Josuee̱ 15
15
Tꞌanangi xi chji̱a̱ni xota̱ tji̱e̱e̱ Jundáa̱
1Tꞌanangi xi katsoboaá xota̱ tji̱e̱e̱ Jundáa̱ nga kjo̱a̱chꞌáṉcha kańtonni, xki̱ xtín xota̱, kuí boá xi jachó ngaskande ki̱a̱ tsindioó nangii̱ xota̱ tji̱e̱e̱ Endoo̱n, ko̱jo ki̱a̱ xtji̱e̱e̱n nangi kixií nangi Sii̱n, kó nga xtji̱e̱e̱n na̱ngi, ki̱a̱ yaꞌanii̱ ndeskande nínga ꞌniú kjin ngasee̱ kui ngi̱ndiee̱. 2Kó tsindioó xi chji̱a̱ni na̱ngi, ki̱a̱ ꞌbítsi̱yani ndeskande tꞌa Ndáchíkón Kꞌieèn, ko̱jo ki̱a̱ tꞌa ndá xí kotsijen xtji̱e̱e̱n na̱ngi, 3kó fí ngase ki̱a̱ xtji̱e̱e̱n na̱ngi, ki̱a̱ nínga fínijíngií na̱xi̱ńdáꞌniú Akrabii̱n, ngije bitja nangi kixií Sii̱n, ki̱a̱ nínga fínijíngí xtji̱e̱e̱n na̱xi̱ńdáꞌniú Kandee̱-Barnea̱, kó bitja na̱xi̱ńdáꞌniú Esroo̱n, kósꞌe̱ fínijíngí ngase xtji̱e̱e̱n na̱xi̱ńdáꞌniú Andaa̱r, sꞌe̱ ki̱a̱ foaꞌatjiya xtji̱e̱e̱n na̱xi̱ńdáꞌniú Karkaa̱, 4kósꞌe̱ ki̱a̱ foaꞌa xtji̱e̱e̱n na̱xi̱ńdáꞌniú Asmoo̱n, sꞌe̱ ki̱a̱ fotjokjà xtji̱e̱e̱n xo̱ngàndántꞌieé Ejiptoo̱, kó ngaskande ki̱a̱ fochó nínga fetꞌanii̱ ndáchíkoón Menditerráneoo̱, kuí bí xi tsindió xí chji̱a̱ni na̱ngi.
5Kó tsindioó xi chji̱a̱ni xtji̱e̱e̱n nínga fotjo tsꞌueé, kuí boá xi Ndáchíkón Kꞌieèn, ngaskande nínga fochó ndejèꞌ Jorndaa̱n. Kó tsindió xí chji̱a̱ni ta̱ꞌin, ki̱a̱ ꞌbítsi̱yani nga̱nde ndáchíkoón ki̱a̱ nínga fochó ndejèꞌ Jorndaa̱n, 6kó kui tsindioó ki̱a̱ fínijíngí ki̱a̱ na̱xi̱ńdáꞌniú Bee̱t-Onglaa̱, kó ki̱a̱ foaꞌa xtji̱e̱e̱n ta̱ꞌii̱n na̱xi̱ńdáꞌniú Bee̱t-Arabaa̱, kó fínijíngí ngase ngaskande nínga tikón ndi̱jo̱o̱ Boaa̱n, kui xi ndií Rubee̱n kamá. 7Kó kui tsindioó fínijíngí ngase ndeskande nangi soón Akoo̱r, ngaskande na̱xi̱ńdáꞌniú Ndebii̱r, kó ki̱a̱ xtji̱e̱e̱n ta̱ꞌin fochó