Josuee̱ 12
12
Já re xi Moisee̱ katsꞌeén nga askjanjo̱
1Kuí bí kui já re xi chji̱a̱ni kui ngi̱ndie jàn, xi xota̱ Israee̱l katsꞌeén nga askjanjo̱ tsi̱ꞌe̱ nga iskjíbé tꞌanangii̱, kui xi síndo xtji̱e̱e̱n xi ingoboaá ndejèꞌ Jorndaa̱n, ki̱a̱ xtji̱e̱e̱n nínga fotjo tsꞌueé, xi yaꞌanii̱ ndeskande xo̱ngàndántꞌié Arnoo̱n, ngaskande na̱xi̱ Ermoo̱n, ko̱jo ngayeje nangi Arabaa̱, xtji̱e̱e̱n nínga fotjo tsꞌueé, kó kuí boá xi̱ꞌbi̱: 2Sijoo̱n, nda̱ re xi chji̱a̱ni xota̱ Amoo̱r, xi kisꞌijña na̱xi̱ńdáꞌniú Esboo̱n, kui xi atíxoma ndeskande na̱xi̱ńdáꞌniú Aroee̱r, kui na̱xi̱ńdáꞌniú xí tikóntꞌa xo̱ngàndántꞌié Arnoo̱n, kó ki̱a̱ yaꞌanii̱ ndeskande ngamasiee̱n xo̱ngàndántꞌieé, ki̱a̱ ngamasiee̱n nangi Ngalaa̱nd, ngaskande xo̱ngàndántꞌié Jaboo̱k, kui ngi̱ndie xi tsindió kamánii̱ nínga síndo xota̱ amonitaa̱. 3Kó ndeskande nangi soón, ngaskande ngi̱ndiò Ngalileaa̱, xtji̱e̱e̱n nínga fotjo tsꞌueé, kó ngaskande Ndáchíkón Kꞌieèn, xtji̱e̱e̱n na̱xi̱ńdáꞌniú Bee̱t-Jesimoo̱t, kó xtji̱e̱e̱n na̱ngi, ngaskande tꞌa na̱xi̱ Pisgaa̱.
4Kó ti̱ iskjíbé tꞌanangii̱ re xí ꞌmí Oo̱j xi chji̱a̱ni nangi Basaa̱n, xota̱ xi jetꞌani tji̱e̱e̱ xota̱ Refaa̱, kui xi kisꞌijña ki̱a̱ na̱xi̱ńdáꞌniú Astaroo̱t, ko̱jo na̱xi̱ńdáꞌniú Endreii̱. 5Kó kuí atíxoma na̱xi̱ Ermoo̱n, ndeskande na̱xi̱ńdáꞌniú Salkaa̱, ko̱jo ngayeje nangi Basaa̱n, ngaskande tsindioó tꞌanangi Ngesuu̱r, ko̱jo Maakaa̱, ko̱jo masiee̱n nangi Ngalaa̱nd, xi chji̱a̱ni tꞌanangii̱ Sijoo̱n, nda̱ ree̱ na̱xi̱ńdáꞌniú Esboo̱n.
6Kuí bí kui já ree̱ xi Moisee̱, nda̱ xi mosoo̱ Néná, ko̱jo xota̱ Israee̱l katsꞌeén nga askjanjo̱. Kó Moisee̱ akjángaá kui tꞌanangii̱ xota̱ tji̱e̱e̱ Rubee̱n, ko̱jo xota̱ tji̱e̱e̱ Ngaa̱nd, ko̱jo xi masien xota̱ tji̱e̱e̱ Manasee̱ nga.
