Josuee̱ 19
19
Tꞌanangi xi kasakoo̱ xota̱ tji̱e̱e̱ Simeoo̱n
1Xi ma joó tꞌanangi xi kamákabi nga kiniꞌán kui kjo̱a̱chꞌáṉchaa̱, xota̱ tji̱e̱e̱ Simeoo̱n katsoboaá nga xki̱ xtín xota̱ ndiꞌa, kó tꞌanangi xi kasakoo̱ kui, ki̱a̱ kisꞌijña ngi̱jii̱n tꞌanangii̱ xota̱ tji̱e̱e̱ Jundáa̱. 2Kó kuí boá xi kasakoo̱ kui na̱xi̱ńdáꞌniú: Na̱xi̱ńdáꞌniú Beersebaa̱, ko̱jo na̱xi̱ńdáꞌniú Molandaa̱, ko̱jo na̱xi̱ńdáꞌniú Sebaa̱, 3ko̱jo na̱xi̱ńdáꞌniú Jasaa̱r-Suaa̱l, ko̱jo na̱xi̱ńdáꞌniú Balaa̱, ko̱jo na̱xi̱ńdáꞌniú Esee̱n 4ko̱jo na̱xi̱ńdáꞌniú Eltolaa̱nd, ko̱jo na̱xi̱ńdáꞌniú Betuu̱l, ko̱jo na̱xi̱ńdáꞌniú Jormaa̱, 5ko̱jo na̱xi̱ńdáꞌniú Siklaa̱j, ko̱jo na̱xi̱ńdáꞌniú Bee̱t-Markaboo̱t, ko̱jo na̱xi̱ńdáꞌniú Jasaa̱r-Susa̱, 6ko̱jo na̱xi̱ńdáꞌniú Bee̱t-Lebaoo̱t, ko̱jo na̱xi̱ńdáꞌniú Saruee̱n. Tie ján na̱xi̱ńdáꞌniú má ngayejee̱ ko̱jo ndí nangi xi chji̱a̱ni.
7Kó ti̱ kasakoo̱ ngi nijón na̱xi̱ńdáꞌniú, kó kuí bí xi̱ꞌbi̱: Na̱xi̱ńdáꞌniú Aii̱n, ko̱jo na̱xi̱ńdáꞌniú Ee̱n-Rimoo̱n, ko̱jo na̱xi̱ńdáꞌniú Etee̱r, ko̱jo na̱xi̱ńdáꞌniú Asaa̱n ko̱jo ndí nangi xi chji̱a̱ni. 8Kó ngayeje kui ndí nangií ki̱a̱ kisꞌińdo nga ngo foaꞌatjiyajoo̱n na̱xi̱ńdáꞌniuú ngaskande Baalaa̱-Bee̱r, kui xi Ramaa̱ kiꞌmí xi tikón ki̱a̱ nangi Nengee̱b. Kuí boá tꞌanangi xi kasakoo̱ xota̱ tji̱e̱e̱ Simeoo̱n, nga xki̱ xtín xota̱ ndiꞌa. 9Kó kui tꞌanangi xi kasakoo̱ xota̱ tji̱e̱e̱ Jundáa̱, ki̱a̱ kachjábéní tꞌanangi xi katseꞌeé xota̱ tji̱e̱e̱ Simeoo̱n, ngatꞌa̱ achichí tsie kamá kui tꞌanangi xi kasakoo̱ xota̱ tji̱e̱e̱ Jundáa̱. Kó bo̱a̱ tsꞌén nga xota̱ tji̱e̱e̱ Simeoo̱n, kasakoo̱ nangi ngi̱jii̱n tꞌanangii̱ xota̱ tji̱e̱e̱ Jundáa̱.