nginí xtji̱e̱e̱n Ngilngaa̱l, kui ngi̱ndie xi tikón kje̱n ndi̱yà xí fínijíngí na̱xi̱ńdáꞌniú Andumii̱n, kui xi tikón xtji̱e̱e̱n na̱ngii̱ nangi soón. Jaskan ki̱a̱ jaꞌa tsindioó nínga tikón ndáńchꞌi̱ Ee̱n-Semee̱, sꞌe̱ ki̱a̱ jetꞌani ngaskande na̱xi̱ńdáꞌniú Ee̱n-Rongee̱l, 8kó kui tsindioó ki̱a̱ kijínijíngí xtji̱e̱e̱n nangi soón Bee̱n-Inoo̱n, xi tikón xtji̱e̱e̱n na̱ngii̱ nínga kisꞌińdo xota̱ Jebuu̱ kui xi na̱xi̱ńdáꞌniú Jerusalee̱n, kó kui tsindioó, ki̱a̱ kijínijíngí ngase xtji̱e̱e̱n nkꞌaa̱ na̱xi̱ xi tikón kje̱n nangi soón Inoo̱n, ki̱a̱ nínga fetꞌanii̱ nangi soón Refaii̱n, xtji̱e̱e̱n ta̱ꞌin, 9kó ki̱a̱ ikjien ndi̱ya̱à ndeskande nkꞌaa̱ na̱xi̱i̱, ngaskande ndáńchꞌi̱ Neftoaa̱, kó ki̱a̱ jachó na̱xi̱ńdáꞌniú xí tikón na̱xi̱ Efroo̱n, sꞌe̱ ki̱a̱ jaꞌatjiyajoo̱n na̱xi̱ńdáꞌniú Baalaa̱, kui xi na̱xi̱ńdáꞌniú Kiriaa̱t-Jearii̱n ngotꞌe̱. 10Kó ki̱a̱ xtji̱e̱nnii̱ na̱xi̱ńdáꞌniú Baalaa̱ jaꞌatjiya xtji̱e̱e̱n nínga ꞌbosꞌien tsꞌueé, kó ki̱a̱ fochó ngaskande na̱xi̱ Seii̱r, kó ki̱a̱ jaꞌa xtji̱e̱e̱n tꞌa na̱xi̱ Jearii̱n, ki̱a̱ xtji̱e̱e̱n ta̱ꞌin, kui xi na̱xi̱ńdáꞌniú Kesaloo̱n, kó jaꞌajaya ki̱a̱ na̱xi̱ńdáꞌniú Bee̱t-Semee̱, ko̱jo ki̱a̱ jaꞌa xtji̱e̱e̱n na̱xi̱ńdáꞌniú Timnaa̱ nga. 11Sꞌe̱ jaskan kui ndi̱ya̱à ítsꞌi̱yanii̱ tꞌa na̱xi̱ Ekroo̱n, xtji̱e̱e̱n ta̱ꞌin, kó ki̱a̱ jaꞌatjiya xtji̱e̱e̱n na̱xi̱ńdáꞌniú Sikroo̱n, sꞌe̱ jaꞌa xtji̱e̱e̱n na̱xi̱ Baalaa̱, sꞌe̱ ki̱a̱ jatjoni na̱xi̱ńdáꞌniú Jabnee̱l, kó ki̱a̱ jetꞌanii̱ kui tsindioó ki̱a̱ ndáchíkón Menditerráneoo̱. 12Kó tsindió xi chji̱a̱ni xtji̱e̱e̱n nínga ꞌbosꞌien tsꞌueé, kuí boá xi Ndáchíkón Menditerráneoo̱. Kó kuí bí tsindioó tꞌanangi xi kasakoo̱ xota̱ tji̱e̱e̱ Jundáa̱ nga xki̱ xtín xota̱ ndiꞌa.
