Neemiyaa̱ 10
10
1Kó kui xi íjñaá chi̱bo̱a̱ tsja kui xo̱jo̱o̱n, nda̱ xtitjón Neemiyaa̱ ndií Akaliyaa̱, ko̱jo kui jáchináꞌmi xi̱ꞌbi̱:
Sendekiyaa̱,
2ko̱jo Serayiaa̱,
ko̱jo Asariyaa̱,
ko̱jo Jeremiyaa̱,
3ko̱jo Pasuu̱r,
ko̱jo Amariyaa̱,
ko̱jo Malkiyaa̱,
4ko̱jo Atuu̱,
ko̱jo Sebaniyaa̱,
ko̱jo Maluu̱k,
5ko̱jo Arii̱n,
ko̱jo Meremoo̱t,
ko̱jo Obandiyaa̱,
6ko̱jo Ndanii̱,
ko̱jo Ngibetoo̱n,
ko̱jo Baruu̱k,
7ko̱jo Mesulaa̱n,
ko̱jo Abiyaa̱,
ko̱jo Mijamii̱n,
8ko̱jo Maasiyaa̱,
ko̱jo Bilngai̱,
ko̱jo Semayiaa̱.
9Ko̱jo kui já xí chji̱a̱ni xota̱ tji̱e̱e̱ Lebii̱, kui xi̱ꞌbi̱:
Jesuaa̱ ndií Asaniyaa̱,
ko̱jo Binuii̱ xi xota̱ tji̱e̱e̱ Enandaa̱nd,
ko̱jo Kandmiee̱l,
10ko̱jo ntsꞌi̱e̱ kui nda̱a̱ xi ꞌmí Sebaniyaa̱,
ko̱jo Ondiyaa̱,
ko̱jo Kelitaa̱,
ko̱jo Pelayiaa̱,
ko̱jo Anaa̱n,
11ko̱jo Mikayiaa̱,
ko̱jo Rejoo̱b,
ko̱jo Asabiyaa̱,
12ko̱jo Sakuu̱r,
ko̱jo Serebiyaa̱,
ko̱jo Sebaniyaa̱,
13ko̱jo Ondiyaa̱,
ko̱jo Banii̱,
ko̱jo Beninuu̱.
14Kó já ngito̱ko̱o̱ na̱xi̱ńdaá, kuí bí xi̱ꞌbi̱:
Paroo̱,
ko̱jo Paa̱t-Moaa̱b,
ko̱jo Elaa̱n,
ko̱jo Satuu̱,
ko̱jo Banii̱,
15ko̱jo Bunii̱,
ko̱jo Asngaa̱nd,
ko̱jo Bebaii̱,
16ko̱jo Andoniyaa̱,
ko̱jo Bijbaii̱,
ko̱jo Andii̱n,
17ko̱jo Atee̱r,
ko̱jo Esekiyaa̱,
ko̱jo Asoo̱r,
18ko̱jo Ondiyaa̱,
ko̱jo Asoo̱n,
ko̱jo Besaii̱,
19ko̱jo Arii̱f,
ko̱jo Anatoo̱t,
ko̱jo Nebaii̱,
20ko̱jo Majpiyaa̱,
ko̱jo Mesulaa̱n,
ko̱jo Esii̱r,
21ko̱jo Mesesabee̱l,
ko̱jo Sandoo̱k,
ko̱jo Janduaa̱,
22ko̱jo Pelatiyaa̱,
ko̱jo Anaa̱n,
ko̱jo Anaiyaa̱,
23ko̱jo Oseaa̱,
ko̱jo Ananiyaa̱,
ko̱jo Asuu̱b,
24ko̱jo Aloee̱,
ko̱jo Pilaa̱,
ko̱jo Sobee̱k,
25ko̱jo Reuu̱n,
ko̱jo Asabnaa̱,
ko̱jo Maasiyaa̱,
26ko̱jo Ayiaa̱,
ko̱jo Janaa̱n,
ko̱jo na̱ Anaa̱n,
27ko̱jo Maluu̱k,
ko̱jo Arii̱n,
ko̱jo Baanaa̱.
