Neemiyaa̱ 12
12
Já chináꞌmii̱ ko̱jo xota̱ tji̱e̱e̱ Lebii̱
1Kó kuí bí kui já chináꞌmi ko̱jo xota̱ tji̱e̱e̱ Lebii̱ xi nijan kijínijíngíjo̱ Sorobabee̱l ndií Salatiee̱l, ko̱jo Jesuaa̱: Kó kuí boá xi̱ꞌbi̱:
Serayiaa̱,
ko̱jo Jeremiyaa̱,
ko̱jo Esndraa̱,
2ko̱jo Amariyaa̱,
ko̱jo Maluu̱k,
ko̱jo Artuu̱,
3ko̱jo Sekaniyaa̱,
ko̱jo Reuu̱n,
ko̱jo Meremoo̱t,
4ko̱jo Indoo̱,
ko̱jo Jinetoo̱,
ko̱jo Abiyaa̱,
5ko̱jo Mijamii̱n,
ko̱jo Maandiyaa̱,
ko̱jo Bilngaa̱,
6ko̱jo Semayiaa̱,
ko̱jo Joyarii̱b,
ko̱jo Jendayiaa̱,
7ko̱jo Saluu̱,
ko̱jo Amoo̱k,
ko̱jo Ilsiyaa̱,
ko̱jo Jendayiaa̱.
Kuí bí já ngito̱ko̱o̱ chináꞌmii̱ ko̱jo já ntsꞌi̱e̱, ni̱xtjin nga kisꞌijña Jesuaa̱.
8Kó já xí chji̱a̱ni xota̱ tji̱e̱e̱ Lebii̱ kuí boá xi̱ꞌbi̱:
Jesuaa̱,
ko̱jo Binuii̱,
ko̱jo Kandmiee̱l,
ko̱jo Serebiyaa̱,
ko̱jo Jundáa̱,
ko̱jo Mataniyaa̱, kui ko̱jo já ntsꞌi̱e̱ kamá ngito̱ko̱o̱ nga kisie só xi ndaa̱ Néná.
9Ko̱jo Bakbukiyaa̱, ko̱jo Unii̱, ko̱jo já ntsꞌi̱e̱, ki̱a̱ kisꞌińdo kje̱n kui xotaa̱ nga katsꞌén xá xí katseꞌeé.
10Kó Jesuaa̱ xí kamá na̱ꞌmii̱ Joakii̱n, kó Joakii̱n xí kamá na̱ꞌmii̱ Eliasii̱b, kó Eliasii̱b xí kamá na̱ꞌmii̱ Joyandaa̱, 11Kó Joyandaa̱ xí kamá na̱ꞌmii̱ Jonataa̱n, kó Jonataa̱n xí kamá na̱ꞌmii̱ Janduaa̱. 12Kó ni̱xtjin nga kisꞌijña Joyakii̱n, já chináꞌmii̱ xi ngito̱ko̱o̱ xtín xota̱ ndiꞌaa̱ kamá kuí bí xi̱ꞌbi̱:
Xi chji̱a̱ni xota̱ ndiꞌaa̱ Serayiaa̱, Merayiaa̱ boá,
xi chji̱a̱ni xota̱ ndiꞌaa̱ Jeremiyaa̱, Ananiyaa̱ boá,
13xi chji̱a̱ni xota̱ ndiꞌaa̱ Esndraa̱, Mesulaa̱n boá,
xi chji̱a̱ni xota̱ ndiꞌaa̱ Amariyaa̱, Joanaa̱n boá,
14xi chji̱a̱ni xota̱ ndiꞌaa̱ Melikuu̱, Jonataa̱n boá,
xi chji̱a̱ni xota̱ ndiꞌaa̱ Sebaniyaa̱, Kosiee̱ boá,
15xi chji̱a̱ni xota̱ ndiꞌaa̱ Arii̱n, Andnaa̱ boá,
xi chji̱a̱ni xota̱ ndiꞌaa̱ Merayoo̱t, Elkaii̱ boá,
16xi chji̱a̱ni xota̱ ndiꞌaa̱ Indoo̱, Sakariyaa̱ boá,
xi chji̱a̱ni xota̱ ndiꞌaa̱ Nginetoo̱n, Mesulaa̱n boá,