Tꞌanangi xi kasakoo̱ xota̱ tji̱e̱e̱ Sabuloo̱n
10Xi ma jaán tꞌanangi xi kamákabi nga kiniꞌán kui kjo̱a̱chꞌáṉchaa̱, xota̱ tji̱e̱e̱ Sabuloo̱n katsoboaá nga xki̱ xtín xota̱ ndiꞌa, kó tꞌanangi xi kasakoo̱ kui, ki̱a̱ jachó ngaskande na̱xi̱ńdáꞌniú Sarii̱nd. 11Ki̱a̱ xtji̱e̱e̱n nínga ꞌbosꞌien tsꞌueé, tsindioó jachó ngaskande nínga fínijíngií na̱xi̱ńdáꞌniú Maralaa̱, kó ki̱a̱ jachó ngaskande na̱xi̱ńdáꞌniú Ndabesee̱t, kósꞌe̱ ki̱a̱ jachó nginí ngaskande xo̱ngàndántꞌié xi tikón kje̱n na̱xi̱ńdáꞌniú Jokneaa̱n. 12Sꞌe̱ ki̱a̱ na̱xi̱ńdáꞌniú Sarii̱nd kijí nginí xtji̱e̱e̱n nínga fotjo tsꞌueé, ki̱a̱ tꞌa tsindioó na̱xi̱ńdáꞌniú Kisloo̱t-Taboo̱r, kó ki̱a̱ jatjo nginí ki̱a̱ na̱xi̱ńdáꞌniú Ndaberaa̱t, kósꞌe̱ fínijíngí nginí xtji̱e̱e̱n na̱xi̱ńdáꞌniú Jafíaa̱. 13Kósꞌe̱ jaꞌa xtji̱e̱e̱n nínga fotjo tsꞌueé, kó fochó xtji̱e̱e̱n na̱xi̱ńdáꞌniú Ngaa̱t-Éfee̱r, ngaskande na̱xi̱ńdáꞌniú Itaa̱-Kasíi̱n, sꞌe̱ fí ngase xtji̱e̱e̱n na̱xi̱ńdáꞌniú Rimoo̱n nga foaꞌatjiyajoo̱n na̱xi̱ńdáꞌniú Neaa̱. 14Sꞌe̱ kui tsindioó ti̱ kijí nginí ta̱ꞌin, xtji̱e̱e̱n na̱xi̱ńdáꞌniú Anatòo̱n, kó ki̱a̱ jatjo ngaskande nangi són xi chji̱a̱ni na̱xi̱ńdáꞌniú Jeftee̱-Ee̱l, 15nínga síndo na̱xi̱ńdáꞌniú Kataa̱t, ko̱jo na̱xi̱ńdáꞌniú Naalaa̱l, ko̱jo na̱xi̱ńdáꞌniú Simroo̱n, ko̱jo na̱xi̱ńdáꞌniú Indalaa̱, ko̱jo na̱xi̱ńdáꞌniú Belee̱n. Tiejó na̱xi̱ńdáꞌniú má ngayejee̱, ko̱jo ndí nangi xi chji̱a̱ni. 16Bo̱a̱ kjiꞌi tꞌanangi xi kasakoo̱ xota̱ tji̱e̱e̱ Sabuloo̱n nga xki̱ xtín xota̱ ndiꞌa. Kuí boá kui na̱xi̱ńdáꞌniú, ko̱jo ndí nangi xi chji̱a̱ni, xi tsi̱ꞌe̱ kamá.
Tꞌanangi xi kasakoo̱ xota̱ tji̱e̱e̱ Isakaa̱r
17Xi ma nijoón tꞌanangi xi kamákabi nga kiniꞌán kui kjo̱a̱chꞌáṉchaa̱, xota̱ tji̱e̱e̱ Isakaa̱r katsoboaá nga xki̱ xtín xota̱ ndiꞌa. 18Kó tꞌanangi xi kasakoo̱ kui, ki̱a̱ jachó ngaskande na̱xi̱ńdáꞌniú Jesree̱l, ko̱jo na̱xi̱ńdáꞌniú Kesuloo̱t, ko̱jo na̱xi̱ńdáꞌniú Sunee̱n, 19ko̱jo na̱xi̱ńdáꞌniú Afaraii̱n, ko̱jo na̱xi̱ńdáꞌniú Sijoo̱n, ko̱jo na̱xi̱ńdáꞌniú Anaaraa̱t, 20ko̱jo na̱xi̱ńdáꞌniú Rabii̱t, ko̱jo na̱xi̱ńdáꞌniú Kisioo̱n, ko̱jo na̱xi̱ńdáꞌniú Ebee̱, 21ko̱jo na̱xi̱ńdáꞌniú Rémee̱t, ko̱jo na̱xi̱ńdáꞌniú Ee̱n-Nganii̱n, ko̱jo na̱xi̱ńdáꞌniú Ee̱n-Andaa̱, ko̱jo na̱xi̱ńdáꞌniú Bee̱t-Pasee̱. 22Kó tsindioó ki̱a̱ jachó ngaskande na̱xi̱ Taboo̱r, ko̱jo xtji̱e̱e̱n na̱xi̱ńdáꞌniú Saasimaa̱ ko̱jo na̱xi̱ńdáꞌniú Bee̱t-Semee̱, sꞌe̱ ki̱a̱ jetꞌani ngaskande ndejèꞌ Jorndaa̱n: Tienijón na̱xi̱ńdáꞌniú má ngayejee̱, ko̱jo ndí nangi xi chji̱a̱ni. 23Bo̱a̱ kjiꞌi tꞌanangi xi kasakoo̱ xota̱ tji̱e̱e̱ Isakaa̱r nga xki̱ xtín xota̱ ndiꞌa. Kuí boá kui na̱xi̱ńdáꞌniú, ko̱jo ndí nangi xi chji̱a̱ni, xi tsi̱ꞌe̱ kamá.
