Josuee̱ 16
16
Tꞌanangi xi chji̱a̱ni xota̱ tji̱e̱e̱ Efraii̱n ko̱jo xota̱ tji̱e̱e̱ Manasee̱
1Tꞌanangi xi kasakoo̱ xota̱ tji̱e̱e̱ Kosiee̱ nga kjo̱a̱chꞌáṉcha kańtonni, ki̱a̱ ꞌbítsꞌi̱yani ndeskande ndejèꞌ Jorndaa̱n, kje̱n na̱xi̱ńdáꞌniú Jerikoo̱, xtji̱e̱e̱n nínga fotjo tsꞌueé, ki̱a̱ fíni nangi kixií, nga fínijíngí ndeskande na̱xi̱ńdáꞌniú Jeriko̱ xtji̱e̱e̱n na̱xi̱i̱, ngaskande na̱xi̱ńdáꞌniú Betee̱l. 2Kó ki̱a̱ Betee̱l fí ngase xtji̱e̱e̱n Ndiꞌí, kó jaꞌa xtji̱e̱e̱n tsindioó xota̱ arkitaa̱, ngaskande na̱xi̱ńdáꞌniú Ataroo̱t. 3Kósꞌe̱ jaꞌajaya xtji̱e̱e̱n nínga ꞌbosꞌien tsꞌueé, ngaskande tsindioó xota̱ Jafletitaa̱, ngaskande tsindioó na̱xi̱ńdáꞌniú Bee̱t-Oroo̱n xi tikón na̱ngi, kó ngaskande na̱xi̱ńdáꞌniú Ngésee̱r fochó, sꞌe̱ ki̱a̱ fetꞌanii̱ Ndáchíkón Menditerráneoo̱. 4Kó bo̱a̱ tsꞌén katseꞌeé tꞌanangi ndií Kosiee̱: Manasee̱ ko̱jo Efraii̱n.
Tꞌanangi xi chji̱a̱ni xota̱ tji̱e̱e̱ Efraii̱n
5Tꞌanangi xi xki̱ xtín xota̱ ndiꞌa katseꞌeé xota̱ tji̱e̱e̱ Efraii̱n nga xtji̱e̱e̱n nínga fotjo tsꞌueé, tsindioó ki̱a̱ ítsꞌi̱yanii̱ ndeskande na̱xi̱ńdáꞌniú Ataroo̱t-Andaa̱r ngaskande na̱xi̱ńdáꞌniú Bee̱t-Oroo̱n xtji̱e̱e̱n ta̱ꞌin, 6kui tsindioó ki̱a̱ fochó ngaskande ndáchíkoón, ko̱jo na̱xi̱ńdáꞌniú Mikmetaa̱t, kó ki̱a̱ jaꞌatjiya xtji̱e̱e̱n nínga fotjo tsꞌueé, ngaskande na̱xi̱ńdáꞌniú Taanaa̱t-Siloo̱, kó ki̱a̱ jaꞌa xtji̱e̱e̱n nínga fotjo tsꞌueé na̱xi̱ńdáꞌniú Janoaa̱. 7Kó ndeskande na̱xi̱ńdáꞌniú Janoaa̱ jaꞌajaya xtji̱e̱e̱n na̱xi̱ńdáꞌniú Ataroo̱t ko̱jo na̱xi̱ńdáꞌniú Naaraa̱t, jaꞌa tꞌa na̱xi̱ńdáꞌniú Jerikoo̱, kó ki̱a̱ jetꞌani ndejèꞌ Jorndaa̱n. 8Kó ndeskande na̱xi̱ńdáꞌniú Tapúaa̱, kui tsindioó kijí ngase xtji̱e̱e̱n nínga ꞌbosꞌien tsꞌueé, ngaskande xo̱ngàndántꞌieé Kanaa̱, kósꞌe̱ ki̱a̱ fetꞌani xtji̱e̱e̱n Ndáchíkón Menditerráneoo̱. Kuí bí tꞌanangi xi kiniꞌánkꞌasꞌiee̱n xtín xota̱ ndiꞌaa̱ xota̱ tji̱e̱e̱ Efraii̱n. 9Kó ti̱ kisꞌie na̱xi̱ńdáꞌniú xi kiniꞌánkꞌasꞌiee̱n xota̱ tji̱e̱e̱ Efraii̱n, ki̱a̱ ngi̱jii̱n tꞌanangi xi kiniꞌánkꞌasꞌiee̱n xota̱ tji̱e̱e̱ Manasee̱, nga ngo nga ngo na̱xi̱ńdáꞌniú ko̱jo ndí nangi xi tjiín.
10Ta̱nga, ikiyotji̱ngíjiín xota̱ Kanaa̱n xi kisꞌińdo nangi Ngésee̱r, ta̱sá to̱kó ki̱a̱ síndo ngi̱jii̱n nangii̱ xota̱ tji̱e̱e̱ Efraii̱n ngaskande ngotꞌe̱, ta̱nga kiniꞌaán kjo̱a̱ꞌniú nga íchjítjé yojoo̱.
Currently Selected:
Josuee̱ 16: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