17xi chji̱a̱ni xota̱ ndiꞌaa̱ Abiyaa̱, Sikrii̱ boá,
xi chji̱a̱ni xota̱ ndiꞌaa̱ Miniamii̱n, ko̱jo Moandiyaa̱, Piltai̱ boá,
18xi chji̱a̱ni xota̱ ndiꞌaa̱ Bilngaa̱, Samúaa̱ boá,
xi chji̱a̱ni xota̱ ndiꞌaa̱ Semayiaa̱, Jonataa̱n boá,
19xi chji̱a̱ni xota̱ ndiꞌaa̱ Joyarii̱b, Matenaii̱ boá,
xi chji̱a̱ni xota̱ ndiꞌaa̱ Jendayiaa̱, Usii̱ boá,
20xi chji̱a̱ni xota̱ ndiꞌaa̱ Salaii̱, Kalai̱ boá,
xi chji̱a̱ni xota̱ ndiꞌaa̱ Amoo̱k, Ebee̱r boá,
21xi chji̱a̱ni xota̱ ndiꞌaa̱ Ilsiyaa̱, Asabiyaa̱ boá,
xi chji̱a̱ni xota̱ ndiꞌaa̱ Jendayiaa̱, Natanaee̱l boá.
22Ni̱xtjin nga kisꞌijña Eliasii̱b, ko̱jo ni̱xtjin nga kisꞌijña Joyandaa̱, ko̱jo Joanaa̱n, ko̱jo Janduaa̱, já xi chji̱a̱ni xota̱ tji̱e̱e̱ Lebii̱, ko̱jo já chináꞌmii̱ ki̱a̱ kisitꞌa xo̱jo̱n nga ngo nga ngo ndiꞌaa̱ xota̱ xi xchaá xi xi̱ꞌii̱n, ngaskande nga atíxoma nda̱ xi ꞌmí Ndariyoo̱ xi chji̱a̱ni nangi Persiaa̱. 23Xota̱ tji̱e̱e̱ Lebii̱ xi ngito̱ko̱o̱ xtín xota̱ ndiꞌaa̱ kamá, ki̱a̱ ikítꞌa jaꞌeén Xo̱jo̱n nínga kjitꞌa ni xi kamaá, ngaskande ni̱xtjin nga kisꞌijña Joanaa̱n ndií Eliasii̱b.
24Kó já ngito̱ko̱o̱ xota̱ tji̱e̱e̱ Lebii̱ kuí bí xi̱ꞌbi̱: Asabiyaa̱, ko̱jo Serebiyaa̱, ko̱jo Jesuaa̱ ndií Kandmiee̱l, ko̱jo já ntsꞌi̱e̱ kui jaá, kuí boá xi kisꞌińdo ngindyi̱ko̱n kui jaá, tsi̱ꞌe̱ nga katsꞌéntsjaà, ko̱jo nga katsjaá ndokꞌóchjì Néná, xikó kjiꞌi kjo̱a̱kiti xi katsjá Ndabii̱, kui nda̱ xi mosoo̱ Néná kamá. 25Kó Mataniyaa̱, ko̱jo Bakbukiyaa̱, ko̱jo Obandiyaa̱, ko̱jo Mesulaa̱n, ko̱jo Talmoo̱n, ko̱jo Akuu̱b xi kamá já xí konda nga̱ntjo̱a̱a̱, ko̱jo kuí boá xi askondá ki̱a̱ nínga kachjaꞌátjó ni xi kamáxchaá, ko̱jo ki̱a̱ askondá ki̱a̱ nga̱ntjo̱a̱a̱ na̱xi̱ńdáꞌniuú. 26Kuí boá kui jaá xi kisꞌińdo ni̱xtjin nga kisꞌijña Joyakii̱n ndií Jesuaa̱, ko̱jo ndíndeè Josandaa̱k, ko̱jo ni̱xtjin nga kisꞌijña nda̱ xtitjón xi ꞌmí Neemiyaa̱, ko̱jo chináꞌmi Esndraa̱, nda̱ chji̱ni̱e̱kjo̱a̱kitii̱.