Nga katsjá tsꞌoa xota̱ na̱xi̱ńdaá
28Kó xota̱ na̱xi̱ńdá xí ngasee̱, ko̱jo já chináꞌmii̱, ko̱jo xota̱ tji̱e̱e̱ Lebii̱, ko̱jo já xí konda nga̱ntjo̱a̱a̱, ko̱jo xota̱ xi siee̱, ko̱jo xota̱ xi katsꞌénxá Ndiꞌaa̱ Néná, ko̱jo ngayeje xota̱ xi jaꞌáxíntꞌaa̱ yojoo̱ xota̱ xi chji̱a̱ni kje̱ꞌe nangii̱, kó ki̱a̱ kijítji̱ngi Kjo̱a̱kitii̱ Néná, kui ko̱jo ínchjiín, ko̱jo ndí xíꞌiín, ko̱jo ndí xí ínchjín, ngayeje xota̱ xi kisꞌiee̱ kjo̱a̱kjínkón, ko̱jo xi kamákjiín ni xi katsꞌeén, 29katsꞌéngojo̱ yojoo̱ kui ko̱jo já ntsꞌi̱e̱, ko̱jo xota̱ xi ngito̱ko̱o̱, kó índa nga katsjátsꞌoá nga ja̱koxi̱ nga ki̱a̱ ko̱e̱je̱tji̱ngi Kjo̱a̱kitii̱ Néná, kui xi katsjá Moisee̱, nda̱ mosoo̱ Néná, ko̱jo nga sa̱ꞌínkjatjosón ngayeje kjo̱a̱botíxomaa̱, ko̱jo kjo̱a̱kitii̱ Néná, kui xi Ndi̱a̱ná.
30Kó ngayejejne̱ nga katseꞌéjne̱ ndso̱ꞌbajne̱ nga ka̱májín si̱ꞌanjne̱ kui nii̱:
Ka̱májín ko̱e̱ꞌéjne̱ ndí xí ínchjínjne̱, kui xota̱ xi síndo kui ngi̱ndiee̱, ti̱nde ka̱májín ndí xíꞌínjne̱ ku̱i̱xanjo̱ ndí xí ínchjiín kui xotaa̱.
31Ko̱jo nga ka̱májín tsi nga ni̱xtjin ndikón si̱ꞌa̱ntsiejne̱ ni, xotaa̱ na̱xi̱ńdá xí síndo kuí tꞌanangii̱, xi ko̱tíñá ni ko̱jo nichinie xi maxchá jno̱o̱, ko̱jo ngayeje to̱ko̱ya ni xi botíñá nga ni̱xtjin ndikón, ko̱jo tsi nga ni̱xtjin xi tsjiee̱.
Xki̱ yito nó ko̱e̱ꞌéndièjne̱ nga sa̱ꞌínkjaꞌyá tꞌanangii̱, ko̱jo nga si̱ꞌanjetakónjne̱ ngayeje xi to̱njne̱ tjitjieén.
32Kó ti̱ ikꞌíniéjne̱ yojojne̱ ngo kjo̱a̱ꞌniú nga xki̱ nó, ko̱e̱ꞌéjne̱ ngo nga ján tjiín to̱n xi machjítjéni nii̱, tsi̱ꞌe̱ xá xí chjiéngá si̱ꞌan ki̱a̱ Ndiꞌaa̱ Néná. 33Kó kui to̱o̱n xi chjiéngá si̱ꞌantsieni pan xi niꞌánkꞌasꞌiee̱n Néná, ko̱jo chji̱e̱ xi niꞌánkꞌasꞌien ngatsjéni̱xtjii̱n, ko̱jo kjo̱a̱tjó xi niꞌánkꞌasꞌien nga ni̱xtjin ndikoón, ko̱jo nga niꞌán sꞌué nga chjindié saá, ko̱jo kjo̱a̱a̱ ngayeje ni xi niꞌánkꞌasꞌien, tsi̱ꞌe̱ nga niꞌánjetakón jeé xota̱ na̱xi̱ńdá Israee̱l, ko̱jo tsi̱ꞌe̱ ngayeje xá xí niꞌán ki̱a̱ Ndiꞌaa̱ Néná.
