Neemiyaa̱ 11
11
Xota̱ xi chji̱a̱ni na̱xi̱ńdáꞌniú Jerusale̱n
(1Kr 9:1-34)
1Kó já ngito̱ko̱o̱ na̱xi̱ńdaá, ki̱a̱ kisꞌińdo ki̱a̱ na̱xi̱ńdáꞌniú Jerusale̱n, tji̱e̱nga xota̱ na̱xi̱ńdá xí ngasee̱ ngo kjo̱a̱chꞌáṉcha̱ katsatonni, tsi̱ꞌe̱ nga ngo xki̱ tie xotaa̱, xi ki̱a̱ kꞌuíndo ki̱a̱ na̱xi̱ńdáꞌniú tsjie Jerusalee̱n, kó xi ngi nijaa̱n ki̱a̱ kꞌuíndo ki̱a̱ na̱xi̱ńdáꞌniú xí ngasee̱. 2Kó xota̱ na̱xi̱ńdaá katsꞌénchikonñé ngayeje já xí ngayejee̱ kon nga nga kamámejeén nga ki̱a̱ kijíkꞌíndo ki̱a̱ na̱xi̱ńdáꞌniú Jerusale̱n.
3Ki̱a̱ na̱xi̱ńdáꞌniú xí chji̱a̱ni nangi Jundáa̱, ki̱a̱ kisꞌińdo nga ngo nga ngo nangi xi kasakoo̱, kó ki̱a̱ na̱xi̱ńdáꞌniuú, ki̱a̱ kisꞌińdo xota̱ Israee̱l, ko̱jo já chináꞌmii̱, ko̱jo xota̱ tji̱e̱e̱ Lebii̱, ko̱jo xota̱ xi katsꞌénxá ki̱a̱ na̱ngo̱xi̱i̱, ko̱jo ndií mosoo̱ Salomoo̱. 4Kó ki̱a̱ na̱xi̱ńdáꞌniú Jerusalee̱n tjín xota̱ tji̱e̱e̱ Jundáa̱, ko̱jo xi chji̱a̱ni xota̱ tji̱e̱e̱ Benjaa̱ xi ki̱a̱ kisꞌińdo. Kó kuí bí xota̱ ngito̱ko̱o̱ nangii̱, xi kisꞌińdo ki̱a̱ na̱xi̱ńdáꞌniú Jerusalee̱n: Xi chji̱a̱ni xota̱ tji̱e̱e̱ Jundáa̱, kuí boá xi:
Ataliyaa̱ ndií Usiyaa̱,
kó Usiyaa̱, ndií Sakariyaa̱,
kó Sakariyaa̱, ndií Amariyaa̱,
kó Amariyaa̱, ndií Sefatiyaa̱,
kó Sefatiyaa̱, ndií Maalalee̱l,
kó Maalalee̱l, ndií xota̱ tji̱e̱e̱ Faree̱,
5ko̱jo Maasiyaa̱, ndií Baruu̱k,
kó Baruu̱k, ndií Kolosee̱,
kó Kolosee̱, ndií Asayiaa̱,
kó Asayiaa̱, ndií Andayiaa̱,
kó Andayiaa̱, ndií Joyarii̱b,
kó Joyarii̱b, ndií Sakariyaa̱,
kó Sakariyaa̱, ndií Silonii̱.
6Ngayeje xota̱ tji̱e̱e̱ Faree̱ xi kisꞌińdo ki̱a̱ na̱xi̱ńdáꞌniú Jerusalee̱n, nijón úchán ichítié ko̱jo tjiꞌún ján kamá, ko̱jo jin kamá já xí ꞌniú chꞌokoón.
7Kó kuí bí xi̱ꞌbi̱ xi xota̱ tji̱e̱e̱ Benjaa̱:
Saluu̱, ndií Mesulaa̱n,
kó Mesulaa̱n, ndií Joee̱nd,
kó Joee̱nd, ndií Pendayiaa̱,
kó Pendayiaa̱, ndií Kolayiaa̱,
kó Kolayiaa̱, ndií Maasiyaa̱,
kó Maasiyaa̱, ndií Itiee̱l,
kó Itiee̱l, ndií Jesayiaa̱.
8Kó jaskan kui kisꞌijña Ngabaii̱, ko̱jo na̱xi̱ńdáꞌniú Salaii̱, kó nijan úchán ko̱jo kan jin kamá. 9Kó Joee̱l ndií Sikrii̱, kuí boá xi ngito̱ko̱o̱ na̱xi̱ńdáꞌniuú kamá, kó Jundáa̱ ndií Senuaa̱, kuí boá xi kamá ngito̱ko̱ xi ma joó nga atíxomaa̱ na̱xi̱ńdáꞌniuú.