Nga kiniꞌánkꞌasꞌien xoó na̱xi̱ńdáꞌniuú
27Kó kjiꞌanga kiniꞌánkꞌasꞌien xó xí tjíchjáꞌyáni na̱xi̱ńdáꞌniú Jerusalee̱n, ikindyisé ngayeje xota̱ tji̱e̱e̱ Lebii̱ xi chji̱a̱ni ngayeje ngi̱ndie, kó ki̱a̱ kandokjo̱a̱a̱ ki̱a̱ na̱xi̱ńdáꞌniú Jerusalee̱n, tsi̱ꞌe̱ nga kꞌuieé kjo̱a̱tsja kui sꞌueé, nga si̱ꞌankꞌasꞌien kui xoó, ko̱jo tsi̱ꞌe̱ nga si̱eé ko̱jo nga tsja̱a ndokꞌóchji̱ì nga sa̱ꞌínkjanie platiyoo̱, ko̱jo salterioo̱, ko̱jo arpaa̱. 28Kó kamátikó ndií xota̱ xi siee̱, xi chji̱a̱ni xtji̱e̱e̱n nangi són xi tikón nga ngo foaꞌatjiyajoo̱n na̱xi̱ńdáꞌniú Jerusalee̱n, ko̱jo xi chji̱a̱ni ndí nangi xi chji̱a̱ni xota̱ tji̱e̱e̱ Netofaa̱t, 29ko̱jo xi chji̱a̱ni ki̱a̱ ndiꞌaa̱ Ngilngaa̱l, ko̱jo ki̱a̱ kꞌijñaá na̱xi̱ńdáꞌniú Ngebaa̱, ko̱jo na̱xi̱ńdáꞌniú Asmabee̱t, ngatꞌa̱ xota̱ xi siee̱, ki̱a̱ kui ndí nangii̱ katsꞌénda ndiꞌa nga ngo foaꞌatjiyajoo̱n na̱xi̱ńdáꞌniú Jerusalee̱n.
30Kó katsꞌéntsjie yojoo̱ já chináꞌmii̱, ko̱jo xota̱ tji̱e̱e̱ Lebii̱, kó ti̱ katsꞌéntsjie xota̱ na̱xi̱ńdaá nga, ko̱jo nga̱ntjo̱a̱a̱ na̱xi̱ńdáꞌniuú, ko̱jo xoó.
Nga tsíchji̱a̱ra ngase Neemiyaa̱
31Kósꞌe̱ katsꞌenkjínijíngí an xota̱ xi ꞌniú yandikón xi chji̱a̱ni nangi Jundáa̱ ki̱a̱ nga̱soón xó xí tjíchjáꞌyáni na̱xi̱ńdáꞌniuú, kó indo an jó xtín yiꞌi xota̱ xi sie xi ꞌniú askjandáyá nga katsꞌéntsjaà Néná nga katsjaá ndokꞌóchji̱ì, kui xtín xí tjoón ki̱a̱ kijí xtji̱e̱e̱n nínga kixi̱nii̱ xoó, ki̱a̱ xtji̱e̱e̱n nga̱ntjo̱a̱a̱ Ndáńchꞌií. 32Kó ki̱a̱ kijítji̱ngi Oseaa̱, ko̱jo masien xota̱ ngito̱ko̱ xi chji̱a̱ni Jundáa̱, 33kó ki̱a̱ kisꞌińdo:
Asariyaa̱,
ko̱jo Esndraa̱,
ko̱jo Mesulaa̱n,
34ko̱jo xota̱ tji̱e̱e̱ Jundáa̱,
ko̱jo xota̱ tji̱e̱e̱ Benjaa̱,
ko̱jo Semayiaa̱,
ko̱jo Jeremiyaa̱.