Já re xi Josuee̱ katsꞌeén nga askjanjo̱
7Kó kuí bí kui já re xi chji̱a̱ni kui tꞌanangii̱, xi Josuee̱ ko̱jo xota̱ Israee̱l katsꞌeén nga askjanjo̱, xi síndo kꞌi̱e̱ xtji̱e̱e̱n ndejèꞌ Jorndaa̱n, ki̱a̱ nínga ꞌbosꞌien tsꞌueé, ndeskande na̱xi̱ńdáꞌniú Baa̱l-Ngaa̱nd, ki̱a̱ nangi soón Líbanoo̱, ngaskande na̱xi̱ Alaa̱k, kui ngi̱ndie xi fínijíngí xtji̱e̱e̱n na̱xi̱ńdáꞌniú Seii̱r. Kó Josuee̱ akjángaá kui tꞌanangii̱ xota̱ tji̱e̱e̱ Israee̱l, nga katsjaá nga ngo nga ngo xtín xotaa̱ xikótsꞌèn tsoboaá. 8Kui tꞌanangii̱ ki̱a̱ kisꞌijña nínga na̱xi̱i̱, ko̱jo nangi soón, ko̱jo tꞌa na̱xi̱i̱, ko̱jo nangi kixií, ko̱jo nangi Nengee̱b, ko̱jo nangii̱ xota̱ Ee̱t, ko̱jo nangii̱ xota̱ Amoo̱r, ko̱jo nangii̱ xota̱ Kanaa̱n, ko̱jo nangii̱ xota̱ Feree̱, ko̱jo nangii̱ xota̱ Ee̱b, ko̱jo nangii̱ xota̱ Jebuu̱. 9Kó xota̱ Israee̱l katsꞌeén nga askjanjo̱ já re xi chji̱a̱ni kui na̱xi̱ńdaá: Ree̱ na̱xi̱ńdáꞌniú Jerikoo̱, ko̱jo ree̱ na̱xi̱ńdáꞌniú Aii̱, xi tikón tiñaa̱ na̱xi̱ńdáꞌniú Betee̱l, 10ko̱jo ree̱ na̱xi̱ńdáꞌniú Jerusalee̱n, ko̱jo ree̱ na̱xi̱ńdáꞌniú Ebroo̱n, 11ko̱jo ree̱ na̱xi̱ńdáꞌniú Jarmuu̱t, ko̱jo ree̱ na̱xi̱ńdáꞌniú Lakii̱, 12ko̱jo ree̱ na̱xi̱ńdáꞌniú Englóo̱n, ko̱jo ree̱ na̱xi̱ńdáꞌniú Ngésee̱r, 13ko̱jo ree̱ na̱xi̱ńdáꞌniú Ndebii̱r, ko̱jo ree̱ na̱xi̱ńdáꞌniú Ngendee̱r, 14ko̱jo ree̱ na̱xi̱ńdáꞌniú Jormaa̱, ko̱jo ree̱ na̱xi̱ńdáꞌniú Araa̱nd, 15ko̱jo ree̱ na̱xi̱ńdáꞌniú Libnaa̱, ko̱jo ree̱ na̱xi̱ńdáꞌniú Andulaa̱n, 16ko̱jo ree̱ na̱xi̱ńdáꞌniú Makendaa̱, ko̱jo ree̱ na̱xi̱ńdáꞌniú Betee̱l, 17ko̱jo ree̱ na̱xi̱ńdáꞌniú Tapúaa̱, ko̱jo ree̱ na̱xi̱ńdáꞌniú Éfee̱r, 18ko̱jo ree̱ na̱xi̱ńdáꞌniú Afee̱k, ko̱jo ree̱ na̱xi̱ńdáꞌniú Saroo̱n 19ko̱jo ree̱ na̱xi̱ńdáꞌniú Mandoo̱n, ko̱jo ree̱ na̱xi̱ńdáꞌniú Asoo̱r, 20ko̱jo ree̱ na̱xi̱ńdáꞌniú Simroo̱n-Meroo̱n, ko̱jo ree̱ na̱xi̱ńdáꞌniú Aksaa̱f, 21ko̱jo ree̱ na̱xi̱ńdáꞌniú Taanaa̱k, ko̱jo ree̱ na̱xi̱ńdáꞌniú Mengindo̱, 22ko̱jo ree̱ na̱xi̱ńdáꞌniú Kendee̱, ko̱jo ree̱ na̱xi̱ńdáꞌniú Jokneaa̱n xi tikón ki̱a̱ na̱xi̱ Karmeloo̱, 23ko̱jo ree̱ na̱xi̱ńdáꞌniú Ndoo̱r xi tikón xtji̱e̱e̱n tꞌa ndáchíkoón, ko̱jo ree̱ na̱xi̱ńdáꞌniú Ngoii̱n xi chji̱a̱ni nangi Ngilngaa̱l, 24ko̱jo ree̱ na̱xi̱ńdáꞌniú Tirsaa̱. Kantié ngo kamá ngayeje kui já ree̱.
Currently Selected:
Josuee̱ 12: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