Tꞌanangi xi kasakoo̱ xota̱ tji̱e̱e̱ Asee̱r
24Xi ma uún tꞌanangi xi kamákabi nga kiniꞌán kui kjo̱a̱chꞌáṉchaa̱, xota̱ tji̱e̱e̱ Asee̱r katsoboaá nga xki̱ xtín xota̱ ndiꞌa. 25Kó tꞌanangii̱ ki̱a̱ jachó tsindioó ndeskande na̱xi̱ńdáꞌniú Elkaa̱t, ko̱jo na̱xi̱ńdáꞌniú Alii̱, ko̱jo na̱xi̱ńdáꞌniú Betee̱n, ko̱jo na̱xi̱ńdáꞌniú Aksaa̱f, 26ko̱jo na̱xi̱ńdáꞌniú Alamelee̱k, ko̱jo na̱xi̱ńdáꞌniú Amaa̱nd, ko̱jo na̱xi̱ńdáꞌniú Miseaa̱l. Kó tsindioó ki̱a̱ jachó ngaskande xtji̱e̱e̱n nínga ꞌbosꞌien tsꞌueé Na̱xi̱ Karmeloo̱, ko̱jo na̱xi̱ńdáꞌniú Sijoo̱r-Libnaa̱. 27Sꞌe̱ ki̱a̱ jaꞌatjiya xtji̱e̱e̱n nínga fotjo tsꞌueé, ngaskande na̱xi̱ńdáꞌniú Bee̱t-Ndangoo̱n, kó ki̱a̱ jachó tꞌanangi xi chji̱a̱ni xota̱ tji̱e̱e̱ Sabuloo̱n, ko̱jo nangi són xi chji̱a̱ni na̱xi̱ńdáꞌniú Jeftaa̱-Ee̱l, kó nga xtji̱e̱e̱n ta̱ꞌin, ki̱a̱ fochó ngaskande xtji̱e̱e̱n na̱xi̱ńdáꞌniú Bee̱t-Émee̱k, ko̱jo na̱xi̱ńdáꞌniú Neiyee̱l. Jaskan ki̱a̱ jatjokjà xtji̱e̱e̱n na̱xi̱ńdáꞌniú Kabuu̱l ki̱a̱ nínga ta̱ꞌii̱n, 28ko̱jo na̱xi̱ńdáꞌniú Abndoo̱n, ko̱jo na̱xi̱ńdáꞌniú Rejoo̱b, ko̱jo na̱xi̱ńdáꞌniú Amoo̱n, ko̱jo na̱xi̱ńdáꞌniú Kanaa̱, ngaskande ki̱a̱ na̱xi̱ńdáꞌniú Sindoo̱n. 29Kósꞌe̱ kui tsindioó ki̱a̱ jaꞌatjiyani xtji̱e̱e̱n na̱xi̱ńdáꞌniú Ramaa̱, ngaskande nga jachó nínga síndo ngaꞌniuú na̱xi̱ńdáꞌniú Tiroo̱, kósꞌe̱ ki̱a̱ jaꞌatjiya nginí xtji̱e̱e̱n na̱xi̱ńdáꞌniú Osaa̱, kó ki̱a̱ jachó xtji̱e̱e̱n Ndáchíkón Menditerráneoo̱ nga jaꞌa na̱xi̱ńdáꞌniú Aksii̱b, 30ko̱jo na̱xi̱ńdáꞌniú Umaa̱, ko̱jo na̱xi̱ńdáꞌniú Afee̱k, ko̱jo na̱xi̱ńdáꞌniú Rejoo̱b: Kan jó na̱xi̱ńdáꞌniú má ngayejee̱, ko̱jo ndí nangi xi chji̱a̱ni. 31Bo̱a̱ kjiꞌi tꞌanangi xi kasakoo̱ xota̱ tji̱e̱e̱ Asee̱r, nga xki̱ xtín xota̱ ndiꞌa. Kuí boá kui na̱xi̱ńdáꞌniuú, ko̱jo ndí nangi xi chji̱a̱ni, xi tsi̱ꞌe̱ kamá.