10Kó já chináꞌmii̱ kuí bí xi̱ꞌbi̱: Jendayiaa̱ ndií Joyarii̱b, ko̱jo Jakii̱n, 11ko̱jo Serayiaa̱, ndií Ilsiyaa̱, kó Ilsiyaa̱, ndií Mesulaa̱n, kó Mesulaa̱n, ndií Sandoo̱k, kó Sandoo̱k, ndií Merayoo̱t, kó Merayoo̱t, ndií Aitoo̱b, kui nda̱ ngito̱ko̱o̱ Ndiꞌaa̱ Néná kamá, 12ko̱jo já ntsꞌi̱e̱ kui nda̱a̱ kui xi katsꞌénxá ki̱a̱ Ndiꞌaa̱ Néná, kó jin úchán ko̱jo kan jó kamá. Ko̱jo Andayiaa̱, ndií Jeroaa̱n, kó Jeroaa̱n, ndií Pelaliyaa̱, kó Pelaliyaa̱, ndií Amsii̱, kó Amsii̱, ndií Sakariyaa̱, kó Sakariyaa̱, ndií Pasuu̱r, kó Pasuu̱r, ndií Malkiyaa̱, 13kó ntsꞌi̱e̱ kui jaá xí ngito̱ko̱o̱ xtín xota̱ ndiꞌa kamá, kó jó úchán ko̱jo yichán jó kamá. Ko̱jo Amasaii̱, ndií Asaree̱l, kó Asaree̱l, ndií Asaii̱, kó Asaii̱, ndií Mesilemoo̱t, kó Mesilemoo̱t, ndií Imee̱r kamá, 14ko̱jo já ntsꞌi̱e̱, kui jaá xí achichí chꞌokon kamá, kó úchán ko̱jo kan jin kamá, kó ngito̱ko̱o̱ kui jaá, Sabndiee̱l boá, ndií Angendolii̱n. 15Kó xi chji̱a̱ni xota̱ tji̱e̱e̱ Lebii̱ kuí bí xi̱ꞌbi̱: Semayiaa̱, ndií Asuu̱b, kó Asuu̱b, ndií Asrikaa̱n, kó Asrikaa̱n, ndií Asabiyaa̱, kó Asabiyaa̱, ndií Bunii̱, 16ko̱jo Sabetai̱, ko̱jo Josaa̱nd, kui xi já ngito̱ko̱o̱ xota̱ tji̱e̱e̱ Lebii̱ kamá, kui xi kamá ngito̱ko̱o̱ xá xí kamá xtji̱e̱e̱n ndi̱tsee̱n Ndiꞌaa̱ Néná, 17ko̱jo Mataniyaa̱, ndií Mikayiaa̱, kó Mikayiaa̱ ndií Sabndii̱, kó Sabndii̱ ndií Asaa̱f, kui xi ngito̱ko̱o̱ xota̱ xi siee̱ kamá, kui xi kisie nga katsjaá ndokꞌóchjì Néná kjiꞌanga kandokjo̱a̱a̱, ko̱jo Bakbukiyaa̱, kui xi ma joó já ntsꞌi̱e̱, ko̱jo Abndaa̱, ndií Samúaa̱, ndií Ngalaa̱l, ndií Jendutuu̱n. 18Ngayeje xota̱ tji̱e̱e̱ Lebii̱ xi chji̱a̱ni ki̱a̱ na̱xi̱ńdáꞌniú tsjiee̱, jó úchán ichítié ko̱jo kantié nijón kamá.
19Kó já xí konda nga̱ntjo̱a̱a̱ na̱xi̱ńdáꞌniuú, kuí boá xi: Akuu̱b, ko̱jo Talmoo̱n, ko̱jo já ntsꞌi̱e̱, kó úchán ichítié ko̱jo kan jó kamá.
20Kó xota̱ Israee̱l xi ngasee̱, ko̱jo já chináꞌmii̱, ko̱jo xota̱ tji̱e̱e̱ Lebii̱, ki̱a̱ kisꞌińdo nga ngo nga ngo nangi xi kasakoo̱ ngayeje na̱xi̱ńdáꞌniú xí chji̱a̱ni Jundáa̱. 21Kó xota̱ xi tsꞌénxá ndiꞌaa̱ Néná ki̱a̱ kisꞌińdo ki̱a̱ na̱xi̱ńdáꞌniú Ofee̱l, kó Siaa̱ ko̱jo Jispaa̱ kuí boá xi ngito̱ko̱o̱ xota̱ xi katsꞌénxá Ndiꞌaa̱ Néná kamá.
22Kó ngito̱ko̱ xi ꞌniú nkꞌa xaá xota̱ tji̱e̱e̱ Lebii̱ xi kisꞌińdo na̱xi̱ńdáꞌniú Jerusalee̱n, kuí boá xi ꞌmí Usii̱, ndií Banii̱, kó Banii̱ ndií Asabiyaa̱, kó Asabiyaa̱, ndií Mataniyaa̱, kó Mataniyaa̱, ndií Mikayiaa̱, kui xi chji̱a̱ni xota̱ tji̱e̱e̱ Asaa̱f, kui xi chji̱a̱ni xota̱ xi sꞌiee̱, kui xi kisꞌijñatjoón xá nga kamánda Ndiꞌaa̱ Néná. 23Kó kisꞌijña ngo kjo̱a̱botíxoma xi katsjá nda̱ ree̱ kjo̱a̱a̱ kui xotaa̱, ko̱jo ti̱ kisꞌie ngo kjo̱a̱botíxoma tsi̱ꞌe̱ xota̱ xi siee̱, kjo̱a̱a̱ ni xi sa̱ꞌín ndyiojón ndyiojón.
