Josuee̱ 13
13
Tꞌanangi xi kji̱e̱ tsꞌéntsi̱ꞌe̱jín xota̱ Israee̱l
1Kó ngije ꞌniú xchá Josuee̱, Néná bi̱ katsoó:
Jè ꞌniú xchá jí, kó achichí tꞌanangi tikón ngase xi ka̱ma si̱ꞌantsa̱júnjnú. 2Kuí bí kui tꞌanangii̱ xi tikón ngase: Ngayeje tꞌanangi xi chji̱a̱ni xota̱ Filisteaa̱, ko̱jo ngayeje tꞌanangi xi chji̱a̱ni xota̱ ngesureoo̱, 3xi yaꞌanii̱ ndeskande xo̱ngàndántꞌié Sijoo̱r, xtji̱e̱e̱n nínga fotjo tsꞌueé nangi Ejiptoo̱, ngaskande na̱xi̱ńdáꞌniú Ekroo̱n, xtji̱e̱e̱n ta̱ꞌin, kui tꞌanangi xi ya nga xota̱ Kanaa̱n chji̱a̱ni. Kó ki̱a̱ síndo ún já ngito̱ko̱o̱ xota̱ Filisteaa̱ xi chji̱a̱ni na̱xi̱ńdáꞌniú Ngasaa̱, ko̱jo na̱xi̱ńdáꞌniú Asndoo̱nd, ko̱jo na̱xi̱ńdáꞌniú Askaloo̱n, ko̱jo na̱xi̱ńdáꞌniú Ngaa̱nd, ko̱jo na̱xi̱ńdáꞌniú Ekroo̱n, ko̱jo tꞌanangi xi chji̱a̱ni xota̱ Aa̱b, 4xtji̱e̱e̱n na̱ngi. Chaja yeje nangii̱ xota̱ Kanaa̱n, ko̱jo na̱xi̱ńdáꞌniú Mengaraa̱, xi chji̱a̱ni xota̱ sindonioo̱, ngaskande na̱xi̱ńdáꞌniú Afee̱k, ki̱a̱ nínga tikón tsindioó nangii̱ xota̱ Amoo̱r, 5ko̱jo tꞌanangi xi chji̱a̱ni xota̱ ngiblitaa̱, ko̱jo ngayeje tꞌanangi nínga fotjo tsꞌueé nangi Líbanoo̱, ndeskande na̱xi̱ńdáꞌniú Baa̱l-Ngaa̱nd xtji̱e̱e̱n tꞌa na̱xi̱ Ermoo̱n, ngaskande nínga bitjasꞌi̱e̱nnii̱ na̱xi̱ńdáꞌniú Amaa̱t. 6Ngayeje xota̱ xi síndo ki̱a̱ na̱xi̱i̱, ndeskande nangi Líbano̱, ngaskande na̱xi̱ńdáꞌniú Misrefoo̱t-Maii̱n ko̱jo ngayeje xota̱ sindonioo̱, nga kongatji̱ngíi̱ ngindiee̱ nga kjo̱chó xota̱ Israee̱l. Ta̱nga ji ngo kjo̱a̱chꞌáṉcha̱ ti̱ꞌin ji nga ko̱kjangèe̱ kui tꞌanangii̱ xota̱ Israee̱l, xikótsꞌèn je atixomaa. 7Ja̱ takjangèe̱ kui tꞌanangii̱ xi ngi nijan xota̱ tji̱e̱ xi chaja ngasee̱, ko̱jo xi ngi masien xota̱ tji̱e̱e̱ Manasee̱ nga.
Tꞌanangi xi tikón xtji̱e̱e̱n nínga fotjo tsꞌueé ndejèꞌ Jorndaa̱n
8Xota̱ tji̱e̱e̱ Rubee̱n, ko̱jo xota̱ tji̱e̱e̱ Ngaa̱nd, ko̱jo masien xota̱ tji̱e̱e̱ Manasee̱, jè ki̱a̱ síndo tꞌanangi xi tsoboaá xtji̱e̱nnii̱ nínga fotjo tsꞌueé ndejèꞌ Jorndaa̱n, ngatꞌa̱ Moisee̱, mosoo̱ Néná boá xi je katsjaá kui tꞌanangii̱. 9Ki̱a̱ yaꞌanii̱ ndeskande nangi Aroee̱r nga̱ndee̱ xo̱ngàndántꞌié Arnoo̱n, ko̱jo kui na̱xi̱ńdáꞌniú xí tikón ngamasiee̱n nangi soón, ko̱jo ngayeje nangi soón na̱xi̱ Mendeba̱, ngaskande na̱xi̱ńdáꞌniú Ndiboo̱n, 10ko̱jo ngayeje na̱xi̱ńdáꞌniú nínga atíxoma Sijoo̱n, nda̱ ree̱ xota̱ Amoo̱r, kui xi atíxoma na̱xi̱ńdáꞌniú Esboo̱n, ngaskande tꞌanangi nínga tsindió kamánii̱ xota̱ amonitaa̱, 11ko̱jo nangi Ngalaa̱nd, ko̱jo tꞌanangii̱ xota̱ ngesureoo̱, ko̱jo tꞌanangii̱ xota̱ maakateoo̱, ko̱jo ngayeje na̱xi̱ Ermoo̱n, ko̱jo ngayeje nangi Basaa̱n, ngaskande nangi Salkaa̱, 12ko̱jo ngayeje nangi nínga atíxoma Oo̱j, ki̱a̱ nangi Basaa̱n, kui nda̱ xi atíxoma na̱xi̱ńdáꞌniú Astaroo̱t, ko̱jo na̱xi̱ńdáꞌniú Endreii̱, kó kuí boá xi kamá xota̱ refaita̱ xi fetꞌanii̱, kui xi Moisee̱, ko̱jo xota̱ Israee̱l katsꞌeén nga askjanjo̱, kó jaꞌáxiín tꞌanangii̱, 13ta̱nga xota̱ Israee̱l tsangatji̱ngíjiín xota̱ ngesureoo̱, ko̱jo xota̱ maakateoo̱, ta̱sá to̱kó ki̱a̱ síndojin ki̱a̱ nangii̱ xota̱ Israee̱l ngaskande ngotꞌe̱.