Kalee̱b katsꞌeén nga askjanjo̱ na̱xi̱ńdáꞌniú Ebroo̱n ko̱jo na̱xi̱ńdáꞌniú Ndebii̱r
13Kó Josuee̱ katsjaá Kalee̱b ndií Jefunee̱, ngo tjín tꞌanangi xi chji̱a̱ni xota̱ tji̱e̱e̱ Jundáa̱, xikótsꞌèn atíxoma Néná. Kó katsjaá na̱xi̱ńdáꞌniú Ebroo̱n, kui xi iskjininkꞌa nda̱ xi ꞌmí Arbaa̱, kui xi na̱ꞌmi kamaá xota̱ xi ta̱nisién ꞌniú nkꞌaá. 14Kó Kalee̱b tsꞌaxié ján ndií Anaa̱k xi kisꞌińdo kui ngi̱ndiee̱, kó kuí boá xi: Sesaii̱, ko̱jo Aimaa̱n, ko̱jo Talmaii̱. 15Jaskan kijínijíngí nga askjanjo̱ xota̱ xi síndo na̱xi̱ńdáꞌniú Ndebii̱r, kui xi Kiriaa̱t-Séfee̱r kiꞌmí ngasꞌe̱. 16Kó Kalee̱b, bi̱ katsó ki̱a̱a̱: Kui xi ka̱makon nga skjánjo̱ kó sa̱ꞌiín xota̱ na̱xi̱ńdáꞌniú Kiriaa̱t-Séfee̱r, tsjàa̱ tsa̱kjìnna xi ꞌmí Aksaa̱, tsi̱ꞌe̱ nga chjo̱ón ka̱ma. 17Kó xi katsꞌeén kui na̱xi̱ńdáꞌniuú, Otoniee̱l boá, ndií ntsꞌi̱e̱ Kalee̱b, xi ꞌmí Kenaa̱, kó bo̱a̱ tsꞌén nga Kalee̱b katsjaá tsa̱kji̱ín kui nda̱a̱, tsi̱ꞌe̱ nga chjo̱ón ka̱ma. 18Kó ni̱xtjin nga je ndyi̱fíjo̱ xkjín katsaki, Otoniee̱l tsíchji̱a̱jo chjo̱ón tsi̱ꞌe̱ nga ku̱i̱ꞌaa̱ na̱ꞌmii̱ ngo chikjan tꞌanangi xi sa̱ꞌínxájin. Kósꞌe̱ kui naa̱ jatjajenni bórroó, kó Kalee̱b bi̱ katsoó:
—Kó kamaá chjo̱on.
19Kó kui naa̱, bi̱ katsó:
—Ji na̱ꞌmi, ingo kjo̱a̱niꞌánchikonñé te̱ꞌéní. Jè be an nga je katseꞌéní tꞌanangi ki̱a̱ nangi kixií Nengee̱b, ta̱nga mejénna nga ti̱ ko̱e̱ꞌéní nínga tjín ndáńchꞌi̱ nga.
Kó Kalee̱b katsjaá ndáńchꞌi̱ xi síndo xtji̱e̱e̱n ta̱ꞌin, ko̱jo xi síndo xtji̱e̱e̱n na̱ngi.
Na̱xi̱ńdáꞌniú xí chji̱a̱ni xota̱ tji̱e̱e̱ Jundáa̱
20Kuí bí tꞌanangi xi kasakoo̱ xtín xota̱ ndiꞌaa̱ xota̱ tji̱e̱e̱ Jundáa̱. 