko̱jo xota̱ tji̱e̱e̱ mosoo̱ Salomoo̱, ján úchán ichítié ko̱jo yichán jó kamá.
61Kó kuí bí xota̱ xi kijínijíngíni ndeskande na̱xi̱ńdáꞌniú Telmelaa̱, ko̱jo na̱xi̱ńdáꞌniú Telarsaa̱, ko̱jo na̱xi̱ńdáꞌniú Keruu̱b, ko̱jo na̱xi̱ńdáꞌniú Andoo̱n, ko̱jo na̱xi̱ńdáꞌniú Imee̱r, kó kamájiín akó ñá ndiꞌaa̱ xi xchaá, ko̱jo ñá xota̱ xi kjindibáni, tsi xota̱ Israee̱l ko̱jo tsi kuijín chji̱a̱ni, kó kuí bí xi̱ꞌbi̱: 62Xota̱ tji̱e̱e̱ Ndelayiaa̱, ko̱jo xota̱ tji̱e̱e̱ Tobií, ko̱jo xota̱ tji̱e̱e̱ Nekondaa̱: Jun úchán ko̱jo yichán jó kamá.
63Kó xota̱ xi chji̱a̱ni já chináꞌmii̱ kuí bí xi̱ꞌbi̱: Xota̱ tji̱e̱e̱ Abiyaa̱, ko̱jo xota̱ tji̱e̱e̱ Koo̱, ko̱jo xota̱ tji̱e̱e̱ Barsilai̱, kui nda̱ xi ixánjo̱ ngo na̱ xi chji̱a̱ni Barsilai̱, xi chji̱a̱ni nangi Ngalaa̱nd, kui xi jaꞌeén kui xotaa̱ kiniꞌánkaꞌa. 64Kui xotaa̱ tsangase xo̱jo̱n nínga kjitꞌa jaꞌeén xota̱ xi kjindibáni, ta̱nga kasakojiín, kuíni nga ngiti̱ kamájín katseꞌé ngasee̱ xá chináꞌmii̱, ngatꞌa̱ jmí tsi tsjie kamá. 65Kó nda̱ xtitjoón, bo̱a̱ katsoó nga ka̱májín skji̱ni̱e̱ ni xi tsjiee̱ Néná, ngaskande ni̱xtjin nga xchje̱ꞌéjin ngo chináꞌmi nga si̱ꞌankjién Urii̱n ko̱jo Tumii̱n.
66Ngayeje xota̱ xi kamátikoó, yichán jó mi̱ ján úchán ichítié ko̱jo tie kamá, 67kje̱ꞌení moso̱ xi chjo̱on ko̱jo xi xi̱ꞌii̱n, kui xi yito mi̱ ján úchán kantjiꞌún jó kamá, kó ngi̱jii̱n kui xotaa̱, jó úchán ko̱jo yichán ún kamá xota̱ xi kisiee̱, xi xi̱ꞌin ko̱jo xi ínchjín. 68Ndi̱je̱e̱, yito úchán ko̱jo kantjiꞌún ngo kamá, kó ndi̱je̱tajaá, jó úchán ko̱jo yichán ún kamá. 69Kó cho̱toꞌoyitsꞌeèn, nijón úchán ko̱jo kantjiꞌún kamá, kó bórroó, jun mi̱ yito úchán ko̱jo kan kamá.
70Kó tjín xota̱ xi ngito̱ko̱o̱ xtín xota̱ ndiꞌaa̱, xi katsjá to̱n tsi̱ꞌe̱ kui xaá xikoó: Nda̱ xtitjoón katsjá ngo mi̱ to̱nsinieé, ko̱jo ichítié tasa̱, ko̱jo ún úchán ko̱jo kantié ńjñondio xi tsꞌénkjién já chináꞌmii̱. 71Kó ti̱ tjín xota̱ xi ngito̱ko̱o̱ xtín xota̱ ndiꞌaa̱, xi katsjá ngo chji̱e̱ tsi̱ꞌe̱ kui xaá xi ikꞌíyá koxa̱to̱o̱n, kó kan mi̱ to̱nsinié, ko̱jo ngo mi̱ ján úchán kilo̱ to̱ntiboa kamá xi katsjá. 72Kó xi katsjá xota̱ na̱xi̱ńdá xí ngasee̱, kan mi̱ to̱nsinié, ko̱jo ngo mi̱ jó úchán kilo̱ to̱ntiboa, ko̱jo ichítié ko̱jo tjiꞌún jó chi̱nga xi boajá já chináꞌmii̱ kamá. 73Kó já chináꞌmii̱, ko̱jo xota̱ tji̱e̱e̱ Lebii̱, ko̱jo já xí konda nga̱ntjo̱a̱a̱, ko̱jo xota̱ xi siee̱, ko̱jo chiboa xota̱ na̱xi̱ńdaá, ko̱jo xota̱ xi tsꞌénxá ngi̱ya na̱ngo̱xi̱i̱, ko̱jo ngayeje xota̱ Israee̱l, ki̱a̱ kisꞌińdo nginí ki̱a̱ na̱xi̱ńdáꞌniuú. Kó nga jachó xi ma yito saá, ngayeje xota̱ Israee̱l ki̱a̱ kisꞌińdo ki̱a̱ na̱xi̱ńdáꞌniú nínga chji̱a̱ni nga ngo nga ngo.
Currently Selected:
Neemiyaa̱ 7: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
