Joo̱b 16
16
Xi ma nijoón ndi̱yà nga tsíchji̱a̱ Joo̱b
1Joo̱b bi̱ katsoó Elifaa̱:
2Ngayeje ni xi je kiꞌmíjnú jún
achichí jè kjín ndi̱yà nga je tsintꞌie an,
¡kó kui eén nde katsꞌéndajónjínna!
3A jmíjín kótsꞌèn kju̱i̱e̱ni kui én xí jmí ni chjíjiín.
Míkjo̱a̱a̱ nga to̱kó ndyi̱ndokjo̱a̱konjnú.
4Tsi ini̱ma̱jnú xi ngajona tikón katsaki,
¡ti̱ bo̱a̱ ti̱ tsꞌén kuichjiájojnúꞌun nga!
ꞌNiú kongítaꞌínjnúꞌun, kó kojnókiejnúꞌun nga sa̱ꞌintíyáa̱ tokó án.
5Ta̱nga tsi an xi tikón an ngajojnú,
sa̱ꞌinꞌniútakonjnúꞌun nga kuichjiájojnúꞌun
én xi sa̱ꞌíndajonjnú xi sa̱ꞌínkꞌíxió xi so xi ndakjaa̱n.
6Tsi kuichjiá an, xixiójín xi so xi ndakjanna,
kó tsi xió kotíjña̱ an, ti̱nde bo̱a̱ tsꞌén tjoꞌóxínjín nga.
7Ta̱nga ji Ne, jè kiniꞌínkjié ji ngaꞌniúna,
kó jè kachjeꞌéxínní ngayeje xota̱ ndiꞌana.
8Kjo̱a̱xkꞌiénna bokó ni xi kjimana,
jè kamáyójin kje̱n án, kó kuí nii̱ xi bokó xí so xi ndakjanna.
9Achichí tjítsꞌénxchánjo̱na Néná,
nga tsꞌénmongatji̱ngina ko̱jo tjítsꞌénxi̱na,
kó ngaskande kjinieya má ṉꞌni̱u̱ kondra̱ tsa̱ꞌa̱n,
¡achichí on kotsijenna xikó maá ngo kondra̱!
10Kondra̱na tsíchji̱a̱taꞌinna, ko̱jo tsajnókiena, kó tsatꞌa tꞌanijón án,
sꞌe̱ ngo tjín katsꞌén yojoo̱ nga yeꞌéna.
11Néná jè katsꞌénkꞌasꞌienna
ngi̱ya tsja xota̱ xi ꞌniú ndajiín.
12Achichí nda tikón an katsaki, ta̱nga Néná katsꞌénkjiékjo̱a̱na,
xikoó tsi kjásén án iskjíbé, sꞌe̱ katsꞌénxi̱na,
kó ta̱soboá án askjanjo̱na.
13Jè jaꞌatjiyajonna jájuún xi kjiní yáyojoó,
kó nde ni̱ma̱jín kamaá nga yeꞌeé chjo̱ondáyána,
kó sana ki̱a̱ katjon tꞌanangii̱.
14Kijítsꞌuiéna xikoó ngo nda̱ xi kján,
kó ti̱ katsꞌénꞌón nginií nínga onna.
15Kó tsajá an ńjño xa̱ꞌya̱,
kó ni̱ma̱kjo̱a̱ tsꞌaxié an yojona ngaskande nga kisꞌietꞌa an tꞌanangi jàn.
16Jè ske má kje̱n án nga achichí jè askjandá an,
jè tjèn má ndyikón án.
17Ndatsi jmíni̱xtjin katsꞌen an ni xi ndajín,
ta̱nga kixi̱ chjiáa̱ Néná.
18Ji tꞌanangi, ngata̱ ꞌyíjín ji jínna,
kó nga boeꞌéjínní ngo ngi̱ndie nínga skjandáyà an.
19Jè be an nga ki̱a̱ nkꞌajmii̱
tikón ngo chistiko̱ xi tikón kjo̱a̱ndana,
ngatꞌa̱ nga ja̱koxi̱ ki̱a̱ tikón xi ꞌboxiéꞌána.
20Ngindyi̱ko̱n Néná achichí ndasen kjandà an,
ngatꞌa̱ amingo̱na mojnókiena.
21Néná boá xi kꞌo̱xiéꞌána,
xikótsꞌèn ꞌnaxiéꞌá ngo amingo̱.
22Ta̱nga jè makjachó ni̱xtjin
nga kotíjña̱ an ngi̱ya nga̱tsjo̱ó,
kó ngiti̱ kji̱ndi̱báꞌoyájín an.
Currently Selected:
Joo̱b 16: MAIX
Highlight
Share
Compare
Copy
Want to have your highlights saved across all your devices? Sign up or sign in
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