Tꞌanangi xi kasakoo̱ xota̱ tji̱e̱e̱ Neftalii̱
32Xi ma juu̱n tꞌanangi xi kamákabi nga kiniꞌán kui kjo̱a̱chꞌáṉchaa̱, xota̱ tji̱e̱e̱ Neftalii̱ katsoboaá nga xki̱ xtín xota̱ ndiꞌa. 33Kó tꞌanangii̱ ki̱a̱ jachó tsindioó ndeskande na̱xi̱ńdáꞌniú Jelee̱f, ko̱jo na̱xi̱ńdáꞌniú Eloo̱n-Saanamii̱n, ko̱jo na̱xi̱ńdáꞌniú Andamíi̱-Nékee̱b, ko̱jo na̱xi̱ńdáꞌniú Jabnee̱l, ngaskande na̱xi̱ńdáꞌniú Lakuu̱n, kó ki̱a̱ jachó ngaskande ndejèꞌ Jorndaa̱n. 34Kó kui tsindioó jaꞌatjiya nginí xtji̱e̱e̱n nínga ꞌbosꞌien tsꞌueé, ngaskande na̱xi̱ńdáꞌniú Asnoo̱t-Taboo̱r, kósꞌe̱ ki̱a̱ kijí ngase, ngaskande na̱xi̱ńdáꞌniú Jukoo̱k, kó jachótꞌaa̱ nga xtji̱e̱e̱n na̱ngi tsindioó xota̱ tji̱e̱e̱ Sabuloo̱n, kó xtji̱e̱e̱n nínga ꞌbosꞌien tsꞌueé, ki̱a̱ jachótꞌaa̱ tsindioó xota̱ tji̱e̱e̱ Asee̱r, ko̱jo tsi̱ꞌe̱ Jundáa̱ ki̱a̱ tꞌa ndejèꞌ Jorndaa̱n, xtji̱e̱e̱n nínga fotjo tsꞌueé. 35Kó na̱xi̱ńdáꞌniú nínga síndo ngaꞌniuú kuí bí xi̱ꞌbi̱: Na̱xi̱ńdáꞌniú Sindii̱n, ko̱jo na̱xi̱ńdáꞌniú See̱r, ko̱jo na̱xi̱ńdáꞌniú Amaa̱t, ko̱jo na̱xi̱ńdáꞌniú Rakaa̱t, ko̱jo na̱xi̱ńdáꞌniú Kineree̱t, 36ko̱jo na̱xi̱ńdáꞌniú Andamàa̱, ko̱jo na̱xi̱ńdáꞌniú Ramaa̱, ko̱jo na̱xi̱ńdáꞌniú Asoo̱r, 37ko̱jo na̱xi̱ńdáꞌniú Kendee̱, ko̱jo na̱xi̱ńdáꞌniú Endreii̱, ko̱jo na̱xi̱ńdáꞌniú Ee̱n-Asoo̱r, 38ko̱jo na̱xi̱ńdáꞌniú Iróo̱n, ko̱jo na̱xi̱ńdáꞌniú Mingndaa̱l-Ee̱l, ko̱jo na̱xi̱ńdáꞌniú Oree̱n, ko̱jo na̱xi̱ńdáꞌniú Bee̱t-Anaa̱t, ko̱jo na̱xi̱ńdáꞌniú Bee̱t-Semee̱: Tjiꞌún nijón na̱xi̱ńdáꞌniú má ngayejee̱, ko̱jo ndí nangi xi chji̱a̱ni. 39Bo̱a̱ kjiꞌi tꞌanangi xi kasakoo̱ xota̱ tji̱e̱e̱ Neftalii̱, nga xki̱ xtín xota̱ ndiꞌa. Kuí boá kui na̱xi̱ńdáꞌniuú, ko̱jo ndí nangi xi chji̱a̱ni, xi tsi̱ꞌe̱ kamá.
