Joo̱b 23
23
Xi ma yitoo̱ ndi̱yà nga tsíchji̱a̱ Joo̱b
1Joo̱b bi̱ katsoó Elifaa̱:
2Ndatsi tsꞌénkjandayá an,
Néná to̱kó tsꞌénbotíjéna.
3Achichí mejénna nga sa̱kóna Néná katsaki,
tsi̱ꞌe̱ nga kjuinkóo̱n ngaskande nínga tikón.
4Ngindyi̱ko̱n kui kjuínjo̱ an kjo̱a̱na,
kó xiyà cha̱n cha̱nráa̱ kótsꞌèn kꞌoxiéꞌá an yojona.
5Mejénna skuie an mí eén xi sa̱ꞌínkjién,
tsi̱ꞌe̱ nga skuie an ni xi ka̱tso̱na.
6A sa̱ꞌínkjién ngaꞌniuú nga skjánjo̱na tsobo̱a̱,
bee̱ko̱n an nga ta̱sá sa̱ꞌínsénna.
7Ngindyi̱ko̱n Néná nga ngo xota̱ xi kixi̱,
ka̱maa̱ nijan sa̱ꞌínkjó kjo̱a̱a̱ kjo̱a̱ xi tjiín,
kó bo̱a̱ tsꞌén nga ngatsjéni̱xtjin ku̱i̱ꞌíjñandéna,
ngindyi̱ko̱n kui xi be nga nda ko̱jo tsi ndajín katsꞌen an.
8Ta̱nga fi an xtji̱e̱e̱n nínga tjo tsꞌueé, kó sa̱kójínna Néná,
fi an xtji̱e̱e̱n nínga ꞌbosꞌien tsꞌueé, kó sa̱kójínna nga,
9tsi ki̱a̱ ko̱kó ngaꞌniuú xtji̱e̱e̱n ta̱ꞌin, skuiejín an,
kó tsi ki̱a̱ xtji̱e̱e̱n na̱ngi kꞌuijñáꞌmá, ti̱ skuiejín an nga.
10Ta̱nga Néná jè be nínga tsoꞌbá an,
kó tsi skítꞌayákónna,
bo̱a̱ má kꞌuié án xikoó to̱nsinié xi kui soboá soboaá.
11Ndsa̱ko án ki̱a̱ tsꞌénfítji̱ngi chi̱bo̱a̱ se,
ki̱a̱ tsꞌénfítji̱ngi an ndi̱ya̱à, kó xínjín tsꞌénfí an.
12Kji̱e̱ ngo ndi̱yà tjítsꞌenkjìi̱n yojona kjo̱a̱botíxoma xi chji̱a̱,
mején ngasena eén ta̱bo̱a̱jiín nichiniee̱.
13Tsi ngo ni xi mejeén sa̱ꞌín Néná,
ꞌyá xí ka̱maa̱ nga ku̱i̱ꞌíchjaá tsi̱ꞌe̱ nga ko̱síkjo ni xi sa̱ꞌín,
ni xi tsó ini̱ma̱a̱, kuí ni xi tsꞌén.
14Kuíni nga ta̱ ni xi mejénrií kui sa̱ꞌínjo̱na,
kó ngayeje ni xi je katsꞌénkjó nga sa̱ꞌín, sa̱ꞌínkjatjosón.
15Kó ngindyi̱ko̱n kui achichí tsakjon má an,
kjiꞌanga kui nii̱ tsꞌenkjó án, ngaskande fotsiéndíkón má an.
16¡Néná jè jaꞌáxín kjo̱a̱ꞌniútakoón ini̱ma̱na,
kui xi tsi̱ꞌe̱ ngayeje ngaꞌniuú jè ꞌniú indyiándikónna!
17Ánní nga kiniꞌánkꞌiénjínna kui ni̱xtji̱e̱e̱n,
ánní nga akjaꞌmajín kje̱n án nga jñoó.
Currently Selected:
Joo̱b 23: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