21Kó na̱xi̱ńdáꞌniú xí kasakoo̱ xota̱ tji̱e̱e̱ Jundáa̱ ki̱a̱ xtji̱e̱e̱n na̱ngi nínga fetꞌanii̱, xtji̱e̱e̱n tsindioó na̱xi̱ńdáꞌniú Endoo̱n, kuí boá xi̱ꞌbi̱: Na̱xi̱ńdáꞌniú Kabsee̱l, ko̱jo na̱xi̱ńdáꞌniú Éndee̱r, ko̱jo na̱xi̱ńdáꞌniú Janguu̱r, 22ko̱jo na̱xi̱ńdáꞌniú Kinaa̱, ko̱jo na̱xi̱ńdáꞌniú Ndimonaa̱, ko̱jo na̱xi̱ńdáꞌniú Andandaa̱, 23ko̱jo na̱xi̱ńdáꞌniú Kendee̱, ko̱jo na̱xi̱ńdáꞌniú Asoo̱r, ko̱jo na̱xi̱ńdáꞌniú Itnaa̱n, 24ko̱jo na̱xi̱ńdáꞌniú Sii̱f, ko̱jo na̱xi̱ńdáꞌniú Telee̱n, ko̱jo na̱xi̱ńdáꞌniú Bealoo̱t, 25ko̱jo na̱xi̱ńdáꞌniú Asoo̱r-Andataa̱, ko̱jo na̱xi̱ńdáꞌniú Kerioo̱t, ko̱jo na̱xi̱ńdáꞌniú Esroo̱n, 26ko̱jo na̱xi̱ńdáꞌniú Amaa̱n, ko̱jo na̱xi̱ńdáꞌniú Semaa̱, ko̱jo na̱xi̱ńdáꞌniú Molandaa̱, 27ko̱jo na̱xi̱ńdáꞌniú Jasaa̱r-Ngandaa̱, ko̱jo na̱xi̱ńdáꞌniú Esmoo̱n, ko̱jo na̱xi̱ńdáꞌniú Bee̱t-Pelee̱t, 28ko̱jo na̱xi̱ńdáꞌniú Jasaa̱r-Suaa̱l, ko̱jo na̱xi̱ńdáꞌniú Beersebaa̱, ko̱jo nangi xi̱xi̱i̱, 29ko̱jo na̱xi̱ńdáꞌniú Baalaa̱, ko̱jo na̱xi̱ńdáꞌniú Iii̱n, ko̱jo na̱xi̱ńdáꞌniú Esee̱n, 30ko̱jo na̱xi̱ńdáꞌniú Eltolaa̱nd, ko̱jo na̱xi̱ńdáꞌniú Kesii̱l, ko̱jo na̱xi̱ńdáꞌniú Jormaa̱, 31ko̱jo na̱xi̱ńdáꞌniú Siklaa̱j, ko̱jo na̱xi̱ńdáꞌniú Mandmanaa̱, ko̱jo na̱xi̱ńdáꞌniú Sansanaa̱, 32ko̱jo na̱xi̱ńdáꞌniú Lebaoo̱t, ko̱jo na̱xi̱ńdáꞌniú Silii̱n, ko̱jo na̱xi̱ńdáꞌniú Ee̱n-Rimoo̱n. Kan nijan ma ngayeje kui na̱xi̱ńdáꞌniuú ko̱jo ndí nangi xi síndo nga ngo foaꞌatjiyajoo̱n.
33Kó na̱xi̱ńdáꞌniú xí síndo xtji̱e̱e̱n nangi soón, kuí bí xi̱ꞌbi̱: Na̱xi̱ńdáꞌniú Estaoo̱l, ko̱jo na̱xi̱ńdáꞌniú Soraa̱, ko̱jo na̱xi̱ńdáꞌniú Asnaa̱, 34ko̱jo na̱xi̱ńdáꞌniú Sanoaa̱, ko̱jo na̱xi̱ńdáꞌniú Ee̱n-Nganii̱n, ko̱jo na̱xi̱ńdáꞌniú Tapúaa̱, ko̱jo na̱xi̱ńdáꞌniú Enaa̱n, 35ko̱jo na̱xi̱ńdáꞌniú Jarmuu̱t, ko̱jo na̱xi̱ńdáꞌniú Andulaa̱n, ko̱jo na̱xi̱ńdáꞌniú Sokoo̱, ko̱jo na̱xi̱ńdáꞌniú Asekaa̱, 36ko̱jo na̱xi̱ńdáꞌniú Saaraii̱n, ko̱jo na̱xi̱ńdáꞌniú Anditaii̱n, ko̱jo na̱xi̱ńdáꞌniú Ngenderaa̱, ko̱jo na̱xi̱ńdáꞌniú Ngenderotaii̱n, tienijón na̱xi̱ńdáꞌniú má ngayejee̱ ko̱jo ndí nangii̱.