35Kó tjín ndií já chináꞌmii̱ xi ti̱ ki̱a̱ kisꞌiṉtso̱ma nga katsꞌénkjanie tjioo̱, kó kuí bí xi̱ꞌbi̱:
Sakariyaa̱, ndií Jonataa̱n,
ko̱jo Jonataa̱n, ndií Semayiaa̱,
ko̱jo Semayiaa̱, ndií Mataniyaa̱,
ko̱jo Mataniyaa̱, ndií Mikayiaa̱,
ko̱jo Mikayiaa̱, ndií Sakuu̱r,
ko̱jo Sakuu̱r, ndií Asaa̱f,
36ko̱jo já ntsꞌi̱e̱ kui xi ꞌmí Semayiaa̱,
ko̱jo Asaree̱l,
ko̱jo Milalaii̱,
ko̱jo Ngilalai̱,
ko̱jo Maii̱,
ko̱jo Natanaee̱l,
ko̱jo Jundáa̱,
ko̱jo Ananii̱.
Ko̱jo ni xi niꞌánkjanie xi tsi̱ꞌe̱ Ndabii̱, nda̱ xi chji̱a̱ni Néná, ko̱jo Esndraa̱, nda̱ chji̱ni̱e̱kjo̱a̱kitii̱, xi kijítjón ngindyi̱ko̱n kui xotaa̱.
37Kó ki̱a̱ tꞌa nga̱ntjo̱a̱a̱ ndáńchꞌií, kijínijíngí xtji̱e̱e̱n nínga síndo xókíjoo̱n na̱xi̱ńdáꞌniuú Ndabii̱, ki̱a̱ xtji̱e̱e̱n nínga fínijíngí xoó, ndeskande nínga nkꞌaa̱ ndiꞌaa̱ Ndabii̱, ngaskande nga̱ntjo̱a̱a̱ Ndáfoaa̱, xtji̱e̱e̱n nínga fotjo tsꞌueé.
38Kó xi ma joó xtín xota̱ xi siee̱ kui xi ꞌniú askjandáyá nga katsꞌéntsjaà Néná nga katsjaá ndokꞌóchji̱ì, ki̱a̱ kijí ngixtien xikótsꞌèn kijí kui ndi̱yà jàn, kó an ki̱a̱ kijítji̱ngíi̱ an, kó masien xota̱ na̱xi̱ńdaá kijíjo̱na, ki̱a̱ nga̱soón xó xí tjíchjáꞌyáni na̱xi̱ńdáꞌniuú, ndeskande tarieé xi ꞌmí Orjnoo̱, ngaskande nga fochó xó xí tiyaá. 39Kó ki̱a̱ jaꞌa nga̱ntjo̱a̱ xi chji̱a̱ni xota̱ tji̱e̱e̱ Efraii̱n, ko̱jo nga̱ntjo̱a̱ xi Xchaá, ko̱jo nga̱ntjo̱a̱a̱ Tji̱o̱o̱, ko̱jo tarié xi tikón ki̱a̱ Anaa̱n-Ee̱l, ko̱jo tarieé xi tikón ki̱a̱ na̱xi̱ńdáꞌniú Ameaa̱, ngaskande nga̱ntjo̱a̱a̱ Cho̱tsa̱nga̱a̱, kósꞌe̱ ki̱a̱ kixindyia xió nga̱ntjo̱a̱ Ndo̱bo̱a̱ya̱à. 40Kósꞌe̱ nga jó xtín xota̱ xi siee̱, kui xi ꞌniú askjandáyá nga katsꞌéntsjaà Néná nga katsjaá ndokꞌóchji̱ì, ki̱a̱ kixindyia xió ki̱a̱ Ndiꞌaa̱ Néná, kojo̱ an, ko̱jo masien já ngito̱ko̱o̱ na̱xi̱ńdaá xi nijan tjimájo̱na, 41ko̱jo kui já chináꞌmi xi katsꞌénkjanie tjioo̱, kui xi:
Eliakii̱n,
ko̱jo Maaseyiaa̱,
ko̱jo Miniamii̱n,
ko̱jo Mikayiaa̱,
ko̱jo Elioenai̱,
ko̱jo Sakariyaa̱,
ko̱jo Ananiyaa̱,
42ko̱jo Maasiyaa̱,
ko̱jo Semayiaa̱,
ko̱jo Eleasaa̱,
ko̱jo Usii̱,
ko̱jo Joanaa̱n,
ko̱jo Malkiyaa̱,
ko̱jo Elaa̱n,
ko̱jo Esee̱r.