34Kó já chináꞌmii̱, ko̱jo xota̱ tji̱e̱e̱ Lebii̱, ko̱jo xota̱ na̱xi̱ńdaá ngo kjo̱a̱chꞌáṉcha̱ katsatonni, tsi̱ꞌe̱ nga kjo̱a̱ꞌátikó chikín xí si̱ꞌankjién nga kꞌuití kjo̱a̱tjoó, tsi̱ꞌe̱ nga kjo̱chójo̱ Ndiꞌaa̱ Néná, xki̱ xtín xota̱ ndiꞌa, ko̱jo xki̱ nó xki̱ nó, tsi̱ꞌe̱ nga ku̱i̱ꞌítí kjo̱a̱tjoó, ki̱a̱ nga̱soón ṉchandikoón Néná, xikótsꞌèn kjitꞌa Kjo̱a̱kitii̱.
35Ko̱jo nga xki̱ nó xki̱ nó, kji̱ndi̱bájo̱jne̱ ki̱a̱ Ndiꞌaa̱ Néná ni xi tjón kamáxchaá tꞌanangijne̱, ko̱jo to xi tjón kamáxchaá ngayeje yaá.
36Kó ndí tjoón ndíjne̱, ko̱jo ndí tjoón cho̱ tjiéjne̱, xikótsꞌèn kjitꞌa Kjo̱a̱kitii̱, ko̱jo ndí tjoón cho̱yojojne̱, ko̱jo cho̱tsa̱nga̱jne̱, ki̱a̱ kongínko̱kójne̱ kui já chináꞌmi xi tsꞌénxá ki̱a̱ Ndiꞌaa̱ Néná.
37Ko̱jo ikꞌíndajne̱ nga kongínjo̱jne̱ ni xi tjón xi chja̱ꞌáꞌyájne̱, ko̱jo chji̱e̱ xi ko̱e̱ꞌéjne̱, ko̱jo to xi ka̱maxchaá ngayeje yaá, ko̱jo bino̱ xi tja̱tsi̱e̱e̱, ko̱jo istii̱, tsi̱ꞌe̱ já chináꞌmii̱, ki̱a̱ ngi̱yaꞌmaa̱ Ndiꞌaa̱ Néná.
Kó si̱ꞌankꞌasꞌienjne̱ xota̱ tji̱e̱e̱ Lebii̱, tie nga úchaán ni xi tsja tꞌanangijne̱, ngatꞌa̱ xota̱ tji̱e̱e̱ Lebii̱ niꞌánkꞌasꞌiee̱n tie nga úchaán ni xi niꞌánjne̱, ngayeje na̱xi̱ńdáꞌniú nínga niꞌánxájne̱.
38Kó ngo chináꞌmi xi xota̱ tji̱e̱e̱ Aaroo̱n kꞌuijñá kjiꞌanga si̱ꞌankꞌasꞌiee̱n tie nga úchaán nii̱ xota̱ tji̱e̱e̱ Lebii̱, kó xota̱ tji̱e̱e̱ Lebii̱ sa̱ꞌinkꞌasꞌien kui, tie nga úchaán, kui ni xi tie nga úchaán xi si̱ꞌankꞌasꞌiee̱n kui ki̱a̱ Ndiꞌaa̱ Néná, ki̱a̱ ngi̱yaꞌma, nínga tikón kjo̱a̱cho̱o̱n.
39Ngatꞌa̱ xota̱ Israee̱l, ko̱jo xota̱ tji̱e̱e̱ Lebii̱, kuí boá xi ko̱e̱je̱jo kui chji̱e̱ xi to ndso̱ko̱a̱n ṉño̱pan, ko̱jo bino̱ tja̱tsi̱e̱e̱, ko̱jo istii̱, ki̱a̱ ngi̱yaꞌma nínga chjaꞌátjó ni xi niꞌánkjién ki̱a̱ Ndiꞌaa̱ Néná, ko̱jo ki̱a̱ kꞌuíndo já chináꞌmi xi ndyi̱tsꞌèn xaá, ko̱jo já xí konda nga̱ntjo̱a̱a̱, ko̱jo já xí siee̱.
Kó katseꞌéjne̱ ndso̱ꞌbajne̱ nga jmíni̱xtjin kꞌuijñámasienjne̱ Ndiꞌaa̱ Néná.
Currently Selected:
Neemiyaa̱ 10: MAIX
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