37Kó xi ngase na̱xi̱ńdáꞌniuú, kuí bí xi̱ꞌbi̱: Na̱xi̱ńdáꞌniú Senaa̱n, ko̱jo na̱xi̱ńdáꞌniú Jandasaa̱, ko̱jo na̱xi̱ńdáꞌniú Mingndaa̱l-Ngaa̱nd, 38ko̱jo na̱xi̱ńdáꞌniú Ndileaa̱n, ko̱jo na̱xi̱ńdáꞌniú Mispa̱, ko̱jo na̱xi̱ńdáꞌniú Joktee̱l, 39ko̱jo na̱xi̱ńdáꞌniú Lakii̱, ko̱jo na̱xi̱ńdáꞌniú Boskaa̱t, ko̱jo na̱xi̱ńdáꞌniú Englóo̱n 40ko̱jo na̱xi̱ńdáꞌniú Kaboo̱n, ko̱jo na̱xi̱ńdáꞌniú Lamaa̱n, ko̱jo na̱xi̱ńdáꞌniú Kitlii̱, 41ko̱jo na̱xi̱ńdáꞌniú Ngenderoo̱t, ko̱jo na̱xi̱ńdáꞌniú Bee̱t-Ndangoo̱n, ko̱jo na̱xi̱ńdáꞌniú Naamaa̱, ko̱jo na̱xi̱ńdáꞌniú Makendaa̱, tjiꞌún ngo na̱xi̱ńdáꞌniú má ngayejee̱ ko̱jo ndí nangii̱.
42Kó ti̱ ki̱a̱ síndo na̱xi̱ńdáꞌniú Libnaa̱, ko̱jo na̱xi̱ńdáꞌniú Etee̱r, ko̱jo na̱xi̱ńdáꞌniú Asaa̱n, 43ko̱jo na̱xi̱ńdáꞌniú Iftaa̱, ko̱jo na̱xi̱ńdáꞌniú Seanaa̱, ko̱jo na̱xi̱ńdáꞌniú Nesii̱b, 44ko̱jo na̱xi̱ńdáꞌniú Keilaa̱, ko̱jo na̱xi̱ńdáꞌniú Aksii̱b, ko̱jo na̱xi̱ńdáꞌniú Maresaa̱, nijan na̱xi̱ńdáꞌniú má ngayejee̱ ko̱jo ndí nangii̱.
45Ko̱jo na̱xi̱ńdáꞌniú Ekroo̱n, ko̱jo ngayeje nangi ko̱jo ndí nangii̱, 46ko̱jo ngayeje na̱xi̱ńdáꞌniuú, ko̱jo ndí nangi xi síndo tiñaa̱ na̱xi̱ńdáꞌniú Asndoo̱nd, ndeskande na̱xi̱ńdáꞌniú Ekroo̱n, kó ngaskande Ndáchíkón Menditerráneoo̱.
47Kó kui tꞌanangi xi̱ꞌbi̱, ki̱a̱ chji̱a̱ni na̱xi̱ńdáꞌniú Asndoo̱nd, ko̱jo na̱xi̱ńdáꞌniú Ngasaa̱, ko̱jo ngayeje xota̱ na̱xi̱ńdá ko̱jo ndí nangii̱, kó kui tꞌanangii̱ ngaskande xo̱ngàndántꞌieé Ejipto̱ kjin fochó, ko̱jo tꞌa Ndáchíkón Menditerráneoo̱.
48Kó ki̱a̱ xtji̱e̱e̱n na̱xi̱i̱, ki̱a̱ kisꞌińdo na̱xi̱ńdáꞌniú kuí xi̱ꞌbi̱: Samii̱r, ko̱jo na̱xi̱ńdáꞌniú Jatii̱r, ko̱jo na̱xi̱ńdáꞌniú Sokoo̱, 49ko̱jo na̱xi̱ńdáꞌniú Ndanaa̱, ko̱jo na̱xi̱ńdáꞌniú Kiriaa̱t-Sanaa̱ kui xi na̱xi̱ńdáꞌniú Ndebii̱r ꞌmí ngotꞌe̱, 50ko̱jo na̱xi̱ńdáꞌniú Anaa̱b, ko̱jo na̱xi̱ńdáꞌniú Estemoaa̱, ko̱jo na̱xi̱ńdáꞌniú Anii̱n, 51ko̱jo na̱xi̱ńdáꞌniú Ngosee̱n, ko̱jo na̱xi̱ńdáꞌniú Oloo̱n, ko̱jo na̱xi̱ńdáꞌniú Ngiloo̱. Tiengo na̱xi̱ńdáꞌniú má ngayejee̱ ko̱jo ndí nangii̱.