Tꞌanangi xi kasakoo̱ xota̱ tji̱e̱e̱ Ndaa̱n
40Xi ma yitoo̱ tꞌanangi xi kamákabi nga kiniꞌán kui kjo̱a̱chꞌáṉchaa̱, xota̱ tji̱e̱e̱ Ndaa̱n katsoboaá nga xki̱ xtín xota̱ ndiꞌa. 41Kó tꞌanangii̱ kui boá xi na̱xi̱ńdáꞌniú Soraa̱, ko̱jo na̱xi̱ńdáꞌniú Estaoo̱l, ko̱jo na̱xi̱ńdáꞌniú Ii̱r-Semee̱, 42ko̱jo na̱xi̱ńdáꞌniú Saalbii̱n, ko̱jo na̱xi̱ńdáꞌniú Ayaloo̱n, ko̱jo na̱xi̱ńdáꞌniú Jetlaa̱, 43ko̱jo na̱xi̱ńdáꞌniú Eloo̱n, ko̱jo na̱xi̱ńdáꞌniú Timnaa̱t, ko̱jo na̱xi̱ńdáꞌniú Ekroo̱n, 44ko̱jo na̱xi̱ńdáꞌniú Eltekee̱, ko̱jo na̱xi̱ńdáꞌniú Ngibetoo̱n, ko̱jo na̱xi̱ńdáꞌniú Baalaa̱t, 45ko̱jo na̱xi̱ńdáꞌniú Jeuu̱nd, ko̱jo na̱xi̱ńdáꞌniú Benee̱-Beraa̱, ko̱jo na̱xi̱ńdáꞌniú Ngaa̱t-Rimoo̱n, 46ko̱jo na̱xi̱ńdáꞌniú Mejarkoo̱n, ko̱jo na̱xi̱ńdáꞌniú Rakoo̱n, ko̱jo kui nangi xi tikón kje̱n na̱xi̱ńdáꞌniú Jope̱. 47Ta̱nga tsindioó xota̱ tji̱e̱e̱ Ndaa̱n kamá tsie ngase, ngatꞌa̱ kijínijíngí, kó askjanjo̱ xota̱ xi chji̱a̱ni na̱xi̱ńdáꞌniú Lesee̱n, kó katsꞌéntsi̱ꞌe̱ kui ngi̱ndiee̱, ngatꞌa̱ ki̱cha̱ndojó katsꞌénkjiesónni xota̱a̱, jaskan ki̱a̱ kisꞌińdo ngijee̱. Kó kui na̱xi̱ńdáꞌniú Lesee̱n, Ndaa̱n ítꞌajaꞌén, ngatꞌa̱ bo̱a̱ kiꞌmí xota̱ xi xchaá. 48Bo̱a̱ kjiꞌi tꞌanangi xi kasakoo̱ xota̱ tji̱e̱e̱ Ndaa̱n, nga xki̱ xtín xota̱ ndiꞌa. Kuí boá kui na̱xi̱ńdáꞌniuú, ko̱jo ndí nangi xi chji̱a̱ni, xi tsi̱ꞌe̱ kamá.
Tꞌanangi xi kasakoo̱ xota̱ tji̱e̱e̱ Josuee̱
49Kjiꞌanga je kamaá nga katsꞌénkabisón tꞌanangii̱, xota̱ Israee̱l katsjaá ngo tjín tꞌanangi Josuee̱ ndií Nuu̱n, ki̱a̱ ngi̱jii̱n tꞌanangi xi tsi̱ꞌe̱. 50Xikó má katsó Néná, bo̱a̱ má kamá, kó Josuee̱ katseꞌeé na̱xi̱ńdáꞌniú xí kui tsíꞌá, xi ꞌmí na̱xi̱ńdáꞌniú Timnaa̱t-Seraa̱, xi tikón xtji̱e̱e̱n na̱xi̱ xi chji̱a̱ni xota̱ tji̱e̱e̱ Efraii̱n. Kó Josuee̱ iskjininkꞌa nginí kui na̱xi̱ńdáꞌniuú, kó ki̱a̱ kisꞌijña ngijee̱.
51Kuí bí kui tꞌanangii̱, xi chináꞌmi Eleasaa̱, ko̱jo Josuee̱ ndií Nuu̱n, ko̱jo já ngito̱ko̱o̱ xtín xota̱ ndiꞌaa̱, xi katsꞌénkabisón nga kjo̱a̱chꞌáṉcha katsatonni, sꞌe̱ bo̱a̱ tsꞌén katsꞌénkabii̱ xota̱ tji̱e̱e̱ Israee̱l ki̱a̱ na̱xi̱ńdáꞌniú Siloo̱, ngindyi̱ko̱n Néná, ki̱a̱ nínga bitjasꞌi̱e̱nnii̱ ndiꞌa nínga matikó xotaa̱. Kó bo̱a̱ tsꞌén jetꞌani nga akakjanga tꞌanangii̱.
Currently Selected:
Josuee̱ 19: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