14Ta̱kuítsí xota̱ tji̱e̱e̱ Lebii̱ xi nde chií tꞌanangi katseꞌéjiín, ngatꞌa̱ kuí boá kui xotaa̱ xi sa̱ko̱ó ngo tjín ngayeje kjo̱a̱tjó xi niꞌánkꞌasꞌiee̱n Nee̱ xota̱ Israee̱l, xikó má tsꞌén akatíxomaa̱ nga ka̱ma.
Tꞌanangi xi chji̱a̱ni xota̱ tji̱e̱e̱ Rubee̱n
15Kó xota̱ tji̱e̱e̱ Rubee̱n, Moisee̱ boá xi akjángaá tꞌanangi xki̱ xtín xota̱ ndiꞌa. 16Kó tꞌanangii̱ ki̱a̱ yaꞌanii̱ ndeskande na̱xi̱ńdáꞌniú Aroee̱r, ki̱a̱ tꞌa xo̱ngàndántꞌié Arnoo̱n, ko̱jo na̱xi̱ńdáꞌniú xi tikón ngamasiee̱n nangi soón, ko̱jo ngayeje nangi són xi tikóntꞌa nangi Mendeba̱. 17Ko̱jo na̱xi̱ńdáꞌniú Esboo̱n, ko̱jo ngayeje na̱xi̱ńdáꞌniú xí síndo ki̱a̱ nangi soón, kui xi: Na̱xi̱ńdáꞌniú Ndiboo̱n, ko̱jo na̱xi̱ńdáꞌniú Bamoo̱t-Baa̱l, ko̱jo na̱xi̱ńdáꞌniú Bee̱t-Baa̱l-Mengoo̱n, 18ko̱jo na̱xi̱ńdáꞌniú Jaa̱, ko̱jo na̱xi̱ńdáꞌniú Kandemoo̱t, ko̱jo na̱xi̱ńdáꞌniú Mefáa̱t, 19ko̱jo na̱xi̱ńdáꞌniú Kiriataii̱n, ko̱jo na̱xi̱ńdáꞌniú Sibmaa̱, ko̱jo na̱xi̱ńdáꞌniú Seree̱t-Saja̱r, kui xi síndo ki̱a̱ nínga soón tꞌa na̱xi̱i̱, 20ko̱jo na̱xi̱ Bee̱t-Peoo̱r, ko̱jo ngayeje tꞌa na̱xi̱i̱ Pisgaa̱, ko̱jo na̱xi̱ńdáꞌniú Bee̱t-jesimoo̱t. 21Ko̱jo ngayeje na̱xi̱ńdáꞌniú xi síndo ki̱a̱ nangi soón, ko̱jo ngayeje tꞌanangi nínga atíxoma Sijoo̱n, nda̱ re xi chji̱a̱ni xota̱ Amoo̱r, xi atíxomaa̱ na̱xi̱ńdáꞌniú Esboo̱n, kui xi ja̱bo̱a̱ je Moisee̱ katsꞌeén nga askjanjo̱, ko̱jo ngayeje xota̱ ngito̱ko̱o̱ na̱xi̱ńdáꞌniú Madiaa̱n, kui xi: Ebii̱, ko̱jo Rékee̱n, ko̱jo Suu̱r, ko̱jo Uu̱r, ko̱jo Rebaa̱, xi kisꞌińdo kui tꞌanangii̱. 22Ngi̱jii̱n xota̱ xi katsꞌénkjiesón xota̱ Israee̱l, kui xi ki̱cha̱ndojó katsꞌénkꞌiénni, ki̱a̱ tikón Balaa̱n nga, kui nda̱ xi kamaá askotꞌasón, kui xi ndií Beoo̱r kamá. 23Tsindioó tꞌanangi xi tsi̱ꞌe̱ xota̱ tji̱e̱e̱ Rubee̱n kamá, kuí boá xi tikón nga̱ndee̱ ndejèꞌ Jorndaa̱n. Kó kuí boá kui tꞌanangii̱ xi kasakoo̱ xota̱ tji̱e̱e̱ Rubee̱n, xki̱ xtín xota̱ ndiꞌa, xki̱ na̱xi̱ńdáꞌniú, ko̱jo xki̱ ndí nangi.