Kó xota̱ xi siee̱ Israiyaa̱ boá xi ngito̱ko̱o̱ kamá. 43Kó kui ni̱xtjii̱n achichí kjín cho̱ katsꞌénkjiesón, kó kjín kjo̱a̱tjó kiniꞌánkꞌasꞌien, ko̱jo achichí tsjá kamaá, ngatꞌa̱ Néná katsjaá kjo̱a̱tsja, kó ko̱jo ínchjín, ko̱jo jákjíndií xi tsja kamaá nga, kó ngaskande na̱xi̱ńdáꞌniú Jerusale̱n kjin kandaꞌyá kui kjo̱a̱tsjaa̱.
Ni xi kiniꞌánkjién ki̱a̱ na̱ngo̱xi̱i̱ Néná
44Kó kui ni̱xtjin jàn tjín jáxíꞌín xi kachjeꞌéjin, tsi̱ꞌe̱ nga kui xi sa̱ꞌínxá nga skoón to̱o̱n, ko̱jo kjo̱a̱tjoó, ko̱jo ni xi tjón kamáxchaá, ko̱jo nga tie nga úchaán ngayeje nii̱, tsi̱ꞌe̱ nga kui kjo̱a̱ꞌátikó ni xi maxchaá tꞌanangii̱, ko̱jo ni xi sa̱ko̱ó já chináꞌmii̱, ko̱jo xota̱ tji̱e̱e̱ Lebii̱, ngatꞌa̱ xota̱ tji̱e̱e̱ Jundáa̱ achichí tsjá kamaá nga kamábe nga katsꞌénxá já chináꞌmii̱, ko̱jo xota̱ tji̱e̱e̱ Lebii̱. 45Kó kui xotaa̱ katsꞌénkjatjosón xaá Nee̱, kó kamábendikón nga katsꞌéntsjie yojoo̱ xotaa̱. Kó ko̱jo xota̱ xi siee̱, ko̱jo já xí konda nga̱ntjo̱a̱a̱, ti̱ katsꞌénkjatjosón xaá nga, xikó kjiꞌi ni xi atíxoma Ndabii̱, ko̱jo Salomoo̱ ndií kui nda̱a̱, 46ngatꞌa̱ ndeskande ni̱xtjin nga kisꞌijña Ndabii̱, ko̱jo ni̱xtjin nga kisꞌijña Asaa̱f, ndeskande ni̱xtjin xchá jàn, kisꞌiee̱ ngo ngito̱ko̱o̱ xota̱ xi sie só xi kiniꞌántsjaà, ko̱jo nga katsjaá ndokꞌóchjì Néná. 47Kó ni̱xtjin nga kisꞌijña Sorobabee̱l, ko̱jo ni̱xtjin nga kisꞌijña Neemiyaa̱, ngayeje xota̱ Israee̱l katsjaá chií nichinie xota̱ xi siee̱, ko̱jo xota̱ xi konda nga̱ntjo̱a̱a̱, xikó kjiꞌi xi tsoboaá nga ngo nga ngo ni̱xtjin. Kó ꞌniú kamáyàndikón ni je kjitꞌa xo̱jo̱o̱n, kjo̱a̱a̱ xi tsoboaá xota̱ tji̱e̱e̱ Lebii̱, ko̱jo xi tsoboaá xota̱ tji̱e̱e̱ Aaroo̱n.
Currently Selected:
Neemiyaa̱ 12: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