24Kó Petayiaa̱, ndií Mesesabee̱l, xi chji̱a̱ni xota̱ tji̱e̱e̱ Seraa̱, ndií Jundáa̱, kuí boá xi ngajoo̱ nda̱ ree̱ kisꞌijña kjo̱a̱a̱ ngayeje ni xi chji̱a̱ni na̱xi̱ńdaá.
Ngi̱ndie nínga kisꞌińdo xotaa̱ xtji̱e̱e̱n ndi̱tsee̱n na̱xi̱ńdáꞌniú Jerusalee̱n
25Kó kjo̱a̱a̱ ndí nangi ko̱jo tꞌanangi xi kisꞌińdotꞌaa̱ nga ngo foaꞌatjiyajoo̱n, kjín xota̱ tji̱e̱e̱ Jundáa̱ xi kisꞌińdo ki̱a̱:
Na̱xi̱ńdáꞌniú Kiriaa̱t-Arba̱ ko̱jo ndí nangií,
ko̱jo ki̱a̱ na̱xi̱ńdáꞌniú Ndiboo̱n ko̱jo ndí nangii̱,
ko̱jo ki̱a̱ na̱xi̱ńdáꞌniú Jekabsee̱l ko̱jo ndí nangii̱,
26ko̱jo na̱xi̱ńdáꞌniú Jesuaa̱,
ko̱jo na̱xi̱ńdáꞌniú Molandaa̱,
ko̱jo na̱xi̱ńdáꞌniú Bee̱t-Pelee̱t,
27ko̱jo na̱xi̱ńdáꞌniú Jasaa̱r-Suaa̱l,
ko̱jo na̱xi̱ńdáꞌniú Beersebaa̱ ko̱jo ndí nangi xi chji̱a̱ni,
28ko̱jo na̱xi̱ńdáꞌniú Siklaa̱j,
ko̱jo na̱xi̱ńdáꞌniú Mekonaa̱, ko̱jo ndí nangi xi chji̱a̱ni,
29ko̱jo na̱xi̱ńdáꞌniú Ee̱n-Rimoo̱n,
ko̱jo na̱xi̱ńdáꞌniú Soraa̱,
ko̱jo na̱xi̱ńdáꞌniú Jarmuu̱t,
30ko̱jo na̱xi̱ńdáꞌniú Sanoaa̱,
ko̱jo na̱xi̱ńdáꞌniú Andulaa̱n ko̱jo ndí nangi xi chji̱a̱ni,
ko̱jo na̱xi̱ńdáꞌniú Lakii̱ ko̱jo kꞌijñá xí tjiín,
ko̱jo na̱xi̱ńdáꞌniú Asekaa̱ ko̱jo ndí nangi xi chji̱a̱ni.
Kó ki̱a̱ kisꞌińdo ndeskande na̱xi̱ńdáꞌniú Beersebaa̱, ngaskande nangi soón Inoo̱n. 31Kó xota̱ tji̱e̱e̱ Benjaa̱ ki̱a̱ kisꞌińdo ndeskande ki̱a̱:
Na̱xi̱ńdáꞌniú Ngebaa̱,
ko̱jo na̱xi̱ńdáꞌniú Mikmaa̱,
ko̱jo na̱xi̱ńdáꞌniú Aii̱,
ko̱jo na̱xi̱ńdáꞌniú Betee̱l ko̱jo ndí nangi xi chji̱a̱ni.
32Ti̱ tjín xí kisꞌińdo kui ngi̱ndiee̱ nga:
Na̱xi̱ńdáꞌniú Anatoo̱t,
ko̱jo na̱xi̱ńdáꞌniú Noo̱b,
ko̱jo na̱xi̱ńdáꞌniú Ananiyaa̱,
33ko̱jo na̱xi̱ńdáꞌniú Asoo̱r,
ko̱jo na̱xi̱ńdáꞌniú Ramaa̱,
ko̱jo na̱xi̱ńdáꞌniú Ngitaii̱n,
34ko̱jo na̱xi̱ńdáꞌniú Andii̱nd,
ko̱jo na̱xi̱ńdáꞌniú Seboii̱n,
ko̱jo na̱xi̱ńdáꞌniú Nebalaa̱t,
35ko̱jo na̱xi̱ńdáꞌniú Loo̱nd,
ko̱jo na̱xi̱ńdáꞌniú Onoo̱, kui nangi són nínga tjín xota̱ xi tsꞌénda ni tsjakoo̱n.
36Kó tjín xota̱ tji̱e̱e̱ Lebii̱ xi ki̱a̱ kisꞌińdo xtji̱e̱e̱n nangi Jundáa̱, ko̱jo kje̱ꞌe xí kisꞌińdo xtji̱e̱e̱n nangii̱ xota̱ tji̱e̱e̱ Benjaa̱.
Currently Selected:
Neemiyaa̱ 11: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