Tꞌanangi xi chji̱a̱ni xota̱ tji̱e̱e̱ Ngaa̱nd
24Kó Moisee̱ ti̱ katsjaá ngo tjín tꞌanangi xota̱ tji̱e̱e̱ Ngaa̱nd, xki̱ xtín xota̱ ndiꞌaa̱ nga. 25Kó tꞌanangi xi tsi̱ꞌe̱ kamá, kuí boá xi̱ꞌbi̱: Na̱xi̱ńdáꞌniú Jasee̱r, ko̱jo ngayeje na̱xi̱ńdáꞌniú xí tjín nangi Ngalaa̱nd, ko̱jo masien tꞌanangi xi tsi̱ꞌe̱ xota̱ amonitaa̱ kamá, ngaskande na̱xi̱ńdáꞌniú Aroee̱r, xi tikón xtji̱e̱e̱n kje̱n na̱xi̱ńdáꞌniú Rabáa̱. 26Kó ndeskande na̱xi̱ńdáꞌniú Esboo̱n yaꞌanii̱, ngaskande na̱xi̱ńdáꞌniú Ramaa̱t-Mispee̱, ko̱jo na̱xi̱ńdáꞌniú Betonii̱n, kó ndeskande na̱xi̱ńdáꞌniú Maanaii̱n, ngaskande tsindioó na̱xi̱ńdáꞌniú Ndebii̱r. 27Kó xtji̱e̱e̱n nangi soón, kuí boá xi̱ꞌbi̱: Na̱xi̱ńdáꞌniú Bee̱t-Araa̱n, ko̱jo na̱xi̱ńdáꞌniú Bee̱t-Nimraa̱, ko̱jo na̱xi̱ńdáꞌniú Sukoo̱t, ko̱jo na̱xi̱ńdáꞌniú Safoo̱n, kui nangi xi ngi̱chí xi atíxoma Sijoo̱n, nda̱ ree̱ na̱xi̱ńdáꞌniú Esboo̱n, kó ndejèꞌ Jorndaa̱n boá xi tsindioó kamaá, ngaskande nínga fetꞌanii̱ ngi̱ndiò Ngalileaa̱ xi tikón xtji̱e̱e̱n nínga fotjo tsꞌueé ndejèꞌ Jorndaa̱n. 28Kó kuí boá kui tꞌanangii̱ xi kiniꞌánkꞌasꞌiee̱n xota̱ tji̱e̱e̱ Ngaa̱nd, xki̱ xtín xota̱, ko̱jo xki̱ na̱xi̱ńdáꞌniú, ko̱jo xki̱ ndí nangi.
Tꞌanangi xi chji̱a̱ni xi masien xota̱ tji̱e̱e̱ Manasee̱
29Ti̱ Moisee̱ boá xi katsꞌénkꞌasꞌiee̱n tꞌanangi xi masien xota̱ tji̱e̱e̱ Manasee̱ nga, xikótsꞌèn tsoboaá xki̱ xtín xota̱ ndiꞌa. 30Kó tꞌanangii̱ ki̱a̱ yaꞌanii̱ ndeskande na̱xi̱ńdáꞌniú Maanaii̱n, ko̱jo ngayeje nangi Basaa̱n, ngayeje nínga atíxoma Oo̱j, nda̱ ree̱ nangi Basaa̱n, ko̱jo ngayeje ndí nangi xi síndo ki̱a̱ na̱xi̱ńdáꞌniú Jaii̱r: Ichítié ko̱jo tie nangi ma. 31Masien nangi Ngalaa̱nd ma, ko̱jo na̱xi̱ńdáꞌniú Astaroo̱t, ko̱jo na̱xi̱ńdáꞌniú Endreii̱, nínga atíxoma Oo̱j, nda̱ ree̱ nangi Basaa̱n, kuí boá kui ngi̱ndiee̱ xi Moisee̱ katsꞌénkꞌasꞌiee̱n xota̱ tji̱e̱ xi chji̱a̱ni Makii̱r ndií Manasee̱ xki̱ xtín xota̱ ndiꞌa.
32Kuí bí kui tꞌanangii̱ xi Moisee̱ akjángá ki̱a̱ nangi són xi chji̱a̱ni Moaa̱b, ki̱a̱ tꞌa ndejèꞌ Jorndaa̱n, xtji̱e̱e̱n nínga fotjo tsꞌueé na̱xi̱ńdáꞌniú Jerikoo̱. 33Ta̱nga Moisee̱ nde chií tꞌanangi katsjájiín xota̱ tji̱e̱e̱ Lebii̱, tsi̱ꞌe̱ nga Nee̱ xota̱ Israee̱l boá xi ka̱maꞌniátakón kjin kjin, xikó má tsꞌén kiꞌmíyatjoón.
Currently Selected:
Josuee̱ 13: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