52Ko̱jo na̱xi̱ńdáꞌniú Araa̱b, ko̱jo na̱xi̱ńdáꞌniú Ndumaa̱, ko̱jo na̱xi̱ńdáꞌniú Esaa̱n, 53ko̱jo na̱xi̱ńdáꞌniú Januu̱n, ko̱jo na̱xi̱ńdáꞌniú Bee̱t-Tapúaa̱, ko̱jo na̱xi̱ńdáꞌniú Afekaa̱, 54ko̱jo na̱xi̱ńdáꞌniú Jumetaa̱, ko̱jo na̱xi̱ńdáꞌniú Kiriaa̱t-Arba̱ kui xi Ebroo̱n ꞌmí ngotꞌe̱, ko̱jo na̱xi̱ńdáꞌniú Sijoo̱r. Nijan na̱xi̱ńdáꞌniú má ngayejee̱ ko̱jo ndí nangii̱.
55Ko̱jo na̱xi̱ńdáꞌniú Maoo̱n, ko̱jo na̱xi̱ńdáꞌniú Karmee̱l, ko̱jo na̱xi̱ńdáꞌniú Sii̱f, ko̱jo na̱xi̱ńdáꞌniú Jutaa̱, 56ko̱jo na̱xi̱ńdáꞌniú Jesree̱l, ko̱jo na̱xi̱ńdáꞌniú Jokndea̱n, ko̱jo na̱xi̱ńdáꞌniú Sanoaa̱ 57ko̱jo na̱xi̱ńdáꞌniú Kaii̱n, ko̱jo na̱xi̱ńdáꞌniú Ngibeaa̱, ko̱jo na̱xi̱ńdáꞌniú Timnaa̱, tie na̱xi̱ńdáꞌniú má ngayejee̱ ko̱jo ndí nangii̱.
58Ko̱jo na̱xi̱ńdáꞌniú Jaljuu̱l, ko̱jo na̱xi̱ńdáꞌniú Bee̱t-Suu̱r, ko̱jo na̱xi̱ńdáꞌniú Ngendoo̱r, 59ko̱jo na̱xi̱ńdáꞌniú Maaraa̱t, ko̱jo na̱xi̱ńdáꞌniú Bee̱t-Anoo̱t, ko̱jo na̱xi̱ńdáꞌniú Eltekoo̱n, jun na̱xi̱ńdáꞌniú má ngayejee̱ ko̱jo ndí nangii̱.
60Ko̱jo na̱xi̱ńdáꞌniú Kiriaa̱t-Baa̱l, kui xi Kiriaa̱t-Jearii̱n ꞌmí, ko̱jo na̱xi̱ńdáꞌniú Rabáa̱, jó na̱xi̱ńdáꞌniú má ngayejee̱ ko̱jo ndí nangii̱.
61Kó ki̱a̱ nangi kixií kuí bí xi̱ꞌbi̱: Na̱xi̱ńdáꞌniú Bee̱t-Arabaa̱, ko̱jo na̱xi̱ńdáꞌniú Mindíi̱n, ko̱jo na̱xi̱ńdáꞌniú Sekakaa̱, 62ko̱jo na̱xi̱ńdáꞌniú Nibsáa̱n, ko̱jo na̱xi̱ńdáꞌniú Na̱xa̱, ko̱jo na̱xi̱ńdáꞌniú Ee̱n-Ngandii̱, jun na̱xi̱ńdáꞌniú má ngayejee̱ ko̱jo ndí nangii̱.
63Ta̱nga xota̱ tji̱e̱e̱ Jundáa̱ kamájiín tsꞌaxié xota̱ Jebuu̱ xi síndo na̱xi̱ńdáꞌniú Jerusalee̱n, kó kuíni nga xota̱ Jebuu̱ ki̱a̱ nijan síndojii̱n xota̱ tji̱e̱e̱ Jundáa̱ ki̱a̱ na̱xi̱ńdáꞌniú Jerusalee̱n ngaskande ngotꞌe̱.
Currently Selected:
Josuee̱ 15: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
